Eksodo 32:19 - Mawu a Mulluku

¹⁹ Mose aphiyalle vakhuviru ni misasa ni woona musaanaang'omboolle ni athu awiina, aasha murima wunchichi. Ahaavokhella vatthi malluku yaari m'mattani mwayaalle, aapwesa museresere mwa mwaangoolle.

Eksodo 32:19 Iomraidhean Croise

2 Samuele 6:14

Davide awanre efodi yabafuta, aaniina mowaatitimiha Apwiya ni masivaaye mattheene.

Masalimo 119:53

Kinnasha murima wunchichi ekaamba ya oonanara ayo ehinathwara malamulwaanyu.

Eksodo 15:20

Vano Miriyamu, namallotella aamutthiyana, murokoriye a Aroni, aamukusa maasa nave atthiyana attheene yaamuthwara vatulli ewiipaka amaasiiwa, yiinaka.

Eksodo 32:11

Koma Mose ahaapepesa Apwiya Mullukwaaye wi, “Nyu Apwiya kaambiiwa tini mwaashenlleenyu murima athwaanyu mwawi ddiidda, athu ayo mwaakhumihalleenyu o Iguputo ni masivaanyu uullupalli ni nnatta nanyu namasiva?

Eksodo 32:18

Koma Mose ahaakhulla wi, “Onyakulla wenko khoniiweya wonanko onyakulla wa athu oopambana vakhotoni apaallettho winlla wa oogonjihiwa koma kiniiwa onyakulla wa machipo.”

Eksodo 34:1

Apwiya yaamulleellattho Mose wi, “Oseme malluku mamodda wonanko meelli akhallaalle wi kilembevo mawu alle yaari va malluku awaamba waapwesilleewaalle.

Yeremiya 31:32

Khekhallattho wonanko echipangano elle kakeraatthilleemi ni makhollwiiwa kaaphareelleemi muwono kaakhumiha o Iguputo. Echipangano yeeyo yaayitathilla naari kaari pwiiwa. Mi Apwiya koollota.

Maliro 5:15

Ehakallallo yoopallalleya m'murimani mwahu, wiina wahu wootthattuwa winlla.

Zekariya 11:14

Vatulli viwa kaayinttakattho ekopo yaneepiilli yooromolliwa Mwiiwanano wooniha omalla wa obale variyari va Yuda ni Israele.

Numeri 12:3

Mose aari awiiyeviha omukhwaranya arive muthu va ellapo yavatthi.

Mateyu 5:22

Koma miyaano kinuulleellani wi wamunanariwella mukhwaawo attekweene a millatu eneerewuuphwanya wi tti oochimwa. Wamullotella epewe mukhwaawo wi, ‘Muthu ookarangeya we’ oneerokusiwa oya wa attekweenaanyu aweeruza millatu. Navettho wamullotella epewe mukhwaawo wi, ‘Okarangeya, oohikhalla ni muttekowe,’ oneerophwanella ovokhiwa mu gehena.

Mariko 10:14

Yesu oonilleeye yeella, aasha murima nave aallota wa oohudderaaye wi, “Ahiyeni anamwanaayo ewe wa miyaano, muhaahiihe kaambiiwa omwene wa Mulluku tti wa athu ookhalla wonanko anamwanaalla.

Mariko 3:5

Yesu ahaaweha moonanariwa komattho ahaamoriwella ethakaraka kaambiiwa yaari athu awumma murima. Vano aallota wa muthu a nnatta noorakalloolle wi, “Okolla nnatta nawo.” Ahookolla nave naachirihiwa.

1 Akorinto 10:7

Nihillapelleke mafano wonanko amodda a yaayo. Vawi mawu a Mulluku enallota wi, “Athu yaayo yaakeraatthi wi eche ni owirya nave yaavenya yiina.”

Aefeso 4:26

Mwasha murima, osha murima wanyunko ohuuchimwiheni nave nndduwa nihivollowe muri oosha murima.

Deuteronomo 10:2

Sika va malluku yaalla kineerolembavo nnddo kalembilleemi va malluku awaamba waapwesilleewaalle nave ohiye malluku yaalla munibokosinimmo.’

Deuteronomo 27:26

“Atembeleliwe arive muthu oohaakhullella ni oohiiwellella malamulo mattheenaalla. “Nave athu attheene yaakhulle wi, ‘Amen!’ ”