Eksodo 32:16 - Mawu a Mulluku

¹⁶ Olla waari mutteko wa Mulluku nave ddoolembiwannddo alembille tti Mulluku mwaneena moogoba vamallukunimvo.

Eksodo 32:16 Iomraidhean Croise

Yobu 19:24

Apaalle yawakiweke vanllukuni ni mukoko, yagobiweke wi ekhalle wa enthawi yoohimalla, ddaaweeroddiva.

Eksodo 31:18

Apwiya emallihalle ollota ni Mose vamwaangoni wa Sinai, yaamwinnya malluku meelli a echipangano ayo Mulluku mwaneena alembilleeyevo khalle ni eyaallaaye.

Eksodo 32:15

Mose aahokollowa akittha ovenyera omwaangoni, akusalle malluku meelli a echipangano oolembiwa embali piilli ddittheddene.

Eksodo 32:17

Nave Yoswa iiwalleeye athu ekhuwaka, aamulleella Mose wi, “Kinniiwa onyakulla wa ekhoto omisasani.”

Eksodo 34:1

Apwiya yaamulleellattho Mose wi, “Oseme malluku mamodda wonanko meelli akhallaalle wi kilembevo mawu alle yaari va malluku awaamba waapwesilleewaalle.

Eksodo 34:4

Sika Mose aasema malluku mamodda meelli wonanko awaambaalle nave ohinase aawella mwaango wa Sinai akusalle malluku meellaalle moollikana ni mmo Apwiya yamulamulelliiwa.

2 Akorinto 3:3

Nyuwaano muri wonanko kalata oolembiwa ni Khrisitu oorumihiwa ni hiyaano. Khalembiwe ni inki apaalle owakiwa vamallukuni koma ni Munepa a Mulluku a Okumi m'mirimani dda athu.

2 Akorinto 3:7

Malamulo a Mose yawakiwe vamallukuni nave yawiille mwa ntitimiho. Naari owala wa ekhove ya Mose wamalliiwa, waari wamasiva wawi athu a o Israele kheyaaworille owehave va olliyooyo. Malamulo yaalla, ayo eniipha, yaarimi ewiille ni ntitimiho nenno,

Deuteronomo 10:1

“Enthawi yeeyo Apwiya yaakilleellattho wi, ‘Oseme malluku meelli wonanko awaambaalle nave opange nibokosi namuteekho wi ohiyekemo mallukwaayo, weeddiiddo owelle omwaangoni wa miyaano.

Deuteronomo 9:15

“Sika kaarukunuwa kikittha mwaango kitukhullalle malluku a echipangano meellaalle. Nave m'mwaangonimmo mwaanakhuma mallumi amunllo.

Aheberi 8:10

Vano ella sika echipangano kineereemi kikeraatthihe ni Aisraele m'mallaponi enawaayo, enallota tti Apwiya. Kineerewiiyaatthi malamulwaaka m'maganizoni mwiwa ni waalemba m'murimani mwiwa. Kineerokhalla Mullukwiiwa, nave alliwa eneerokhalla athwaaka.