Eksodo 31:13 - Mawu a Mulluku

¹³ “Alleelle Aisraele wi, ‘Musungeke Sabata, kaambiiwa tti echizindikiro yoohimalla variyari va miyaano ni nyuwaano mu mibado ddanyu ddittheddene, yawooniha wi mi tti Apwiya, ayo kinuupatulani.

Eksodo 31:13 Iomraidhean Croise

Nehemiya 9:14

Mwahaahuddiha osunga Sabata naweella nave mwahaavaha malamulwaanyu oweella mwa oorumeyellaanyu Mose.

Eksodo 31:12

Apwiya yaamulleellattho Mose wi,

Eksodo 31:17

Ella tti echizindikiro yoohimalla variyari va miyaano ni Aisraele vawi mi Apwiya kaaphatusa oddullu ni ellapo yavatthi wa mallapo matthanu ni nimodda nave kahiithuuwa nave masiva yaahokollweellamo va nllapo naneetthanu ni piilli.’ ”

Yesaya 56:2

Oodala tti muthu oyo aneera ddenndda, anallipihella oddeera, anasunga nllapo na Sabata oohiiripiha ni wiihiiha ddoonanara.”

Yeremiya 17:22

Muhimutukhulle arive katundu okhumana mpa mwanyu apaalle ophara orive mutteko va nllapo na Sabata. Koma musungeke nllapo na Sabata wi nikhalle noopatuleya moollikana ni mmo kaalamulelleemi makhollwaanyu.

Ezekiele 20:12

Kahaavaha nllapo na Sabata wi nikhalle echizindikiro variyari va miyaano ni alliwa wi edduwelle wi mi Apwiya kinnapatula.

Ezekiele 20:20

Muriiheke mallapwaaka a Sabata wi ekhalle oopatuleya ni echizindikiro variyari va miyaano ni nyuwaano. Sika muneerodduwella wi mi tti Apwiya Mullukwaanyu.’

Ezekiele 37:28

Vano athu a mitundu ddimodda eneerodduwella wi mi tti Apwiya owaatthattusa Aisraele wi ekhalle aweella vawi enyumbaaka yaweella eri variyari viwa wa enthawi yoohimalla.”

Ezekiele 44:24

Vakhalla millatu allupa mukutho yeeruzeke nave ekamulleke millatunnddo voopharihani mutteko malamulwaaka. Ethwareke malamulwaaka ni malangizwaaka mattheene a ehakallallo. Yapwathekettho mallapwaaka a Sabata wi ekhalle aweella.

Levitiko 19:3

Arive muthu aavaheke olemu amennya ni attiitthinnya. Musungeke nllapo na Sabata. Mi tti Apwiya Mullukwaanyu.

Levitiko 19:30

Musunguke Nllapo naka Sabata ni oriiha nipuro naka naweella. Mi tti Apwiya.

Levitiko 20:8

Muthwareke malamulwaaka mattheene nave mwiiwellelleke moollikana ni mmo kuulamulelleemini mi tti Apwiya oyo anaweellihani.

Levitiko 21:8

Akhalle aweella wa nyuwaano vawi annavelleella yoocha ya Mullukwaanyu. Akhalle aweella wa nyuwaano kaambiiwa mi Apwiya ayo enuupatulani tti aweella.

Levitiko 23:3

Va mallapo matthanu ni nimodda ophareke mitteko ddawo koma nllapo naneetthanu ni piilli tti nllapo na Sabata, nllapo nawiithuuwa, nllapo na mutthukumano woopatuleya. Tti nllapo na Sabata na Apwiya nave onisungeke orive weko onaakhallekeewe.

Levitiko 25:2

aalleelle Aisraele wi, “Mwavollowa mu ellapo eyo kinuuvaheemini, mwaapatulelleke ethaya Apwiya muyakha waneetthanu ni piilli.

Levitiko 26:2

Musungeke nllapo naka Sabata ni oriiha nipuro naka naweella. Mi tti Apwiya.”

Amosi 8:5

muniikoha nyookha wi, ‘Ethiyo Ehakallallo ya Wooneya wa Mweeri enaamalle niini wi nikullihe ddoohata, nllapo na Sabata ninaamalle niini wi nimukullihettho tirigu, wi niyevihe ddoolingella katundu, wi niwellihe mitengo, wi niwiiyere athu ni masikelo awoottha,

Mateyu 23:17

Nyu athu ookarangeya ni oohoona! Ttiivi eri yoopaalleya okhwaranya ekhwiiwa, golide apaalle enyumba ya Mulluku eyo enamweelliha golidooyo?

Yohane 17:17

Weelliheni yaayo oweella mu masiva a yawoona; mawaanyu tti yawoona.

Yohane 17:19

Nave ekaamba ya alliwaayo kinnaddeelliha meekhaaka wi kiivelleelle wa nyuwaano. Sika yaayottho yakhalle ooddeelliha ni wiivelleella wa nyuwaano mwawoona.

Deuteronomo 5:12

“Osungeke nllapo na Sabata wi nikhalle noopatuleya moollikana ni mmo Apwiya Mullukwaawo yuulamulelliiwa.

1 Atesalonika 5:23

Nave Mulluku amurendelle aweelliheni nyuwaano mu erive ello navettho munepaanyu, okumaanyu ni mwiillaanyu ddihikhalle ni erive yoolakwa yaawaaka Apwiya Yesu Khrisitu.

Yuda 1:1

Ovenyera wa miyaano Yuda, oorumeyella a Yesu Khrisitu ni mwanamunne a Yakobo. Kinuulembellani nyuwaano mwiithaniwe nave munakondiwa ni Mulluku Attiitthaanyu ni oteteziwa ni Yesu Khrisitu.