Eksodo 30:8 - Mawu a Mulluku

⁸ Nave aakhariha enyaleeyo misikuwa, ooseke lubani. Sika vikhalle woosa lubani woohihiyerera vamiitthoni va Apwiya mu mibado ddanyu ddittheddene.

Eksodo 30:8 Iomraidhean Croise

2 Epilli 26:18

Vano allupa mukuthwaayo yaamuhiyiha mwene Uziya emulleella wi, “Pepaani amwene Uziya, nyuwaano khemunaphwanella woosa lubani wa Apwiya koma allupa mukutho, edduullu dda Aroni ayo epatuliwe wi yooseke lubani. Khumani mu nipuro naweellanna vawi khamuwiiwellelle Apwiya nave kheyuuriihani.”

Masalimo 141:2

Nivekello naka niwelle wa nyuwaano wonanko lubani,* otukhullella muddullu wa mattaaka okhalle wonanko mukutho wamisikuwa.

Eksodo 12:6

Mumusunge ophiyera nllapo na 14 na mweeri, mvo Aisraele attheene yiiphalle enama ddiwannddo misikuwa.

Eksodo 25:37

Apange enyali dditthanu ni piilli nave addihiye otthoka wa erukullu ni enthambi dda yoohiyavo enyaleeyo wi ddimolleelleke muhoollo.

Eksodo 27:21

Aroni ni anaaye ekhariheke enyali mu musasa wamutthukumano eyo eri otte wa ekatani yootchinga nibokosi na echipangano. Vano enyaleeyo ekhareke wenko waambeella misikuwa ophiyera ohinase. Nenna nikhalle lamulo wa enthawi yoohimalla wa Aisraele ni mibado ddiwa ddittheddene.

Eksodo 30:7

Orive ohinase Aroni ooseke lubani a nthuko naphaama enthawi eyo aapotokosaka enyaliille.

Eksodo 30:9

Va nikuwamvo ohoosevo lubani nihinaakhullelliwe apaalle mikutho dda enama yooshellelliha, dda yoocha apaalle dda yoowirya.

Aroma 8:34

Ttaani vano anaaweeruze wi tti oochimwa? Khaavo. Vawi Khrisitu Yesu, aakhwa nave aavenyihiwa wa ookhwa nave annakhalla o nnattanatta na Mulluku, olliyettho annanivekella hiyaano attheene!

1 Atesalonika 5:17

Vekellani moohihiyerera.

Aheberi 7:25

Nave sika annawora, ollello ni mallapo mattheene waavullusa ayo enawa wa Mulluku oweella mwa olliye vawi ookhalla ni okumi woohimalla wi aavekellelleke athu wa Mulluku.

Aheberi 9:24

Ella sika ekaambiiwa Khrisitu ahivollowilleeye mu nipuro noopatuleya noomakiwa ni athu nno niri echisanzo ya nipuro nawoona na mallapello. Koma ayiille oddullu nave vano ari wenko ni Mulluku onikavihera hiyaano

1 Samuele 2:28

Nave kaatthoolla nlloko nanyu variyari va malloko mattheene a Aisraele wi nikhalle allupa mukuthwaaka nave wi eyeeke onikuwani naka namukutho yathuwiheke lubani* nave yawareke yoowara yoopangiwa ni ekuwo yaweella wunchichi yookhalla ni efodi ni odduwella nnddo kinapaalleemi wi athwaaka yeereke. Kaanaakawella embali emodda ya ddoovelleella mukutho ddawoosiwa viikho nnddo Aisraele yavelleelliiwa mukutho wa miyaano.