Eksodo 30:35 - Mawu a Mulluku

³⁵ Oddittakanyihere vamodda nave opange lubani wonanko mmo aneerella muthu oopanga ddawunkhella. Ohellemo mwiinyu nave nikhalle naphaama ni naweella.

Eksodo 30:35 Iomraidhean Croise

1 Mamwene 1:39

Zadoki aakusa nnyaka na makhura a olivi ovenyera mu musasa wamutthukumano amuzoza Solomoni. Vatulli viwa yahoopa nipallapata nave athu attheene yaakhuwa wi, “Akhalle ni okumi woorekama Solomoni!”

1 Epilli 9:30

Koma odindo woottakanyihera ddawunkhellannddo waari wa allupa mukutho.

Masalimo 133:2

Onakhalla wonanko makhura oowallamella mutengo oohelliwa va muru, ookitthella veereruni, ereru dda Aroni, aweetellella ophiyera mukohi mwa mukanjwaaye.

Eksodo 28:41

Ddoowara ddenndda omuwarihe mwanamunno Aroni ni anaaye. Nave waazoze, waavahe odindo ni waapatula wi ekhalle allupa mukutho.

Eksodo 30:25

Sika ddittheddenenndda opangelle makhura oopatuleya oozozella. Oddittakanyihere vamodda wonanko mmo aneerella muthu oopanga ddawunkhella.

Eksodo 30:34

Nave Apwiya yaamulleella Mose wi, “Okuse ddoolingella ddoophwanaphwana dda ddawunkhella phaama wonanko sitakate, onika, galibanumu ni lubani naphaama wunchichi.

Eksodo 30:36

Osille phaama embali emodda nave ovahullewo vang'ono ni ohiya vahoollo va nibokosi na echipangano mu musasa wootthukumanellamo ni nyuwaano. Lubani nenna wa nyuwaano nikhalle naweella wunchichi.

Miyambo 27:9

Makhura ni ddawunkhella ddinnahakallalliha murima koma ophaama wa mukhwaawo okonne va malangizwaaye.

Nchipo na Solomoni 1:3

Makhuraawo awiihella ennunkhellesesa. Nnddina nawo tti makhura awunkhella oomimina, sika ekaambiiwa anamwalli enuukondelliiwa.

Nchipo na Solomoni 3:6

Ethiyo tti tini eyo enavenyera ohakani wonanko mwiisi woottikana, yawunkhella ni mure* ni lubani,* ya ddawunkhella ddittheddene dda amalonda?

Levitiko 16:12

Eeddiiddo akuse yoothuwihella mwiisi yooddalla ni mankhalla amunllo oovenyera vanikuwani na Apwiya, avahulle matta meelli a lubani* oosillasilla nave avollowena ntthella na ekatani.

Levitiko 2:13

Mukuthwaaye wa othu awuhelleke mwiinyu vawi mwiinyooyo onnooniha echipangano ya variyari va olliye ni Mullukwaaye. Sika ahelleke mwiinyu mikutho ddaye ddittheddene.

Yohane 12:3

Vano Mariya aakusa makhura a nthuko naphaama oowallamella mutengo oopangiwa ovenyera o ddoomella ddooromolliwa narido ookwakhwana hafu lita. Aazoza manyallo a Yesu ni waapukuta ni meehaaye. Nthuko nawunkhella na makhura yaayo naaddalla mpa mutthemwene.