Eksodo 30:33 - Mawu a Mulluku

³³ Arive muthu anaapange makhura mamodda oophwanaphwanana apaalle omuzozella muthu shisha aneerovenyihiwa variyari va athwaaka.’ ”

Eksodo 30:33 Iomraidhean Croise

Genesis 17:14

Mullopwana oohiphaddiwa kheerengelliwaka ni athu a mutundwaaye kaambiiwa ootathilla echipanganwaaka.”

Eksodo 12:15

Vano Apwiya yaallota wi, “Mumucheke buledi oohikhalla ni yisiti wa mallapo matthanu ni meelli. Va nllapo nawaamba mumuvenyiheke yisiti muttheene mu enyumba ddanyu vawi arive muthu oyo anaamuche buledi ookhalla ni yisiti va mallapo matthanu ni meellaalla aneerovenyihiwa variyari va Aisraele.

Eksodo 12:19

Va mallapo matthanu ni meelli mattheenaayo, mpa mwanyu muhiphwanyeyekettho yisiti kaambiiwa arive muthu oyo anaache yoocha yookhalla ni yisiti, aneerovenyihiwa variyari va Aisraele, mulleto apaalle Muisraele.

Eksodo 29:33

Eche ddittheddene nndde yaddivelleelliiwa wa Apwiya va mutetho woopepesella machimo voowaazozani ni waavaha odindo. Muthu shisha ahiche vawi tti ddoopatuleya.

Eksodo 30:34

Nave Apwiya yaamulleella Mose wi, “Okuse ddoolingella ddoophwanaphwana dda ddawunkhella phaama wonanko sitakate, onika, galibanumu ni lubani naphaama wunchichi.

Eksodo 30:38

Muthu mmodda apanga lubani noophwanaphwana ni nenna wi aphariheke mutteko, avenyihiweke variyari va athwaaka.”

Eksodo 31:14

Sika musungeke Sabata, kaambiiwa tti noopatuleya wa nyuwaano. Arive muthu oohiisunga, iiphiwe. Arive muthu oophara mutteko va nllapo nenno avenyihiwe variyari va athwaaka.

Levitiko 17:10

“Arive Muisraele apaalle mulleto oyo ari variyari viwa acha nikhame, kineeromureya etulli nave muthu yooyo kineeromuvenyiha variyari va Aisraele.

Levitiko 17:14

“Vallethi okumi wa erive yoophatusiwa okonne munikhameni mwiwa. Sika ekaambiiwa kaalleelleemi Aisraele wi ehicheke nikhame na erive yoophatusiwa vawi arive muthu anaaniche aneerovenyihiwa variyari va Aisraele

Levitiko 17:4

koma woohiwaana va mullako musasa wamutthukumano wi ekhalle yoovelleella wa Apwiya, muthooyo oottatthamulla mullatu wa nikhame kaambiiwa oomoriha nikhame. Muthu yooyo avenyihiwe variyari va Aisraele.

Levitiko 17:9

aahiwaana va mullako wa musasa wamutthukumano ayivelleelle vamiitthoni va Apwiya, muthu yooyo avenyihiwe variyari va Aisraele attheene.

Levitiko 18:29

Vawi arive muthu anaaweere ddooripihiwa ddenndda aneerovenyihiwa variyari va Aisraele akhwaaye.

Levitiko 19:8

Arive muthu oyo anaawuche, aneerollakiwa kaambiiwa ooripiha ello yoopatuleya ya Apwiya, muthu yooyo avenyihiwe variyari va Aisraele akhwaaye.”

Levitiko 20:17

“Muthu amutthella murokoriye, mwaana aamutthiyana a attiitthinnya apaalle mwaana aamutthiyana a amennya, eelliinaayo aheera ello yoowulliha muru, vano attheenaayo evenyihiwe vamiitthoni va Aisraele attheene. Kaambiiwa kheyiiwellelle malamulo yaalla nave eneerollakiwa.

Levitiko 20:18

Muthu akona ni mutthiyana oonille mweeri sika wi oorulla woona mweeri waye nave mutthiyanooyo ohiirulla. Athu eellaalla evenyihiwe variyari va Aisraele akhwiiwa.

Levitiko 20:3

Muthu yooyo kineeromureya etulli nave kineeromuvenyiha variyari va Aisarele akhwaaye, ekaamba yawi ohaaheraatthi anaaye wa Moleki ni oripiha nipuro naweella navettho ooripiha nnddina naka naweella.

Levitiko 22:3

Arive muthu mwa edduullu ddanyu dda mibado ddittheddene, asusera va ddoopatuleya nnddo Aisraele yavelleelliiwa wa Apwiya ari ooripihiwa avenyihiwe vamiitthoni vaka. Mi tti Apwiya.

Levitiko 23:29

Koma oyo aripihiwe ekaamba yoohihalla ocha,* avenyihiwe variyari va Aisraele.

Numeri 15:30

“Koma muthu oyo anachimwa mwaphudda, khaya tti Muisraele apaalle mulleto, ohaavevulla Apwiya nave muthooyo avenyihiwe variyari va Aisraele akhwaaye.

Numeri 15:31

Ekaamba yawi oovevulla mawu a Apwiya nave khiiwellelle lamulo niwa, muthu yooyo emuvenyihevo nave tti oophwanella ollakiwa.”

Numeri 19:13

Oyo anaattannye mutembo nave aahiddeelliha, muthu yooyo anaripiha musasa wa Apwiya, sika aneerovenyihiwa variyari va Aisraele. Aneerokhallave ooripihiwa ekaamba yawi khamiddiwe maaddi aweellihella.

Numeri 19:20

“Koma muthu ooripihiwooyo aahiddeelliha avenyihiwe variyari va Aisraele vawi ooripiha nipuro noopatuleya na Apwiya. Olliye tti ooripihiwa ekaamba yawi khemmiddalle maaddi aweellihella.

Numeri 4:18

“Muhinaakhullella Akohati yoonongeye variyari va Alevi,

Numeri 9:13

Koma muthu aahiiripiha apaalle aahikhalla voolendoni koma akhoota ochana Ehakallallo ya Paska yooyo avenyihiwe variyari va Aisraele kaambiiwa khaawiille ni ddoovelleella ddaye wa Apwiya va enthawiiwa. Yooyo aneerollakiwa ekaamba ya nichimo naye.