Eksodo 30:29 - Mawu a Mulluku

²⁹ Ddittheddenenndda oneeroddipatula mwawi ddiidda wi ddikhalle ddaweellihiwa wunchichi. Nave erive ello enaattannye ddenndda eneerewoonongeya ekaamba ya masiva a weella wiwa.

Eksodo 30:29 Iomraidhean Croise

Eksodo 29:37

Wa mallapo matthanu ni meelli ovelleelleke mukutho woweellihella nikuwanno nave onipatuleke. Vatulli viwa nikuwanno nineerokhalla naweella wunchichi nave erive ello enaattannye nikuwanno eneerewoonongiwa ni masiva a weella wiwa.

Eksodo 30:28

nikuwa nooshellellihavo mikutho ni ezipangizo ddiwa navettho nibeseni noohapellamo ni marwiiweene.

Eksodo 30:30

Nave omuzoze Aroni ni anaaye ni waapatula wi ekhalle allupa mukutho.

Eksodo 40:10

Nave ozozettho nikuwa na mukutho wooshellelliha ni ezipangizo ddiwa ddittheddene wi opatulelle wa miyaano wi ddikhalle ddaweellihiwa wunchichi.

Levitiko 6:18

Edduullu ddittheddene dda Aroni ddicheke dda mukutho wawoosiwa viikho ddoovelleelliwa wa Apwiya wonanko mmo ddalembelliwiiwa wi ddikhalleke ddiiddo enthawi ddittheddene wa mibado ddittheddene. Erive ello eyo enaattannye nikuwanno eneerewoonongiwa ekaamba ya masiva a weella wa nikuwanno.”

Levitiko 8:10

Vatulli viwa Mose aakusa makhura oozozella, azoza musasa wamutthukumano ni ddittheddene nnddo ddaari mwemmo nave aaddeelliha.

Levitiko 8:11

Aamidda makhura mamodda olendo otthanu ni opiilli vanikuwani nave aazoza nikuwanno ni ezipangizo ddiwa ddittheddene nave aaddipatula. Aazozattho ebeseni yoonawellamo ni voohiyavo ebeseneeyo nave aaddipatula.

Numeri 7:1

Va nllapo nno Mose amallihalleeye omakiha musasa wamutthukumano, awuzoza nave awupatula ni ezipangizo ddiwa. Aazozattho nikuwa nave aanipatulella nimodda ni ezipangizo.

Mateyu 23:17

Nyu athu ookarangeya ni oohoona! Ttiivi eri yoopaalleya okhwaranya ekhwiiwa, golide apaalle enyumba ya Mulluku eyo enamweelliha golidooyo?

Mateyu 23:19

Nyu athu oohoona! Ttiivi eri yoopaalleya okhwaranya ekhwiiwa, emphaso apaalle nikuwa na mukutho mvo vineelliha emphasweeyo?