Eksodo 3:9 - Mawu a Mulluku

⁹ Miyaano kohiiwa okhuwa wa Aisraele nave kohoonesesa ddoohoosa nnddo Aiguputo enaweerelliiwa.

Eksodo 3:9 Iomraidhean Croise

Genesis 16:11

Vano oneerokhalla ni mwaana aamullopwana nave onaamuvahe nnddina nawi Ishmaele vawi Apwiya ahiiwa winlla wawo va ddookatamiha ddawo.

Genesis 31:12

Olliye aallota wi, ‘Tukhulla miitthwaawo nave ona, anankhoro attheene enawellaalla tti amadonthomadontho, amizelemizele ddaweella ni amankhaangamankhaanga. Ddenndda kenre tti miyaano vawi kohoona nnddo Labani anaweerelleeye.

2 Mamwene 13:4

Vano Yehowahazi aavekella wa Apwiya nave yaamwiiwella vawi yahoona ohoosiwa wa Aisraele nko mwene a o Siriya aweerelleeye.

2 Mamwene 20:5

“Hokollowa, wamulleelle Hezekiya, mwene a athwaaka wi, ‘Mi Apwiya Mulluku a nikhollo nawo Davide kohiiwa ovekella wawo nave kooddoona miitthori ddawo. Vano kineerewuuchiriha. Oneerowora ollapella o enyumba ya Apwiya omuroto vano.

Nehemiya 9:9

Mwahoona ohoosiwa wa makhollwaahu o Iguputo, mwahiiwa winlla wiwa va Enyanja Yoofiira.

Masalimo 12:5

Ekaamba yawi oohoowa ahaakhiwa ddayiwa, oorama ddeko ennakhupanya, Apwiya enallota wi, “Vano kineerohiyavo nnatta naka, kineerewaavullusa mmo enapaallelliiwa.”

Masalimo 9:14

wi kithokoze mitteko ddanyu ddittheddene variyari va athwaanyu mu Ziyoni. Ddawoona, kinnahakallalla kaambiiwa mookivullusa.

Eksodo 1:11

Nave yahaahiyavo uullupalli a thangata owaaphariha mutteko Aisraelaayo mwa ekuku. Aisraele yaamumakella Faraooyo mizinda dda Pitomu ni Ramsesi, nko wasungiwa ddoocha.

Eksodo 1:22

Vano Farao ahaalamula athwaaye attheene wi, “Arive mwaana aamullopwana ooyariwa mwa Aheberi mumuvokhelleke m'muhinjeni wa Nailo koma anamwani attheene aatthiyana, mwaahiyeke ni okumi.”

Eksodo 1:8

Vatulli viwa o Iguputo waavollochihiwa mwene mmodda oyo ahimudduwellille Yosefe.

Eksodo 2:23

Viviralle enthawi yoorekama wunchichi mwene a o Iguputoolle aakhwa. Nave Aisraelaalle yaavirellella winlla ekaamba ya okaporwiiwoolle nave yaakhuwa wi ekaviheriwe, sika okhuwa wiwa wahiiweya wa Mulluku.

Eksodo 2:25

Sika Mulluku aawoona Aisraelaayo nave aamoriwa ethakaraka.

Eksodo 3:7

Vano Apwiya yaallota wi, “Kohoona ohoosiwa wa athwaaka o Iguputo. Kohiiwa okhuwa wi ekaviheriwe, ekaamba ya uullupalli a thangata ayo enaahoosa. Kinnadduwella phaama ddoovoreya ddiwa.

Oollalleya 4:1

Kahoonattho orama echilungamo ottheene oneereya vatthimva. Nave kaawoona oonyingallelliwa emorihaka miitthori koma khaarivo naari mmodda owaakhurumusa murima. Khaarivo owaakhurumusa murima kaambiiwa owaahoosaayo yaakhalla ni masiva.

Oollalleya 5:8

Wawoona athu oohoowa ehoosiwaka mwiillaponi navettho yaakhiwaka murendelliiwa ni echilungamo mweekuku, ohittikhine. Vallethi oowehera muullupalli ookhallana mmodda muullupalli wunchichi oyo anamuwehera. Navettho vookhalla uullupalli wunchichi amodda ayo enaawehera.

Amosi 4:1

“Ngaapellani maaru, nyu atthiyana a o Samariya, nyu muniinenevella wonanko eng'ombe dda o Bashani, nyu munaanyingallella oohoowa, nyu munaakatamiha oopaneya nyu munaalamula amamuninyu wi eweena ddoowirya wi muwirye.

Deuteronomo 26:7

Vaavo hiyaano nahinllella wa Apwiya Mulluku a makhollwaahu wi enikavihere. Alliwa yaaniiwa nave yahoona ohoowa wahu, mutteko wootopiha oyo Aiguputwaalle yanipharihiiwa navettho okumaahu woopaneyooyo.

1 Samuele 9:16

“Osiisello enthawi wonanko yeella kinneerewuurumihella muthu ovenyera o nlloko na Benjamini, omuzoze ni makhura a olivi vamuru vaye wooniha wi anaakhalle mwene aathwaaka, Aisraele. Aneerewaavullusa athu wa Afilisti. Kohoona ollakiwa wiwa nave kohiiwa winlla wiwa.”