Eksodo 3:8 - Mawu a Mulluku

⁸ Kookittha wi kaavulluse wa Aiguputo ni waakhumiha mu ellapo yeeyo wi kaavollochihe mu ellapo yuullupalli ni yaphaama, ellapo yooddalla ni mukaka ni enwi. Enakhallamo tti Akanani, Ahiti, Aamori, Aperezi, Ahivi ni Ayebusi.

Eksodo 3:8 Iomraidhean Croise

Genesis 11:5

Vano Apwiya yaakittha wi yoone muzindooyo ni nttattha yamaka athwaayo.

Genesis 11:7

Hankoni nikitthelle wenko wi navirikanihe ellotellwiiwa wi ehiiwananeke.”

Genesis 15:13

Sika Apwiya yaamulleella wi, “Odduwelle moosimikiza wi edduullu ddawo ddineerokhalla alleto o ellapo yaaneena, ddineerokhalla wonanko akaporo nave ddineerohoosiwa wa miyakha 400.

Genesis 15:14

Koma kineerewaallaka athu enaarumeyellekeewaayo, vano edduullu ddawonnddo ddineerokhumawo o ellapweeyo ddikusalle eyuuma yinchichi.

Genesis 18:21

Mwawi ddiiddo kinapaalla kikitthellewo wi koone dda mullatu oyo kiiwalleemi waarimi ori wawoona.”

Genesis 43:11

Vano Yakobo attiitthiiwa ahaalleella wi, “Ddikhallelliiwammu, erani ddennddo. Muthooyo mumukusellewo ezipaso ddooddiva dda mwiillaponimmu m'mathumbani mwanyummo wi mwamuvahe. Mumukusellettho makhura awiihella vang'ono, enwi vang'ono, makhura awunkhella oohiyanahiyana, mure,* muteza ni ezipaso ddimoddattho.

Genesis 46:4

Miyaano kineerooya nimodda ni weyaano o Iguputo nave edduullu ddawonnddo kineeroddihokollosellattho weewuno. Yosefe aneerokhalla ni weyaano va enthawaawo yookhwa.”

Genesis 50:24

Nave ahaalleella asinne wi, “Onnoonathi wi kiri vakhuviru okhwa koma Mulluku aneerokhalla ni weyaano nave aneerewuuhokollosella o ellapo allupenlleeye wa makhollwaanyu Abrahamu, Isaki ni Yakobo.”

1 Epilli 1:15

Ahivi, Aariki, Asini,

Nehemiya 9:8

Mwahoona wi aari oororomelleya wa nyuwaano sika mwaakeraatthiha echipangano. Mwaalonjeza wi muneeromuvaha ellapo ya Akanani, Ahiti, Aamori, Aperezi, Ayebusi ni Agirigashi wi ekhalle ellapo eyo munaakhalleke edduullu ddaye. Sika mookwakhwaniha lonjezo nanyu vawi nyuwaano tti oolungama.

Masalimo 12:5

Ekaamba yawi oohoowa ahaakhiwa ddayiwa, oorama ddeko ennakhupanya, Apwiya enallota wi, “Vano kineerohiyavo nnatta naka, kineerewaavullusa mmo enapaallelliiwa.”

Masalimo 12:6

Mawu a Apwiya tti aweella, wonanko siliva aweekiwa phaama, aweellihiwa otthanu ni opiilli.

Masalimo 34:8

Llawihani moone, Apwiya tti aphaama, oodala tti muthu oothawella wa Apwiya.

Masalimo 91:15

Akiithana, kineeromwaakhulla, kineerokhalla ni olliye enthawi ya ddoohoosa, kineeromwaakiha ni omuvaha olemu.

Eksodo 12:41

Va nllapo nenno mvo miyakha 430 ddamalliiwa, malloko mattheene a athu a Apwiya yaavenyawo o Iguputo.

Eksodo 12:51

Sika nllapo nno Apwiya yaakhumihalliiwa Aisraele o Iguputo m'millokoni mwiwa.

Eksodo 13:5

Apwiya yaallupella wa makhollwaanyu wi eneerewuuvahani ellapo ya Akanani, Ahiti, Aamori, Ahivi ni Ayebusi. Ellapo yeeyo tti yooddalla ni mukaka ni enwi. Yuuvollochihani mu ellapo yeeyo, musungeke ehakallallo yeella mu mweeri yoolla.

Eksodo 3:17

Oosimikiza wi aneerewuukhumihani o Iguputo munahoosiweenyu wuno nave aneerewuuvollochihani mu ellapo ya Akanani, Ahiti, Aamori, Aperezi, Ahivi ni Ayebusi, ellapo yooddalla ni mukaka ni enwi.’ ”

Eksodo 34:11

Mwiiwellelleke malamulo alla kuulamulelleemi ollellwaalla. Kineerowiikariha Aamori, Akanani, Ahiti, Aperezi, Ahivi ni Ayebusi.

Eksodo 5:23

Ovenyera enthawi yeelle kayiilleemiwo wa Farao wi kamulleelle mawaanywaalle, ookhalla aahoosakave athwaanyu. Koma khemweerillevo naari ello wi mwaavulluse athwaanyu.”

Yesaya 36:17

Muneereke ddiiddo ophiyera mwene uukusalleni oya o ellapo yoophwanaphwana ni yawinyweella, ellapo ya tirigu ni vinyo, ya buledi ni emata ddampesa.

Yesaya 64:1

Nyu Apwiya, waphaama mwatthanlleke muddullu wi mukitthe vatthi. Miyaango ddaaweerotikheya voowoonani nyuwaano,

Yeremiya 11:5

Sika vano kineereweera nnddo kaalonjezilleemi moollupella makhollwaanyu wi kineerewaavaha ellapo yamukaka ni enwi, ellapo munakhalleenyumweella.’ ” Sika kahaakhulla wi, “Amen, Apwiya.”

Yeremiya 2:7

Kahuuphiyihani o ellapo ya ethaya yaphaama wi muche ezipaso ni ddaphaama ddimodda dda mwemmo. Koma muvollowillemo wene, mwaayiripiha ellapwaaka mwaayitthattusa yoohallanaaka yoonanara.

Yeremiya 32:22

Mwahaavaha ellapo ella yamukaka ni enwi mwaalonjezilleenyu moollupella makhollwiiwa.

Ezekiele 20:6

Nllapo nenno kaallupella wa alliwa wi kineerewaakhumiha mu Iguputo oyaana o ellapo eyo kaavahilleemi, ellapo ya mukaka ni enwi, yooreera okhwaranya ellapo ddimodda.

Levitiko 20:24

Koma kahuulleellani wi muneerewaakhella ellapo wi ekhalle yaanyu, ellapo yooddalla mukaka ni enwi. Mi tti Apwiya Mullukwaanyu oyo uupatulalleni variyari va mitundu ddittheddene.

Amosi 2:10

Kahuukhumihani mu Iguputo, kahuuhoollellani mu echipululu miyakha 40, kahuuvahani ellapo ya Aamori wi ekhalle yoohallanaanyu.

Numeri 13:18

Moone ellapweeyo wi tti yawiidde nave athu a mwiillaponimmo yaarimi eri amasiva apaalle oofooka nave yaarimi eri ooyeva apaalle anchichi.

Numeri 13:19

Moone ellapo enakhalliiwamweeyo yaarimi eri yaphaama apaalle yoonanara, m'mizindani mmo enakhalliiwamo ddaarimi ddaapheelliwe ni mpanda apaalle iyaayi.

Numeri 13:27

Yahaalleella wi, “Naaphiya o ellapo eyo mwanirumalleenyu. Ellapweeyo tti ya mukaka ni enwi nave ezipaso ddiwa tti nndda.

Yohane 3:13

Khaavo muthu awenlle oddullu koma miyaanove Mwaana a Muthu, sika kakitthalle ovenyera oddullu.”

Yohane 6:38

Vawi ngaakitthalle ovenyera oddullu wi keere opaalla waka koma wi keere opaalla wa oyo aakirumalle miyaano.

Deuteronomo 1:25

Yaahokollowa ekusalle ezipaso nave yaaphiyana vamiitthoni vahu enilleella wi, ‘Ellapo eyo Apwiya Mullukwaahu enanivahiiwa tti ya ethaya yaphaama.’

Deuteronomo 1:7

Timullani muye o ellapo yamiyaango ya Aamori ni otthewene nko onakhalla akhwiiwa a Aamoraayo monga o ntapo na Araba, o miyaango ni o ntapo, ohito ni omwera, mukhwipi mwa Enyanja Yuullupalli, o ellapo ya Akanani ni Alebanoni ophiya o muhinje muullupalli wa Yufurate.

Deuteronomo 27:3

Vatulli viwa, mulembevo malamulo mattheenaalla mwavollowa mu ellapo yamukaka ni enwi eyo Apwiya Mulluku a makhollwaanyu yuulonjezilleewani.

Deuteronomo 28:11

Apwiya eneerewuudalisani ni ezipaso dda m'mwiillini mwanyu ddinchichi, eziweto ddinchichi navettho ddoohata ddinchichi. Eneerewuuvahani ddittheddenenndda mu ellapo eyo yallupenlliiwa wa makhollwaanyu wi eneerewuuvahani.

Deuteronomo 6:3

Vano nyu Aisraele, apellani maaru nave muchenjere ni wiiwellella ddawoona, malamulwaalla. Sika ddeko ddineeroweetellani phaama nave muneerokhalla mutundu muullupalli ni okhalla mu ellapo ya mukaka ni enwi moollikana ni mmo Apwiya Mulluku a makhollwaanyu yuulonjezelleewani.

Deuteronomo 7:1

“Apwiya Mullukwaanyu eneerewuuphiyihani mu ellapo eyo munaawaakheenyu nave mitundu ddimodda ddittheddene eneeroddiikarihamo. Alliwa eneerewiikarihamo mitundu mitthanu ni miilli ddookhalla ni athu anchichi ni amasiva wuukhwaranyani nyuwaano monga Ahiti, Agirigashi, Aamori, Akanani, Aperezi, Ahivi ni Ayebusi.

Yoswa 5:6

Aisraele yaaneeta muchipululuni wa miyakha 40 ophiyera mutundu muttheene, akhoto attheene, yakhumalle mu Iguputo etthollowille ekaamba yoohiiwellella mawu a Apwiya. Apwiya yahaallupellella wi khevollowamo mu ellapo eyo yallupellelliiwa waavaha makhollwiiwa, ellapo yaweeta mukaka ni enwi.

Yoswa 9:1

Mamwene mattheene ookhalla woovollowa nndduwa wa muhinje wa Yordani yahiiwa ddenndda. Attheene ookhalla m'miyaangoni, mutapo ni mukhwipi mwa Enyanja Yuullupalli ya ompoto wa Lebanoni alliwattho yahiiwa. Yaalla tti mamwene a Ahiti, Aamori, Akanani, Aperezi, Ahivi ni Ayebusi.

Yoswa 9:7

Koma Aisraele yaawaakhulla Ahivi wi, “Apaalle owaninyu tti mukhuviru mwemmu. Vano ninaapangane mwawiidde?”