Eksodo 3:22 - Mawu a Mulluku

²² Arive Muisraele aamutthiyana aneeromuveka Muiguputo awaatamanana enyumba apaalle oyo anakhalla ni Muiguputooyo mpa mwaye wi amuvahe ddeko ddawiireerihana ddasiliva ni ddagolide navettho ddoowara. Muneerowawariha ddeko ddenndda aniinyu aallopwana ni aatthiyana. Nave vaweerani ddiidda muneerowaakha Aiguputwaayo ddittheddene.”

Eksodo 3:22 Iomraidhean Croise

Genesis 15:14

Koma kineerewaallaka athu enaarumeyellekeewaayo, vano edduullu ddawonnddo ddineerokhumawo o ellapweeyo ddikusalle eyuuma yinchichi.

Genesis 24:53

Vano aakhumiha ddeko dda siliva ni dda golide ni ddoowara nave aaddivelleella wa Rebeka. Aavelleellattho emphaso ddoowallamella mutengo wa murokoriye a Rebekooyo ni wa amennya.

Masalimo 105:37

Vano yahaakhumiha Aisraele emukusalle siliva ni golide, variyari va mallokwiiwa khaavo oyo akukhumuwalle.

Eksodo 11:2

Vano alleelle athu, arive mullopwana ni arive mutthiyana wi aveke wa Aiguputo awaatamanana enyumba ddawiireerihana, ddasiliva ni ddagolide.”

Miyambo 13:22

Muthu aphaama annahiyera eyuuma edduullu ddaye koma oonanara eyuumaaye ennakhalla ya oolungama.

Yesaya 33:1

Otulli wa awoononga, we ohinoonongiweke! Otulli wa awoottottha, we ohinoottotthiweke ni arive muthu! We wahiya woononga oneerewoonongiwa nave wahiya woottottha oneerewoottotthiwa.

Ezekiele 39:10

Kheyaashaka ekhuni ohakani apaalle otthalla ekhuni muutthakoni. Munllwiiwa enaakharihelleke ezida ddennddo. Eneerowaakha ayo yawaakha nave eneerowiiyera ayo yawiiyera. Mi Apwiya Mulluku koollota.”