Eksodo 3:2 - Mawu a Mulluku

² Wenko mungelo a Apwiya aamooneyella m'munlloni wookhara vamakukhuni. Mose awehille, ahoona munllo okharaka vamakukhuni koma makukhwaayo kheyaasha.

Eksodo 3:2 Iomraidhean Croise

Genesis 21:17

Mulluku aamwiiwa mwaanooyo inllaka nave mungelo a Mulluku aallota ni Hagara ovenyera oddullu wi, “Hagara, ethiyo enuukatamiha tti tini? Ohoove. Mulluku ohiiwa winlla wa mwaanoolla.

Genesis 22:11

Koma mungelo a Apwiya aamwiithana ovenyera oddullu wi, “Abrahamu, Abrahamu!” Olliye ahaakhulla wi, “Ee, Apwiya!”

Genesis 48:16

oyottho tti mungelo akoopollille o ddawoononga ddittheddene, aadalisettho! Oyeella mwa asombwe eellaalla, nnddina naka ni manddina a makhollwaaka Abrahamu ni Isaki, evuwihiwe va enthawi ddittheddene! Ekhalle ni edduullu ddinchichi va ellapo yavatthi, nave ekhalle mutundu muullupalli va ellapo yavatthi!”

Masalimo 66:12

Mwahaakhullella wi adani eninyingallelle, naavollowa m'munlloni ni m'maaddini komave mooniphiyiha onipuroni nawiithuuwella.

Eksodo 19:18

Mwaango muttheene wa Sinai waahuruwelliwa ni mwiisi, ekaamba yawi Apwiya yaakitthella vamwaangonimvo mwa munllo. Mwiisooyo waanawella muddullu wonanko mwiisi wa ufuni nave mwaango muttheenoolle waheengereya wunchichi.

Eksodo 23:20

“Kineeromurumiha mungelwaaka vahoollo vanyu wi uutetezeni mu ettilla ni wuuphiyihani onipuroni nko kuukhozelleemini.

Eksodo 24:17

Wa Aisraelaalle, ntitimiho na Apwiyanne nooneya wonanko okhara wa munllo vamwaangoni.

Eksodo 3:16

Khawe waatthukumanihe oohoollella attheene a Aisraele, waalleelle wi, ‘Apwiya Mulluku a makhollwaanyu, Mulluku a Abrahamu, Isaki ni Yakobo, aakooneyella nave aakilamula wi kuulleelleni wi oowa wa nyuwaano nave ohoona ddittheddene enaweerellani Aiguputo.

Yesaya 43:2

Voollapuwani enyanja kineerokhalla ni weyaano, voovirani m'muhinjeni khokwekweresiwa. Vaweetani vamunlloni khosha, mallumi amunllo kheyuushellelliha.

Yesaya 63:9

Mu ddoohoosa ddiwa ddittheddene alliwa aahoowa. Mungelo oovenyera wa alliwa ahaavullusa nave aawoopolla mwa echikondiiwa ni echifundwiiwa. Sika Apwiya ennaapwatha wonanko anamwani ovenyera khalle.

Daniele 3:27

Enduna, akhoto uullupalli ni alangizi a mwene yaatthukumana moowaapheella yoona wi munllo khawaawonre waashellelliha athwaayo. Naari meehiiwa kheyaavuwalle, ddoowara ddiwa kheddaashille nave kheyaawunkhalle munllo naari vang'ono.

Zekariya 13:7

Apwiya Amasiva Mattheene enallota wi, “We nsupada, venya, muwukile mbusaaka, mukhwaaka a vamurimani. Mukakathe mbusa nave enkhosa dda mulloko ddineeropallalleya. Kineeroddikakatha vamodda ni dding'onong'ono ddene.

Malaki 3:1

Apwiya Amasiva Mattheene enallota wi, “Ngoonani, kineeromuruma amithengaaka wi akipotokoselle ettilla. Sika Apwiya munawaashaasheenyu eneerophiya o enyumbiiwa moorurumusa. Amithenga a echipangano oyo munahakallalleenyuna aneeroowa. Mi Apwiya Amasiva Mattheene koollota.

Mariko 12:26

Vano dda ovenya wa ookhwa, khamweerengille mu nibukhu na Mose dda makukhu yakhara munllo mvo Mulluku allotilleeye ni Mose wi, ‘Miyaano kiri Mulluku a makhollwaanyu, Mulluku a Abrahamu, Mulluku a Isaki ni Mulluku a Yakobo.’

Luka 20:37

Nave Mose ahooniha khalle wi athu eneerovenya wa ookhwa. Kaambiiwa mu mwaha wa makukhu yakhara munllwaalle Mose ahaaromolla Apwiya wi, ‘Mulluku amakhollwaahu Mulluku a Abrahamu, Mulluku a Isaki ni Mulluku a Yakobo.’

Yohane 1:14

Mawu yaalla yaakhalla muthu, ooddalla ni echisomo ni yawoona, ekhalla variyari vahu. Nahoona ntitimiho naye, ntitimiho nno aakhenlleeye wa Attiitthinnya vookhallani mwaniwa mmoddave.

Aroma 8:3

Mulluku aheera eyo malamulo a Mose yahiwonriiwa weera kaambiiwa omuthu waalephela. Olliye aahumullulla machimo oomuthwaayo voomurumihani mwanaye, oyo aawiille mwa mwiilli wonanko muthu oochimwa wi amallihe machimo.

Deuteronomo 33:16

Ellapwiiwa ekhalle ni ddoohata ddoopambana, edalisiwe ni Apwiya ookhalla mu makukhu ookhara. Madaliso mattheenaalla emorelle nlloko na Yosefe vawi tti oohoollella variyari va asinne.

Deuteronomo 4:20

Koma nyuwaano tti athu ayo Mulluku aakhumihalleeye mu ellapo ya Iguputo, mu eng'anjo yooviheelle wi mukhalle yoohallanaaye wonanko mukhallelleenyu ollellova.

2 Atesalonika 1:7

Nave nyuwaano munahoosiwa aneerewuuvahani wiithuuwa vamodda ni hiyaano. Aneere ddenndda Apwiya Yesu yooneya ovenyera oddullu vamodda ni angelwaaye amasiva,

Oweeruza 13:13

Mungelo a Apwiyoolle aamulleella Manowa wi, “Ddittheddene kamulleelleemi mwaariyo addipwatheke.