Eksodo 3:15 - Mawu a Mulluku

¹⁵ Nave Mulluku aamulleellattho Mose wi, “Waalleelle Aisraele wi, ‘Apwiya Mulluku a makhollwaahu, Mulluku a Abrahamu, Mulluku a Isaki ni Mulluku a Yakobo sika akirumihalle wa nyuwaano.’ Nenna sika nnddina naka wa enthawi yoohimalla. Nenna sika nnddina nno ddinaakiromollellekiiwa mibado ddittheddene ddamuhoollo.

Eksodo 3:15 Iomraidhean Croise

Genesis 24:12

Mullupa muttekooyo aavekella wi, “Apwiya Mulluku a apwiyaaka Abrahamu, kinimuuvekani wi ddeko ddikeetelle phaama ollello nave moonihe lonjezo nanyu noohimalla va apwiyaaka Abrahamu.

1 Epilli 16:16

echipangano yakeraatthihalliiwa ni Abrahamu, lonjezo yallupenlliiwa wa Isaki,

1 Epilli 29:18

Nyu Apwiya Mulluku a Abrahamu, Isaki ni Yakobo makhollwaahu, keraatthihani wa enthawi yoohimalla maganizo ni makhallello yaalla m'murimani mwa athwaanyu nave ekhalle ni murima woororomelleya wa nyuwaano.

2 Epilli 28:9

Koma waari namallotella a Mulluku nnddina naye Odedi. Olliye aaya wi akumane ni mulloko wakhoto wawiille o Samariya nave ahaalleella wi, “Apwiya Mulluku a makhollwaanyu yahaashella murima athu a o Yuda nave yahaavelleella m'mattani mwanyu koma moowiipha mwa owalli oyo ophiyalle oddullu.

Masalimo 102:12

Koma nyu Apwiya, munnalamulella wa enthawi yoohimalla, athu a mibado ddittheddene eneerowuupuwellani.

Masalimo 102:13

Muneerovenya ni omumorella ethakaraka Ziyoni vawi enthawi yoomweerella echifundo yoophiya.

Masalimo 135:13

Nyu Apwiya nnddina nanyu, tti na enthawi yoohimalla, athu a mibado ddittheddene eneerowuupuwellani.

Masalimo 30:4

Nyu athwiiwa aweella, ipani machipo awaatitimiha Apwiya, athokozeni ekaamba ya weella wiwa.

Masalimo 30:5

Onanariwa wiwa tti wa enthawi yooyeva, oreera murima wiwa tti wa okumi muttheene. Naari miitthori ddimoraka mahiiyu mattheene, ohinase onnakhalla ohakallalla.

Masalimo 68:5

Attiitthiiwa a akhwaadduni, aweeruza aphaama a anaamukhwelle, tti Mulluku oyo anakhalla onipuroni naaye naweella.

Masalimo 72:17

Nnddina naye nihitiwalliwe naari vang'ono, epillaaye ekhallevove wonanko nndduwa. Athu yaakhelle madaliso ekaamba ya olliye, mitundu dda athu ddittheddene ddimweere oodala.

Masalimo 72:19

Nnddina niwa nootitimiheya nidaliseye wa enthawi yoohimalla, otitimiheya wiwa oddalle ellapo yavatthi ettheene. Amen! Amen!

Eksodo 15:2

Apwiya sika masivaaka ni ekophollo ddaka, alliwa tti oovullusaaka. Alliwa tti Mullukwaaka nave kineerewaatitimiha, tti Mulluku a attiitthaaka nave kineerewaatthamalla wunchichi.

Eksodo 15:3

Apwiya tti mullupa akhoto, Apwiya sika nnddina niwa.”

Eksodo 3:13

Mose ahaakhulla wi, “Apaalle miyaano kaya wa Aisraelaayo niwaalleella wi Mulluku a makhollwaanyu ookirumiha wa nyuwaano, alliwaayo ttuukikoha wi, ‘Nnddina naye ttaani?’ Ethiyo mi kaalleelle wi tini?”

Eksodo 3:6

Aavirellella ollota wi, “Mi tti Mulluku a makhollwaawo, Mulluku a Abrahamu, Mulluku a Isaki ni Mulluku a Yakobo.” Vano Mose aakhuneella ekhove woova omuweha Mulluku.

Eksodo 4:1

Mose ahaakhulla wi, “Koma ethiyo vano Aisraelaayo yaahikikhulupilila apaalle yaahiiwellella mawaaka, enallota wi, ‘Apwiya khewooneyelle weyaano?’ ”

Eksodo 4:5

Apwiya yaamulleella wi, “Weere ddenndda wi ekhulupilile wi Apwiya Mulluku a makhollwiiwa, Mulluku a Abrahamu, Mulluku a Isaki ni Mulluku a Yakobo, aawooneyella.”

Eksodo 6:2

Mulluku amulleella Mose wi, “Mi tti Apwiya.

Miyambo 18:10

Nnddina na Apwiya niri wonanko nttattha noollipa, oolungama annathamakella athawellamo.

Yesaya 26:8

Ninnathwara ettilla ya malamulwaanyu, nyu Apwiya, ninnuutiyerellani. Ninnapaallesesa wi muupuwelliweke ni wi nnddina nanyu nititimihiweke.

Yesaya 42:8

Mi tti Apwiya, nnddina naka tti nenno khaavo kinakawaneemina ntitimiho naka nginakawana ntitimiho naka ni mafano.

Yesaya 63:12

Ethiyo ttaani oyo eerille ddeko ddoottikhiniha ni masivaaye muullupalli oweella mwa Mose? Ahaakawa maaddi a mu enyanja athwaaye yoonaka wi nnddina naye nititimihiwe wa enthawi yoohimalla.”

Yesaya 9:6

Vawi mwaana ooniyariwella! Noovahiwa mwaana aamullopwana! Olamulello onaakhalle m'mattani mwaye, aneerovahiwa nnddina nawi Oolangiza Oottikhiniha, Mulluku Amasiva, Attiitthi Eenthawi Yoohimalla, Mwene amurendelle.

Yeremiya 33:2

“Apwiya ayo yaphatusalle ellapo yavatthi, eyoopa ni oyikeraatthiha, ayo nnddina niwa tti Apwiya eni,

Daniele 2:23

Nyu Mulluku a makhollwaaka, kinnuuthokozani ni wuutitimihani vawi mookivaha ezeru ni masiva.”

Hoseya 12:5

Yaalla sika Apwiya Mulluku Amasiva Mattheene. Athu emuupuwelleke ni nnddina naye nawi Apwiya.

Hoseya 12:6

Vano nyu attheene hokollweellani wa Mullukwaanyu. Mukhalle a echikondi ni oolungama. Nave mumuroromelleke Mullukwaanyu enthawi ddittheddene.

Mika 4:5

Naari orive mutundu wa athu othwaraka milluku ddiwa, hiyaano ninaawaathware Apwiya Mullukwaahu wa enthawi yoohimalla.

Malaki 3:6

“Mi tti Apwiya nave nginasintheya. Sika ekaambiiwa nyu edduullu dda Yakobo khemwaatthollosiwe.

Mateyu 22:32

‘Miyaano kiri Mulluku a makhollwaanyu, Mulluku a Abrahamu, Mulluku a Isaki ni Mulluku a Yakobo.’ Olliyooyo khahiyo Mulluku a athu ookhwa koma tti a athu ookumi.”

Mitteko 3:13

Mulluku a Abrahamu, Mulluku a Isaki ni Mulluku a Yakobo, Mulluku a makhollwaahu, aamutitimiha Oorumeyellaaye, Yesu, voomuchirihani muthoolla. Koma Yesu yoolla mwaamuvelleella wa oolamulella navettho mwaamukhoota vamiitthoni va Pilato naari Pilato apaallille wi amuttaphulle.

Mitteko 7:32

‘Mi tti Mulluku a makhollwaawo, Mulluku a Abrahamu, Mulluku a Isaki ni Mulluku a Yakobo.’ Mose aatthukumella ni woova sika khaawehillewottho.

Deuteronomo 1:11

Apwiya Mulluku a makhollwaanyu eruuwihe wunchichi echiwerengerwaanyu nave yuudaliseni moollikana ni mmo yalonjezelliiwa.

Deuteronomo 1:35

‘Khaavo naari mmodda a mbado woonanaroolla oyo anaavollowe mu ellapo yaphaama eyo kallupenlleemi wi kineerewaavaha makhollwaanyu.

Deuteronomo 4:1

“Vano nyu Aisraele mwiiwellelleke malamulo ni malangizo mattheene kinuuhuddiheemini wi mukhalle ni okumi. Nave muneerovollowa ni waakha ellapo eyo Apwiya Mulluku a makhollwaahu enuuvaheewani.

Aheberi 11:16

Koma yatiyera ellapo yaphaama oddullu ohiyana ni ellapo yoowaniwa. Ella sika ekaambiiwa Mulluku ahinawulliweeyena muru yaamuromollaka wi Mullukwiiwa. Nave ahaamakella muzinda woohimalla.

Aheberi 13:8

Yesu Khrisitu tti yooyo oddillo, ollello ni mallapo mattheene.