Eksodo 3:14 - Mawu a Mulluku

¹⁴ Mulluku aamulleella wi, “Nnddina naka tti MI TTI MIYAANO. Sika waalleelle Aisraelaayo wi MI TTI MIYAANO ookirumiha wa nyuwaano.”

Eksodo 3:14 Iomraidhean Croise

Yobu 11:7

Ethiyo weyaano ttuuwiiwesesa ddoovittheya dda Mulluku? Ethiyo ttuudduwella vookomella ezeru dda Amasiva Mattheene?

Masalimo 68:4

Mwiipelleni Mulluku, machipo ootitimiha nnddina naye. Mwiipelleni nchipo noomutitimiha oyo anawella vamiraponi. Nnddina naye tti Apwiya, muhakallalle vamiitthoni viwa.

Masalimo 90:2

Miyaango ddihinakhallewo, muhinaphatuse ellapo yavatthi ni vookhalla athu, waambeella enthawi yoohimalla wa enthawi yoohimalla, nyu tti Mulluku.

Eksodo 15:3

Apwiya tti mullupa akhoto, Apwiya sika nnddina niwa.”

Eksodo 23:21

Mumwiiwelle olliyooyo nave mwiiwesese nnddo anaalloteeye. Muhimuwukile vawi khawa uukhululukellakani nichimo nawi ddiidda vawi masivaaka eri mwa olliyooyo.

Eksodo 3:13

Mose ahaakhulla wi, “Apaalle miyaano kaya wa Aisraelaayo niwaalleella wi Mulluku a makhollwaanyu ookirumiha wa nyuwaano, alliwaayo ttuukikoha wi, ‘Nnddina naye ttaani?’ Ethiyo mi kaalleelle wi tini?”

Eksodo 6:2

Mulluku amulleella Mose wi, “Mi tti Apwiya.

Eksodo 6:3

Kahooneyella wa Abrahamu, wa Isaki ni wa Yakobo wonanko Mulluku Amasiva Mattheene koma ngaawaalleelle nnddina naka wi tti Apwiya.

Yesaya 42:8

Mi tti Apwiya, nnddina naka tti nenno khaavo kinakawaneemina ntitimiho naka nginakawana ntitimiho naka ni mafano.

Yesaya 44:6

Apwiya, Mwene ni Oowoopolla a Israele, Apwiya Amasiva Mattheene enallota wi, “Mi tti awaambeella ni oomallihella, khaavottho Mulluku mmodda koma meekhave.

Mateyu 18:20

Vawi eelli naari araru yawa etthukumana ekaamba yawi tti oohudderaaka, miyaano kiri wenko variyari viwa.”

Mateyu 28:20

Nave mwaahuddihe wi yiiwellelleke ddeko ddittheddene kuulamulalleemini nyuwaano. Nave miyaano kiri ni nyuwaano mallapo mattheene ophiyera omalla wa ellapo yavatthimva.”

Yohane 8:24

Sika kahuulleellani wi muneerokhwa ekaamba ya machimwaanyu vawi mwaahikhulupilila wi miyaano tti meene, muneerokhwa ekaamba ya machimwaanyu.”

Yohane 8:28

Sika aallota wi, “Mwakitthomeya vamutandani mi Mwaana a Muthu, muneerodduwella wi miyaano tti meene. Vano muneerodduwellattho wi ngineera ddeko ni olamulello wa meekhaaka koma kinallota nnddo Attiitthaaka yaakihuddihalliiwa wi killote.

Yohane 8:58

Yesu ahaakhulla wi, “Ddawoona, kinimuulleellani wi, Abrahamu ahinayariwe, miyaano kaari kiriwo khalle.”

2 Akorinto 1:20

vawi oweella mwa olliye ddoolonjeza dda Mulluku ddinnakwakhwanihiwa. Ella sika ekaambiiwa nineereehu Amen oweella mwa Yesu Khrisitu wi nimutitimihe Mulluku.

Aheberi 13:8

Yesu Khrisitu tti yooyo oddillo, ollello ni mallapo mattheene.

Yawuupullulla 1:17

Kamoonilleemi, kahiivokhella vatthi vahoollo vaye wonanko muthu ookhwa. Koma olliyooyo ahookolla nnattanatta naye akiphara nave allota wi, “Ohoove! Mi tti awaambeella ni oomallihella.

Yawuupullulla 1:4

Ovenyera wa Yohane oya wa mipingo mitthanu ni miilli dda mu echigawo ya Asiya.* Echisomo ni murendelle ddikhalle ni nyuwaano ddoovenyera wa Mulluku oyo arivo ollello, aarivo khalle ni oyo anaawe muhoollo navettho ddoovenyera wa minepa mitthanu ni miilli ddookhalla vahoollo vampandoni woomwenaaye,

Yawuupullulla 1:8

“Mi tti awaambeella ni oomallihella,” eni ddiiddo Apwiya Mulluku Amasiva Mattheene ayo erivo ollello, yaarivo khalle ni oyo enawa muhoollo.

Yawuupullulla 4:8

Erive yoophatusiwa yookumi yaakhalla ni muuphello matthanu ni nimodda nave yaakhalla ni miittho muwari ni otte wene. Ddakhallella wiipa otthaana ni mahiywiine woohihiya wi, “Aweella, aweella, aweella, tti Apwiya Mulluku Amasiva Mattheene, oyo aarivo khalle, arivo ollello ni oyo anaawe muhoollo.”