Eksodo 3:10 - Mawu a Mulluku

¹⁰ Sika kinuuruma weyaano wa Farao wi waakhumihe athwaaka, Aisraele, o Iguputo.”

Eksodo 3:10 Iomraidhean Croise

Genesis 15:13

Sika Apwiya yaamulleella wi, “Odduwelle moosimikiza wi edduullu ddawo ddineerokhalla alleto o ellapo yaaneena, ddineerokhalla wonanko akaporo nave ddineerohoosiwa wa miyakha 400.

Genesis 15:14

Koma kineerewaallaka athu enaarumeyellekeewaayo, vano edduullu ddawonnddo ddineerokhumawo o ellapweeyo ddikusalle eyuuma yinchichi.

Masalimo 105:26

Apwiya yaamuruma Mose oorumeyelliiwa ni Aroni oyo yamutthonlliiwa.

Masalimo 77:20

Mwahaahoollella athwaanyu wonanko enkhosa oweella mwa Mose ni Aroni.

Eksodo 12:40

Aisraele yakhallillewo miyakha 430 o Iguputo wulle.

Eksodo 12:41

Va nllapo nenno mvo miyakha 430 ddamalliiwa, malloko mattheene a athu a Apwiya yaavenyawo o Iguputo.

Eksodo 33:12

Mose ahaalleella Apwiya wi, “Mookhalla mukilleellaka wi kaahoollelle athwaalla o ellapweeyo koma khemukilleelle oyo munaamurumeenyu wi athaanane ni miyaano. Komave moollota khalle wi, ‘Kinnuudduwella phaama nave kooweerella echifundo.’

Eksodo 33:13

Vano mwaarimi mukeerelle echifundo koonihelleni ettilla ddanyu wi kuudduwelleni nave wi muvirellelle okeerella echifundo. Muupuwellettho wi mutundoolla tti waanyu.”

Eksodo 6:26

Mose ni Aroni tti alle Apwiya yaalleelliiwa wi, “Akhumiheni Aisraele mu ellapo ya Iguputo, mallokomalloko.”

Hoseya 12:13

Apwiya yahaakhumiha Aisraele o ellapo ya Iguputo oweella mwa namallotella. Nave yaasungeya mwa anamallotellaayo.

Mika 6:4

Valle kahuukhumihani o Iguputo ni owoopollani o ellapo yookaporo. Kaamurumiha Mose wa nyuwaano owaaka Aroni ni Miriyamu wi yuuhoollelleni.

Mitteko 7:34

Kohoona ohoosiwa wa athwaaka o Iguputo. Kohiiwa okhuwa wiwa nave kookittha wi kaavulluse. Vano waawo, kuurume o Iguputo.’

Mitteko 7:36

Ahaahoollella athu okhuma mu Iguputo vaweerani ezizindikiro ni ddoottikhiniha mu Iguputo navettho va Enyanja Yoofiira nave muchipululuni wa miyakha 40.

Mitteko 7:6

Mulluku allotillena wi, “Edduullu ddawo ddineerokhalla alleto o ellapo yaaneena, wenko ddineerokhalla wonanko akaporo nave ddineerohoosiwa wa miyakha 400.

Mitteko 7:7

Koma kineerewaallaka athu enaarumeyellekeewaayo, vano edduullu ddawonnddo ddineerokhumawo o ellapweeyo wi ddikillapelle miyaano weewuno.

Oweeruza 6:14

Apwiya yaamulamula wi, “Khawe ni masiviiwaalla waavulluse Aisraele wa Amidiyani. Tti mi kinuuruma.”

1 Samuele 12:6

Samuele ahaalleella wi, “Apwiya sika yamutthoollille Mose ni Aroni wi aakhumihe makhollwaanyu mu ellapo ya Iguputo.

1 Samuele 12:8

Yakobo ni nibanja naye yayiilliiwa o Iguputo, Aiguputwaayo enaallaka, makhollwaanyu yaavekella wa Apwiya. Nave Apwiya yahaaruma Mose ni Aroni wi yaakhumihe o Iguputo ni oweeriha wi ekeraattheye o nipuro nenna.