Eksodo 29:43 - Mawu a Mulluku

⁴³ Wenko sika kinaakumanekeemi ni Aisraele nave nipuro nenno nineerokhalla naweella ekaamba ya ntitimiho naka.

Eksodo 29:43 Iomraidhean Croise

1 Mamwene 8:11

Nave allupa mukutho kheyaawora orumeyella ekaamba ya murapooyo vawi ntitimiho na Apwiya naaddalla mu enyumbiiwa.

2 Epilli 5:13

Nave yaaniipa ni mawu oophwanaphwana voollapellani ni voowaatitimihani Apwiya. Ni misangwa, azeze ni magitala, yaaniipa wi, “Ddawoona, Apwiya tti aphaama, echikondiiwa yoohisintheya tti yoohimalla.” Vaavo enyumba ya Apwiya yaaddalliwa ni murapo.

2 Epilli 5:14

Nave allupa mukutho kheyaawora orumeyella ekaamba ya murapooyo vawi ntitimiho na Apwiya naaddalla mu enyumba Ya Mulluku.

Eksodo 25:22

Kineerekokumana ni olliye vaavo nave ovenyera vaddullu va yookhuneelleeyo, variyari va akerubi eri vaddullu va nibokosaayo, kineeromulleella malamulwaaka mattheene wa Aisraele.

Eksodo 29:42

Mikutho ddooshellelliha ddenndda ddivelleelliweke enthawi ddittheddene va mibado ddanyu ddittheddene. Muddivelleelleke vamiitthoni va mi Apwiya o mullako wa musasa wamutthukumano, nko kinaakumanekeemina ni ollota ni athwaaka.

Eksodo 29:44

Kineerowupatula musasa wamutthukumano ni nikuwa nene. Nave kineerewaapatula Aroni ni anaaye wi ekhalle allupa mukutho.

Eksodo 40:34

Murapo waakhuneella musasa wamutthukumano nave ntitimiho na Apwiya naaddalla musasooyo.

Eksodo 40:35

Mose khaaworille ovollowa kaambiiwa murapooyo waari mwemmo nave ntitimiho na Apwiya naaddalla mu musasooyo.

Yesaya 60:1

Venya, wala vawi omolleella wawo woophiya, ntitimiho na Apwiya nohuuwalella!

Ezekiele 43:5

Munepa a Mulluku aakitukhulla akivollochiha mu nipuro namuwari. Vano ngoonani, ntitimiho na Apwiya naaddalla mu enyumbeeyo.

Levitiko 9:4

Mukusettho eng'ombe ni enkhosa wi ddikhalle mukutho wa eyaattano wa Apwiya. Nave muweena mukutho wa othu woottakanyihera ni makhura. Vawi ollello Apwiya eneerowooneyellani.’ ”

Levitiko 9:6

Vano Mose aallota wi, “Apwiya ahuulamulani wi mweere nndda wi ntitimiho niwa niwooneyelleni.”

Malaki 3:1

Apwiya Amasiva Mattheene enallota wi, “Ngoonani, kineeromuruma amithengaaka wi akipotokoselle ettilla. Sika Apwiya munawaashaasheenyu eneerophiya o enyumbiiwa moorurumusa. Amithenga a echipangano oyo munahakallalleenyuna aneeroowa. Mi Apwiya Amasiva Mattheene koollota.

2 Akorinto 3:18

Hiyaano attheene ninnoona ntitimiho na Apwiya nihikhunenlle ekhove ddahu. Munepa wa Apwiya annanitthattusa wi niphwanaphwane ni olliyooyo okhalla ni ntitimiho nawunnuwa.

2 Akorinto 4:6

Mulluku aallotille wi, “Owala omolleelle ovenyera mwiipiphini.” Tti Mulluku mmoddamoddave yooyo enre owala waye wi omolleelle m'mirimani mwahu wi onivahe odduwella dda ntitimiho na Mulluku noomolleella va ekhove ya Khrisitu.

1 Yohane 3:2

Akhwaaka ookondiwa, vano hiyaano tti anamwani a Mulluku koma khenadduwanyeya eyo ninaakhalleehu. Koma ninnadduwella wi Khrisitu ooneya, ninaakhalle oophwanaphwana ni olliye kaambiiwa ninaamoone wonanko mmo ariiye.