Eksodo 29:4 - Mawu a Mulluku

⁴ “Oweena Aroni ni anaaye o mullako wa musasa wamutthukumano nave attheenaayo oweerihe wi ehape moopatuleya.

Eksodo 29:4 Iomraidhean Croise

Eksodo 26:36

“Va mullako wa musasa ahiyevo ekatani yoowallana yabululu, yooreera yoofiira, yoofiira, yabafuta aphaama navettho yoopetiwa mweeruso.

Eksodo 29:3

Oddihiye mu mutaanga nave oweena wa miyaano, mvo onavelleelleewe mukutho wa nankhoro a eng'ombe ni anankhoro a enkhosanndde.

Eksodo 40:12

“Vatulli viwa oweena Aroni ni anaaye o mullako wa musasa wamutthukumano nave attheenaayo oweerihe wi ehape moopatuleya.

Eksodo 40:28

Va mullako wa musasa aahiyavo ekatani yoowallana.

Eksodo 40:32

Yaaneera ddenndda enthawi ddittheddene yaavollowaka m'musasani wamutthukumano apaalle yaawaatamellaka nikuwa moollikana ni mmo Apwiya yamulamulelliiwa Mose.

Ezekiele 36:25

Kineerewuumiddani maaddi aphaama wi mweelle o ddittheddene ddawuuripihani. Navettho kineeroweellihani voovenyihani mafanwaanyu mattheene.

Ezekiele 42:14

Allupa mukutho yavollowa m'mapuroni aweella ehikhumemo oya o nthato na otte koma ehiyekemo ddoowara nndde enawariiwa yaarumeyellaka vawi tti ddoopatuleya. Enaphwanella eware ddoowara ddimodda ehinaphiye o mapuro a athu.’ ”

Levitiko 14:8

Oovoriiwa anaaka eellihiwooyo achape ddoowara ddaye, acheme meehaaye mattheene nave ahape, vano eeddiiddo aneerokhalla aweellihiwa. Amalliha ddittheddennddo, avollowe omisasani koma akhalle otte wa musasaaye mallapo matthanu ni meelli.

Numeri 8:9

Owe ni Alevi va mullako musasa wamutthukumano nave waatthukumanihe Aisraele attheene.

Aefeso 5:26

Enre ddenndda wi eellihe mpingooyo voohuwani ni maaddi vamoddattho ni mawu

Deuteronomo 23:11

Misikuwa ahape nave voovollowa nndduwa, ahokollweelle omisasaninko.

Tito 3:5

aanivullusa ohiri ekaamba ya echilungamwaahu koma ekaamba ya echifundwaaye. Aanivullusa hiyaano oweella mwa obadiziwa wa oyariwa wanaanweene nave aanitthattusa anaanweene oyeella mwa Munepa Waweella.

Aheberi 10:22

Vano hankoni nimwaatamelle Mulluku ni mirima ddawoona ni mirima ddoohikayika mwa echikhulupililo. Hankoni nikhalle ni mirima ddeellihiwe voomiddiwani, yawuupusella murima yoohivaanyihiwa ni ddoochimwa nave ni miilli ddoohapihiwa ni maaddi aweella.

1 Petro 3:21

Maaddaayo yaari echizindikiro ya obatizo oyo onuuvullusani vano. Obatizo khe ovenyiha nihiryo na vamwiillini koma echipangano ni Mulluku ovenyera va yawuupusella murima yaphaama ekaamba yawi Yesu Khrisitu aavenyihiwa wa okhwa.