Eksodo 29:25 - Mawu a Mulluku

²⁵ Sika oddikuse nndde ovenyera m'mattani mwiwa nave oddishellellihe va nikuwa ni mukutho wooshellelliha wi ddikhalle mukutho wa nthuko nawaaddivella Apwiya, mukutho wawoosiwa viikho woovelleelliwa wa Apwiya.

Eksodo 29:25 Iomraidhean Croise

Genesis 8:20

Enthawi yeeyo Nowa ahaamakella nikuwa Apwiya. Aakusavo orive mutundu wa enama ni epallame ddaweellihiwa nave aaddiipha, addivelleella mukutho wooshellelliha vanikuwanimvo.

Genesis 8:21

Apwiya yiiwalliiwa nthuko nawaaddivella yaallota wi, “Ngiwa kitembelelattho ellapo kaambiiwa koodduwella wi m'murimani mwa muthu tti moonanara ovenyera enamwanaaye. Ngiwa koonongattho erive ello yookumi wonanko mmo keerenlleemi.

Masalimo 99:6

Mwa allupa mukuthwiiwa mwaakhalla Mose ni Aroni, Samuele aari mmodda awiithana nnddina niwa yaaninllella wa Apwiya, alliwa enawaakhulla.

Eksodo 29:18

Nave oshellellihe enkhosa ettheeneeyo va nikuwamvo. Yooyo onaakhalle mukutho wooshellelliha woovelleella wa Apwiya, mukutho wa nthuko nawaaddivella, wawoosiwa viikho.

Eksodo 29:24

Ddoocha ddittheddenenndda oddihiye m'mattani mwa Aroni ni mwa anaaye nave alliwaayo eyitukhullelle muddullu wi ddikhalle yoovelleella yootukhullella muddullu wa miyaano.

Eksodo 29:41

Vano waamuvelleellaka mwaanaankhosa aneepiillooyo misikuwa oweekena ni muyezo woophwanaphwana wa othu, makhura ni vinyo wonanko ohinase. Ddennddo ddikhalle mukutho wa nthuko nookiddivella, wawoosiwa viikho wa mi Apwiya.

Levitiko 1:13

Koma muthooyo ahuwe marupo ni meto ddene. Nave mullupa mukuthooyo, ayishellellihe enama ettheeneeyo vanikuwani wi okhalle mukutho wooshellelliha, wawoosiwa viikho, wa nthuko nawaaddivella Apwiya.

Levitiko 1:9

Koma muthooyo ahuwe marupo ni meto ddene. Nave mullupa mukutho ayishellellihe enama ettheeneeyo vanikuwani wi okhalle mukutho wooshellelliha, wawoosiwa viikho, wa nthuko nawaaddivella Apwiya.”

Levitiko 10:13

Muwuchelle vanipuroni noopatuleya kaambiiwa yoolla tti echigawaanyu ovenyera va mikutho ddawoosiwa viikho ddoovelleelliwa wa Apwiya wi okhalle waanyu, weyaano ni anaawo. Ddenndda tti nnddo Apwiya yakilamulalliiwa.

Levitiko 2:11

“Mukutho wa othu oyo onaavelleelleewe wa Apwiya ohikhalle ni yisiti vawi khewawaakhullelliwa ovelleella wa Apwiya mukutho wawoosiwa viikho oyo ori ni yisiti apaalle enwi.

Levitiko 2:16

Vano mullupa mukutho ashellellihe echigawo ya ddoosilleyanndde ni ya makhura navettho lubanaaye muttheene, wooniha wi mukutho muttheenooyo woovelleelliwa wa Apwiya. Yooyo tti mukutho wawoosiwa viikho, woovelleelliwa wa Apwiya.

Levitiko 2:2

nave aweena wa anamwani a Aroni. Mmodda a alliwaayo avahulle nnatta nimodda na othu woottakanyihera ni makhura nave amukusettho lubanaaye muttheene. Vano mullupa mukutho ashellellihe ddennddo vanikuwani, wooniha wi mukutho muttheenooyo woovelleelliwa wa Apwiya, wawoosiwa viikho, wa nthuko nawaaddivella Apwiya.

Levitiko 2:9

Vaavo mullupa mukuthooyo akusewo echigawo emodda wooniha wi mukutho muttheenooyo woovelleelliwa wa Apwiya, vano awushellellihe vanikuwani. Yooyo sika mukutho wawoosiwa viikho, wa nthuko nawaaddivella Apwiya.

Levitiko 3:11

Vano mullupa mukutho ashellellihe ddittheddenennddo vanikuwani wi okhalle mukutho wa othu wawoosiwa viikho woovelleelliwa wa Apwiya.

Levitiko 3:14

Vano vamukuthoni wa eyaattanooyo, muthooyo akuse makhura mattheene oowaapheella nave oohuruwella marupo wi okhalle mukutho wawoosiwa viikho wa Apwiya

Levitiko 3:16

Vano mullupa mukutho ashellellihe ddittheddenennddo vanikuwani wi okhalle mukutho wa othu, wawoosiwa viikho, wa nthuko nawaaddivella Apwiya. Makhura mattheene a enama tti a Apwiya.

Levitiko 3:3

Vano vamukuthoni wa eyaattanooyo, muthooyo akuse makhura mattheene oowaapheella nave oohuruwella marupo wi okhalle mukutho wawoosiwa viikho wa Apwiya.

Levitiko 3:5

Vano anamwani a Aroni eshellellihe ddittheddenennddo vanikuwani ni mukutho wooshellelliha oyo ori vakhunini viikhomvo. Yooyo sika mukutho wawoosiwa viikho, wa nthuko nawaaddivella Apwiya.

Levitiko 3:9

Vano vamukuthoni wa eyaattanooyo, muthooyo akuse makhura mattheene a mwiilla woophaddiwa vakhuviru ni mutthana owaakattho makhura mattheene oowaapheella nave oohuruwella marupo wi okhalle mukutho wawoosiwa viikho wa Apwiya.

Levitiko 7:25

Vawi muthu oyo anacha makhura a enama yoovelleelliwa wa Apwiya wi ekhalle mukutho wawoosiwa viikho avenyihiwe variyari va Aisraele.

Levitiko 7:5

Mullupa mukutho addishellellihe ddittheddenennddo vanikuwani wi ddikhalle mukutho wawoosiwa viikho, woovelleelliwa wa Apwiya. Yooyo sika mukutho woolliva.

Levitiko 8:28

Vatulli viwa Mose aakusamo m'mattani mwiwammo aaddishellelliha vanikuwani ni mukutho wooshellellihoolle wi okhalle mukutho woomuzozella mullupa mukutho, wawoosiwa viikho, wa nthuko nawaaddivella Apwiya.

Aefeso 5:2

Sika okumaanyu olamulliweke ni echikondi, wonanko mmo Khrisitu ananikondelleeye nave aaheraatthi okumaaye ekaamba ya hiyaano wonanko ya nthuko naphaama yooheraatthiwa ni mukutho woomuhakallalliha Mulluku.

1 Samuele 2:28

Nave kaatthoolla nlloko nanyu variyari va malloko mattheene a Aisraele wi nikhalle allupa mukuthwaaka nave wi eyeeke onikuwani naka namukutho yathuwiheke lubani* nave yawareke yoowara yoopangiwa ni ekuwo yaweella wunchichi yookhalla ni efodi ni odduwella nnddo kinapaalleemi wi athwaaka yeereke. Kaanaakawella embali emodda ya ddoovelleella mukutho ddawoosiwa viikho nnddo Aisraele yavelleelliiwa mukutho wa miyaano.