Eksodo 29:22 - Mawu a Mulluku

²² “Okusewo makhura a nankhoro a enkhosa, makhura mattheene a omwiillani, a vamaruponi, a voohapani, a vaapellepetuni ni mweto wamutulli wonnattanatta kaambiiwa enkhosa yeella tti mukutho wa va mutetho woozozella.

Eksodo 29:22 Iomraidhean Croise

Eksodo 29:13

Vatulli viwa okuse makhura mattheene awaapheella nave oohuruwella marupo, makhura mattheene a ohapa ni apellepetu ni makhuriiweene nave oshellellihe vanikuwanimvo.

Eksodo 29:21

Okuse nikhame noohalla va nikuwa navettho makhura mamodda oozozella, ommidde Aroni ni ddoowara ddaye. Waamiddettho anaaye ni ddoowara ddiwa. Sika olliyooyo ni anaaye enaakhalle oopatuleya ni ddoowarannddo.

Eksodo 29:23

Nave ovenyera m'mutaangani wa buledi oohikhalla ni yisiti, woopatulelliwa wa mi Apwiya okusemo mwitthi mmodda wa buledi oohikhalla ni yisiti, mwitthi mmodda wa buledi ooruweyiwa m'makhurani ni mwitthi mmodda wa buledi ooshashaalla.

Levitiko 10:14

Koma ekhakadda yoovelleella mootukhullella muddullu ni mweto wamutulli woovelleelliwa, muddichelle vanipuroni noopatuleya weyaano ni anaawo aallopwana ni aatthiyaneene ayo eri ni weyaano. Ddenndda ddoovahiwa wa weyaano wi ddikhalle ddaawo ni anaawo ovenyera va mikutho ddeeyaattano nnddo ddivelleelliwe ni Aisraele.

Levitiko 14:12

Mullupa mukutho amukuse mmodda a anankhoro anamwani ankhosa ni omuvelleella wi okhalle mukutho woolliva nimakhuraalle. Additukhullelle muddullu wi ddikhalle ddoovelleella ddootukhullella muddullu vamiitthoni va Apwiya.

Levitiko 3:9

Vano vamukuthoni wa eyaattanooyo, muthooyo akuse makhura mattheene a mwiilla woophaddiwa vakhuviru ni mutthana owaakattho makhura mattheene oowaapheella nave oohuruwella marupo wi okhalle mukutho wawoosiwa viikho wa Apwiya.

Levitiko 7:3

Vano avelleelle makhura mattheene a mwiilla ni makhura oohuruwella marupo.

Levitiko 7:37

“Yaayo sika malamulo a mikutho ddittheddene, wooshellelliha, wa othu, woopepesella machimo, wa olliva, wa ozoza navettho wa eyaattano.

Levitiko 9:19

Yaamwinnyerattho makhura eeng'ombe ni a nankhoro a enkhosa, makhura a mwiilla, makhura oohuruwella marupo, apellepetu ni makhuriiweene navettho makhura mattheene a ohapa.

Levitiko 9:21

Vano Aroni aatukhullella muddullu ekhakaddeeyo ni mweto wamutulli wi ddikhalle ddoovelleella ddootukhullella muddullu vamiitthoni va Apwiya moollikana ni mmo Mose aalamulelleeye.

Numeri 18:18

Koma enamiiwa ekhalle yaanyu moollikana ni mmo enakhallella ekhakadda ni mweto wonnattanatta wamutulli wootukhullella muddullu wa Apwiya.

1 Samuele 9:24

Awaapeya ddoochoolle aakusa mweto wa enama awuvelleella wa Saulo. Nave Samuele aallota wi, “Akhella enama kuuvitthenlleemi, cha, kaambiiwa kahuuhiyera vakhwipi wi va enthawi yeella oche ni athu ayo kawiithanilleemi.” Saulo aacha ni Samuele nllapo nenno.