Eksodo 29:13 - Mawu a Mulluku

¹³ Vatulli viwa okuse makhura mattheene awaapheella nave oohuruwella marupo, makhura mattheene a ohapa ni apellepetu ni makhuriiweene nave oshellellihe vanikuwanimvo.

Eksodo 29:13 Iomraidhean Croise

Masalimo 22:14

Okumaaka wootathiya wonanko maaddi, makhuvaaka mattheene aheengereya, murimaaka tti wonanko nimphora nittotthowille.

Eksodo 12:9

Muhiiyiche ekitthi apaalle yawaapeya koma muyoose ettheene ni murwiiweene, meto ni dda m'mirimani ddittheddene.

Eksodo 29:18

Nave oshellellihe enkhosa ettheeneeyo va nikuwamvo. Yooyo onaakhalle mukutho wooshellelliha woovelleella wa Apwiya, mukutho wa nthuko nawaaddivella, wawoosiwa viikho.

Eksodo 29:22

“Okusewo makhura a nankhoro a enkhosa, makhura mattheene a omwiillani, a vamaruponi, a voohapani, a vaapellepetuni ni mweto wamutulli wonnattanatta kaambiiwa enkhosa yeella tti mukutho wa va mutetho woozozella.

Eksodo 29:25

Sika oddikuse nndde ovenyera m'mattani mwiwa nave oddishellellihe va nikuwa ni mukutho wooshellelliha wi ddikhalle mukutho wa nthuko nawaaddivella Apwiya, mukutho wawoosiwa viikho woovelleelliwa wa Apwiya.

Yesaya 1:11

Apwiya enallota wi, “Ethiyo mi kinnapwatha waata wa mikutho ddanyunnddo? Ddookikholla mikutho ddooshellelliha dda anankhoro ankhosa ni dda makhura a enama ddooneneva. Nginapaallattho nikhame na anankhoro a eng'ombe, na anamwanankhosa ni na anankhoro a epuri.

Yesaya 34:6

Nsupada na Apwiya noovona nikhame nave noomarelliwa makhura. Nikhame nene tti wonanko na anamwani a enkhosa ni a epuri nave makhureene tti wonanko a apellepetu a anankhoro a enkhosa. Vawi Apwiya aakhalla ni mukutho mu muzinda wa Bozira, sika wi wiiphiwa wa athu anchichi mu o Edomu.

Yesaya 43:24

Khawakikullenlle ddeko ddawunkhella, khawaakikwakhwanihelle ni makhura a mikutho ddanyu. Koma munipuroni mwene wookillemella ni machimwaawo, wookitopiha ni ddoolakwa ddawo.

Levitiko 1:15

Mullupa mukutho awaana vanikuwani, ayiphadde muru mooyinyokotholla nave ashellellihe murooyo vanikuwani. Attannyihe epallameeyo vasirini va nikuwanno wi nikhame neetellelle vakhwipi va nikuwa.

Levitiko 1:9

Koma muthooyo ahuwe marupo ni meto ddene. Nave mullupa mukutho ayishellellihe enama ettheeneeyo vanikuwani wi okhalle mukutho wooshellelliha, wawoosiwa viikho, wa nthuko nawaaddivella Apwiya.”

Levitiko 16:25

Makhura a enama ya mukutho woopepesella machimo aashellellihe vanikuwani.

Levitiko 17:6

Nave mullupa mukutho iithelle nikhame niwa vanikuwani na Apwiya, va mullako wa musasa wamutthukumano, vatulli viwa ashellellihe, makhuriiwa wi ekhumihe nthuko nawaaddivella Apwiya.

Levitiko 4:26

Eeddiiddo makhuriiwa mattheene aashellellihe vanikuwani, wonanko mmo eneerelliiwa ni makhura a mukutho wa eyaattano. Mwawi ddiidda aheraatthi mukutho woopepesella machimo ekaamba ya nichimo na oolamulella nave aneerokhululukelliwa.

Levitiko 4:31

Vano avenyihe makhuriiwa mattheene, wonanko mmo enaavenyihelliiwa makhura a mukutho wa eyaattano nave mullupa mukutho ashellellihe vanikuwaninno wi ekhumihe nthuko nawaaddivella Apwiya. Mwawi ddiidda aheraatthi mukutho woopepesella machimo ekaamba ya nichimo na muthu shisha nave aneerokhululukelliwa.

Levitiko 4:35

Vano avenyihe makhuriiwa mattheene, wonanko mmo enaavenyihelliiwa makhura eenkhosa yoovelleelliwa mukutho wa eyaattano nave ashellellihe vanikuwani ni mikutho ddimodda ddawoosiwa viikho, ddoovelleelliwa wa Apwiya. Mwawi ddiidda aheraatthi mukutho woopepesella machimo ekaamba ya nichimo na muthu shisha nave aneerokhululukelliwa.

Levitiko 6:12

“Munllo wa vanikuwani okhalleke wookhara, ohithiimeke. Mullupa mukutho attettheereke munllooyo ni ekhuni orive ohinase nave atthatteke mukutho wooshellelliha vanikuwanimvo ni oshellellihavo makhura a mukutho wa eyaattano.

Levitiko 7:3

Vano avelleelle makhura mattheene a mwiilla ni makhura oohuruwella marupo.

Levitiko 7:31

Mullupa mukutho ashellelliheke makhuraayo vanikuwani koma ekhakaddeeyo ekhalleke ya Aroni ni anaaye.

Levitiko 7:4

Aakusettho apellepetu ni makhuriiweene navettho makhura mattheene a ohapa, ayo anaavenyihelleeye nimodda ni apellepetwaalle.

Levitiko 8:16

Vano Mose aakusa makhura mattheene oowaapheella nave oohuruwella marupo, makhura mattheene a ohapa ni apellepetu ni makhuriiweene nave aashellelliha vanikuwanimvo.

Levitiko 8:25

Aakusa makhura mattheene a omwiillani, a vamaruponi, a voohapani, a vaapellepetuni ni mweto wamutulli woonnattanatta.

Levitiko 9:10

Koma makhura ni apellepetu owaaka makhura mattheene a ohapa dda mukutho woopepesella machimooyo aaddishellelliha vanikuwani moollikana ni mmo Apwiya yamulamulalliiwa Mose.

Levitiko 9:19

Yaamwinnyerattho makhura eeng'ombe ni a nankhoro a enkhosa, makhura a mwiilla, makhura oohuruwella marupo, apellepetu ni makhuriiweene navettho makhura mattheene a ohapa.

Numeri 18:17

Koma musaanaang'ombe awaamba apaalle musaana a enkhosa awaamba apaallettho musaana a epuri awaamba muhinamoopollaka vawi tti aweella. Mwiithelle nikhame niwa vanikuwani nave moose makhuriiwa wi ekhalle mukutho wawoosiwa viikho wa nthuko nawaaddivella Apwiya.

1 Samuele 2:16

Muthoolle allota wi, “Kitiyereni kaambe waaheraatthella mukutho makhuraalla Apwiya nave mukuse moollikana ni mmo munapaallelleenyu.” Oorumeyelloolle aanaakhulla wi, “Iyaayi, mukinnye naanweene vaava. Mwaahikinnya kineerowaakhani.”