Eksodo 28:43 - Mawu a Mulluku

⁴³ Aroni ni anaaye ewareke ddenndda enthawi ddittheddene yaayaaka o musasa wamutthukumano apaalle onikuwani wookirumeyella onipuroni naweella woova wi enaachimwe ni okhwa. Lamulo nenna noollota dda Aroni ni edduullu ddaye nikhalle lamulo wa enthawi yoohimalla.

Eksodo 28:43 Iomraidhean Croise

Eksodo 20:26

Vooyaani o nikuwa naka, muhiphariheke mutteko makwelelo, woova wi munoonelliwe epwillimwinddaanyu.

Eksodo 27:21

Aroni ni anaaye ekhariheke enyali mu musasa wamutthukumano eyo eri otte wa ekatani yootchinga nibokosi na echipangano. Vano enyaleeyo ekhareke wenko waambeella misikuwa ophiyera ohinase. Nenna nikhalle lamulo wa enthawi yoohimalla wa Aisraele ni mibado ddiwa ddittheddene.

Eksodo 30:21

Enaaweeke ni ohuwa manyallo wi ehikhwe. Nenna tti lamulo nno alliwaayo ni edduullu ddiwa ni mibado ddamuhoollo wa enthawi yoohimalla.”

Ezekiele 44:17

Yaavollowaka mu mullako wamuwari, emuwareke bafuta. Ehiwareke ddoowara dda obweya wa enkhosa voorumeyellani va millako dda nthato namuwari ni muwari mwa enyumbaaka.

Levitiko 16:13

Vano ahellemo lubaninno vamiitthoni va Apwiya wi mwiisi wa lubaninno okhuneelle yookhuneella ya nibokosi na echipangano wi ahikhwe.

Levitiko 17:7

Sika mikutho ddiwa ehiddiivelleellelle milluku ddeepuri nnddo enaddoonihelliiwana ohiroromelleya wa Apwiya. Nenno nikhalle lamulo wa enthawi yoohimalla wa mibado ddittheddene.”

Levitiko 22:15

Allupa mukutho ehiripihe ddoopatuleya dda Aisraele nnddo enaddivelleelliiwa wa Apwiya.

Levitiko 22:9

Sika allupa mukutho esunge malamulwaaka wi ehichimwe nave ehikhwe ekaamba yooripaha malamulwaayo. Mi tti Apwiya ayo enaapatula.

Levitiko 3:17

Nenna nikhalle lamulo wa enthawi yoohimalla wa mibado ddanyu ddittheddene wi muhiche nikhame apaalle makhura a enama orive weko nko munaakhallekeenyu.”

Levitiko 5:1

“Muthu iithaniwa o nthato namillatu, enamullupelliha wi allote dda omboni oonilleeye apaalle anadduwelleeye, olliyooyo akhoota oovelleella ombonooyo, muthu yooyo tti oophwanella ollakiwa.

Levitiko 5:17

“Muthu achimwa vaweerani moohidduwella ello yoovaanyihiwa ni malamulo a Apwiya, muthu yooyo oochimwa nave tti oophwanella ollakiwa.

Numeri 15:15

Dda athu attheene, khaya tti mulleto apaalle neetthi vikhalle lamulo nimoddamoddave, lamulo wa enthawi yoohimalla va mibado ddanyu ddittheddene. Sika nyuwaano apaalle mulleto tti amodda vamiitthoni va Apwiya.

Numeri 18:22

Waambeella ollello Aisraele ehaatamelleke musasa wamutthukumano wi ehichimwe nave ehikhwe.

Numeri 18:32

Nave khamuchimwa mwacha ddennddo, mwakhalla wi moovelleella wa Apwiya ddaphaama ddookhwaranya ddittheddene. Sika muhivevulle ddeko ddaweella dda Aisraele wi muhikhwe.’ ”

Numeri 18:8

Apwiya yaamulleellattho Aroni wi, “Va ddoovelleella wa miyaano, kohuuvaha ddoohalla onasungeewe nnddo Aisraele enapatullelliiwa wa miyaano. Kohuuvaha ddenndda wi ddikhalle echigawaawo ni ya anaawo wi ddikhalle ddaanyu wa enthawi yoohimalla.

Numeri 9:13

Koma muthu aahiiripiha apaalle aahikhalla voolendoni koma akhoota ochana Ehakallallo ya Paska yooyo avenyihiwe variyari va Aisraele kaambiiwa khaawiille ni ddoovelleella ddaye wa Apwiya va enthawiiwa. Yooyo aneerollakiwa ekaamba ya nichimo naye.