Eksodo 28:4 - Mawu a Mulluku

⁴ Esowe yoowara ya vakhakaddani, yoowara ya efodi,* mukanjo, malaya oopetiwa phaama, enduwira ni laamba. Esowe ddoowara ddoopatuleyannddo dda mbalaawo Aroni ni dda anaaye wi ekhalle allupa mukutho.

Eksodo 28:4 Iomraidhean Croise

2 Samuele 6:14

Davide awanre efodi yabafuta, aaniina mowaatitimiha Apwiya ni masivaaye mattheene.

Eksodo 25:7

Waakhellettho malluku aphaama a onikisi navettho malluku mamodda oohiya va yoowara ya efodi* ni yoowara ya vakhakaddani.

Eksodo 29:6

Omuwarihe enduwira omuruni waye ni malluwa oopatuleyaalle vanduwiranimvo.

Eksodo 39:28

enduwira, ezikofiya ni makabudula, ddittheddenennddo ddoosowiwa ni ekuwo yabafuta aphaama.

Yesaya 11:5

Echilungamo enaakhalle laambaaye, ororomelleya onaakhalle yoomakella muyuununi mwaye.

Yesaya 59:17

Yaawara echilungamo wonanko yoowara yawiitetezella ekhakadda nave ovullusa wonanko echipewa yawiitetezella omuruni. Yaawara ohokollosella ddoonanara wonanko mukanjo nave osha murima wiwa wonanko yawiikhuneelliiwa.

Hoseya 3:4

Vawi Aisraele eneerokhalla mallapo manchichi ehinna mamwene apaalle enduna, oohivelleella mikutho apaalle wiimesa apoto oopatuleya, oohikhalla ni milluku dda mpa apaalle efodi.*

Aefeso 6:14

Sika vano imellani mookhozeka ni yawoona wonanko laamba oomakelliwa moollipa muyuununi mwanyu nave echilungamo wonanko yoowara yawiitetezella ekhakaddaanyu,

1 Atesalonika 5:8

Wawi hiyaano tti a otthaana, nihilezeleke. Niware echikhulupililo ni echikondi wonanko yoowara yawiitetezella ekhakadda ni etiyerello ya ovullusiwa wonanko echipewa yawiitetezella omuruni.

Yawuupullulla 9:17

M'masomphenya mwaka mwemmo kahoona akavalo ni allupa oowella va akavalomvo ewanre ddawiitetezella dda mukoko dda ekhakadda ddiwa ddoofiira wonanko munllo, bululu wonanko nlluku na safire navettho yelo wonanko sulufure. Miru dda akavalwaayo ddaari wonanko dda mikango nave ovenyera muwano mwiwa mwaakhuma munllo, mwiisi ni sulufure.

1 Samuele 2:18

Samuele aariiye musombwe aanarumeyella vamiitthoni va Apwiya awanre ekuwo yabafuta yookhalla ni efodi.*

1 Samuele 22:18

Vano mwene aamulleella Doegi wi, “Khawe wawiiphe allupa mukutho.” Doegi a o Edomoolle aawiipha allupa mukuthwaayo. Athu yiiphiwaayo yaari 85 ayo yawara ekuwo ddabafuta ddookhalla ni efodi.*

1 Samuele 23:6

Abiyatara, mwaana a Ahimeleki, oyo athawenlle wa Davide aamukusa efodi* athaanana ni Davide o Keila.

1 Samuele 30:7

Vano Davide aamulleella mullupa mukutho Abiyatara, mwaana a Ahimeleki wi, “Okinnye yoowara yoopangiwa ni ekuwo yaweella wuunchicheelle yookhalla ni efodi.”* Abiyatara aamwinnya.