Eksodo 28:36 - Mawu a Mulluku

³⁶ “Opangettho malluwa agolide aphaama, ogobevo wonanko echidindo mawu awi, ‘Yoovelleelliwa wa Apwiya.’

Eksodo 28:36 Iomraidhean Croise

1 Epilli 23:13

Amuramu aamuyara Aroni ni Mose. Aroni aapatuliwa wi awehereke ddeko ddaweellesesa mwawi olliye ni anaaye yavelleellesesa mikutho ddawoosa lubani* vamiitthoni va Apwiya ni orumeyella ni waadalisa athu mu nnddina na Apwiya wa enthawi yoohimalla.

Masalimo 93:5

Nyu Apwiya malamulwaanyu tti oororomelleya, enyumbaanyu tti yaweella wa enthawi yoohimalla.

Eksodo 19:6

Nave nyuwaano muneerokhalla omwene wa allupa mukutho navettho mutundu woopatuleya.’ Sika waalleelle Aisraele mawu yaalla.”

Eksodo 28:11

Manddiniiwaayo waalembe mowaagobani vamallukuni meellaayo, mweeruso ya muthu oogoba malluku. Nave mallukwaayo ekhalle mu ddoohiyamo ddiwa ddagolide.

Eksodo 28:35

Sika Aroni awareke mukanjooyo aapharaka mitteko dda mukutho. Aavollowaka apaalle aakhumaka munipuroni naweella vamiitthoni va Apwiya winlla wa mabelwaayo wiiweyeke wi ahiiphiwe.

Eksodo 28:37

Onimakellelle ni mukwe wabululu o enduwira ya Aroni nave nikhalle muhoollo mwa enduwireeyo.

Eksodo 28:9

Okuse malluku meelli a onikisi nave olembevo manddina a anamwani aallopwana a Israele.

Eksodo 29:6

Omuwarihe enduwira omuruni waye ni malluwa oopatuleyaalle vanduwiranimvo.

Eksodo 39:27

Vano Aroni ni anaaye yaasowelliwa malaya,

Eksodo 39:30

Nave yaapanga malluwa agolide aphaama wunchichi. Navettho yaagoba wonanko echidindo mawu awi, “Yoovelleelliwa wa Apwiya.”

Eksodo 39:31

Yaamakellella ni mukwe wabululu o enduwira ya Aroni nave naakhalla muhoollo mwa enduwireeyo moollikana ni mmo Apwiya yamulamulelliiwa Mose.

Yesaya 23:18

Koma mphurweene ni mallivellweene ddinaavelleelliwe wa Apwiya. Kheddisungiwa apaalle ohiyiwa koma ddinaavelleelliwe wa oorumeyella a Apwiya wi ekulle ddoocha ddinchichi ni ddoowara ddooreera.

Ezekiele 43:12

Nenna sika lamulo na mu enyumba ya Apwiya eyo enaamakiwe vaddullu va mwaango. Vatthevene vawaapheella vineerokhalla vaweellesesa. Nenna sika lamulo na mu enyumba ya Apwiya.”

Levitiko 10:3

Vano Mose aamulleella Aroni, “Vallethi Apwiya yaallota wi, ‘Kineerewooniha weella waka wa attheene ayo eri vakhuviru ni miyaano nave kineerotitimihiwa vamiitthoni va athu attheene’ ” Koma Aroni khaawaakhullalle.

Levitiko 19:2

aalleelle Aisraele attheene wi, “Khallani aweella kaambiiwa mi Apwiya Mullukwaanyu tti aweella.

Levitiko 8:9

Aamuwariha enduwira omuruni. Owiitthoni wa enduwireeyo aahiyawo malluwa a golide wi ekhalle echizindikiro ya opatuleya. Sika Mose aheera ddittheddene moollikana ni mmo Apwiya yamulamulalliiwa.

Zekariya 14:20

Nllapo nenno va mabelo oowara akavalo akhoto vineerolembiwa mawu awi, “Oopatulelliwa wa Apwiya.” Nave epalli dda o enyumba ya Apwiya ddinaakhalle ddoopatuleya wonanko embale dda vanikuwani.

Aheberi 12:14

Mweeseese okhalla mwamurendelle ni athu attheene. Mukhallekettho aweella murima vawi khaavo naari mmodda anaawoone Apwiya aahikhalla aweella murima.

Aheberi 7:26

Vano Yesu sika mullupa mukuthwaahu muullupalli oyo anakwakhwaniha ddoopaalla ddahu. Olliyooyo tti aweella, oohikhalla ni machimo nave aahiyanihiwa ni athu oochimwa nave aawellihiwa oya oddullu.

1 Petro 2:9

Nave nyuwaano tti mutundu wootthoolliwa, allupa mukutho oomwene, mutundu woopatuleya, athu a mwaneena Mulluku, ootthoolliwa wi mullalleye ddaweera dda Mulluku ddoottikhiniha, oyo aawiithanneni ovenyera mwiipiphini oya mu owala waye woottikhiniha.

Yawuupullulla 21:27

Nave khamuwa muvollowa ello yooheellihiwa m'muzindanimmo naari muthu aweera ddoonanara apaalle oollota ddawoottha. Yaayove manddiniiwa elembiwe mu nibukhu na akumi na mwaanaankhosa sika enaavollowe m'muzindanimmo.