Eksodo 28:34 - Mawu a Mulluku

³⁴ Nave vikhalle nikangaza nimodda va arive belo agolide waapheella moominika mutthemwene mwa muhitommo.

Eksodo 28:34 Iomraidhean Croise

Masalimo 89:15

Nyu Apwiya, oodala tti athu ayo enadduwella wuullapellani, ayo eneeta mu owala wa ekhovaanyu.

Eksodo 28:33

Moominika mwiwa, muhito mwa mukanjooyo opange ddeko wonanko ezipaso dda makangaza. Ddikhalle dda mapururu abululu, ooreera oofiira ni oofiira, waapheella mukanjo muttheenooyo. Variyari va makangazaayo vikhalle mabelo agolide.

Eksodo 28:35

Sika Aroni awareke mukanjooyo aapharaka mitteko dda mukutho. Aavollowaka apaalle aakhumaka munipuroni naweella vamiitthoni va Apwiya winlla wa mabelwaayo wiiweyeke wi ahiiphiwe.

Eksodo 39:22

Yaasowa mukanjo wa ekuwo yabululu woowara muwari mwa yoowara ya efodi.

Eksodo 39:26

Sika vaakhalla nikangaza nimodda va arive belo waapheella moominika mutthemwene mwa mukanjo oyo allupa mukutho yawariiwa voorumeyellani moollikana ni mmo Apwiya yamulamulelliiwa Mose.

Nchipo na Solomoni 2:3

Wonanko mapulosi variyari va miteekho dda muutthakoni, sikattho ookondiwaaka variyari va asombwe. Kinnahakallallesesa vawiithuuwani va muuthuuchaaye, ddinnanang'aneya muwanommu ezipaso ddaye.

Nchipo na Solomoni 4:13

Embewu ddawo ddinnahakallalla phaama. Emateene wonanko ya ezipaso ddamakangaza, ya ezipaso ddooddiva, ddawunkhella ddoohiyanahiyana.

Nchipo na Solomoni 4:3

Eyanwaawo tti yooreeresesa wonanko olusi woofiira, Otulli wa ekuwaawo yookhuneellana ekhove, maramaawo ennawala.

Nchipo na Solomoni 6:11

Kaakitthella o emata ya muteza wa alimondi, wi koone munyepu wa otapo, wi koone mipesa ddaarimi ddiphuwalle, ezipaso ddamakangaza ddaarimi ddittaphunlle malluwa.

Nchipo na Solomoni 6:7

Otulli wa ekuwaawo yookhuneellana ekhove, maramaawo ennawala.

Nchipo na Solomoni 8:2

Keerewuukusella mpa mwa amoowaaka, naari muchipindani ya ayo yakiyanre. Keerewuuvaha vinyo awunkhella wi omuwirye, ni maaddi a ezipaso ddamakangaza.

Yohane 15:16

Nyuwaano khamwaakithoonlle miyaano koma miyaano kahuutthoollani ni oweerani wi muye mwimme ezipaso ddinchichi, ezipaso nnddo ddinaakhallewo wa enthawi yoohimalla. Sika vano erive ello munaavekeenyu Attiitthaaka mu nnddina naka eneerewuuvahani.

Akolose 1:10

Mweeddiiddo muneerowora okhalla wonanko Apwiya enapaallelliiwa nave enthawi ddittheddene muneerekeweera ddoomuhakallalliha olliye. Makhallellwaanyu oneerewimma ezipaso ddaphaama ddoohiyanahiyana nave omudduwella wanyu Mulluku oneerewunnuwa.