Eksodo 28:3 - Mawu a Mulluku

³ Waalamule athu attheene eeruso, attheene ayo kaavahilleemi ezeru wi esowe ddoowara dda Aroni nnddo anaawareeye yaamuzozaka wi akhalle mullupa mukuthwaaka.

Eksodo 28:3 Iomraidhean Croise

1 Mamwene 7:14

Hiramu aari mwaana a naamukhwelle a nlloko na Nafutali nave attiitthinnya yaari a o Tiro, eeruso yamukuwa. Hiramu aari eezeru ddinchichi, awiiwesesa ni eeruso voopangani erive ello yamukuwa. Aawa wa mwene Solomoni anaphara mutteko muttheene wenko.

Eksodo 35:10

“Athu attheene eeruso ewe wi epange ddittheddene Apwiya elamulalliiwa.

Eksodo 35:25

Atthiyana attheene eeruso yaapanga olusi wabululu, woofiira vang'ono ni woofiira. Yaawaanattho olusi wabafuta aphaama.

Eksodo 35:30

Vatulli viwa Mose ahaalleella Aisraele wi, “Apwiya aamutthoolla Bezalele mwaana a Uri, edduullu ya Huri, a nlloko na Yuda.

Eksodo 35:31

Apwiya aamuvaha olliyoolla munepiiwa mwawi ookhalla ni eruso, ezeru ni odduwella phaama mitteko ddittheddene ddeeruso monga

Eksodo 35:35

Alliwaalla aavahiwa eruso yuullupalli wi ephare mitteko ddittheddenenndda wonanko athu oogoba, oojambula mapulani ni awoopa ekuwo ddabafuta aphaama, dda bululu, ddooreera ddoofiira ni dda nthoche naphaama. Ennadduwella ophara mitteko ddittheddene nave ennawora ojambula mapulani a mitteko ddittheddene ddeeruso.

Eksodo 36:1

“Nave Bezalele, Oholiyabu ni athu eeruso attheene ayo Apwiya yaavahilliiwa eruso ni ezeru ddoodduwella opanga ddoopaalleya ddittheddene ddoomakella musasa wamutthukumano, eneeropanga ddittheddene moollikana ni mmo Apwiya yalamulelliiwa.”

Eksodo 36:2

Vano Mose aawiithana Bezalele, Oholiyabu ni athu eeruso attheene ayo Apwiya yaavahilliiwa ezeru nave yapaallille ni murimiiwa muttheene okavihera.

Miyambo 2:6

Apwiya ennavaha ezeru, mwa alliwa munnavenyera odduwella ni wiiwesesa.

Yesaya 11:2

Munepa wa Apwiya onaakhalle va olliye, munepa woovaha ezeru ni wiiwesesa, munepa woovaha malangizo ni masiva, munepa woovaha odduwella ni owoova Apwiya.

Aefeso 1:17

ni omuveka Mulluku a Apwiihu Yesu Khrisitu, Attiitthiihu antitimiho wi uuvaheni Munepa oyo onuuvaheni ezeru yoomuupullulla Mulluku wa nyuwaano wi mumudduwelle.

Deuteronomo 34:9

Vano Yoswa, mwaana a Nuni, aaddalliwa ni ezeru ekaamba yawi Mose aamwiiyaatthi matta wi avollowe muniporoni mwaye. Aisraele yaamwiiwellella Yoswa ni othwara malamulo mattheene ayo Apwiya yaalamulalliiwa oweella mwa Mose.

Yakobo 1:17

Erive emphaso yaphaama ni yooreera wunchichi enavenyera oddullu, ddinakittha wa Attiitthiihu ayo yaphatusalle ddoowala ddittheddene ddooddullu, oyo ahinatthattuwa nave owala wiwa khonatiithiwa.