Eksodo 27:21 - Mawu a Mulluku

²¹ Aroni ni anaaye ekhariheke enyali mu musasa wamutthukumano eyo eri otte wa ekatani yootchinga nibokosi na echipangano. Vano enyaleeyo ekhareke wenko waambeella misikuwa ophiyera ohinase. Nenna nikhalle lamulo wa enthawi yoohimalla wa Aisraele ni mibado ddiwa ddittheddene.

Eksodo 27:21 Iomraidhean Croise

Genesis 1:5

Mulluku aaromolla owalanko “Otthaana” navettho epiphiiyo aayiromolla “Mahiiyu”. Nave waakhalla misikuwa navettho waakhalla ohinase, nllapo nawaamba.

Genesis 1:8

Yoohiyaniheeyo aayiromolla “Oddullu”. Nave waakhalla misikuwa navettho waakhalla ohinase, nllapo naneepiilli.

2 Epilli 13:11

Ennavelleella wa Apwiya mikutho ddooshellelliha orive ohinase ni orive misikuwa. Ennoosa lubani* na nthuko naphaama nave ennamuhiyattho buledi oovelleella va tebulo a golide aphaama navettho ennapwatha yoohiyavo enyali yagolide wi enyali ddiwa ddikhareke orive misikuwa vawi ninniiwellella nnddo enanilamula Apwiya Mullukwaahu koma nyu mohaahiya.

Masalimo 134:1

Nyu attheene oorumeyella a Apwiya, awiimella mu enyumbiiwa a mahiiyu, waawoni, atitimiheni!

Eksodo 12:14

Munuupuwelleke nllapo nenna mvo munaakhallekeenyu ni ehakallallo yookititimihana miyaano, Apwiya. Mibado ddanyu ddittheddene ddisungeke nllaponna wi nikhalle lamulo wa enthawi yoohimalla.”

Eksodo 16:34

Moollikana ni mmo Apwiya yamulamulelliiwa Mose, Aroni aahiya moosungellamommo vahoollo va nibokosi na echipangano wi manaayo esungeye.

Eksodo 25:16

Munibokosinimmo ahiyemo malluku meelli ayo kinaamuvaheemi elembiwe malamulo a echipangano.

Eksodo 28:43

Aroni ni anaaye ewareke ddenndda enthawi ddittheddene yaayaaka o musasa wamutthukumano apaalle onikuwani wookirumeyella onipuroni naweella woova wi enaachimwe ni okhwa. Lamulo nenna noollota dda Aroni ni edduullu ddaye nikhalle lamulo wa enthawi yoohimalla.

Eksodo 29:28

Aisraele yavelleella mikutho ddeeyaattano, ddenndda ddikhalle dda Aroni ni anaaye enthawi ddittheddene vawi tti ddoovelleella dda Aisraele wa Apwiya.

Eksodo 29:42

Mikutho ddooshellelliha ddenndda ddivelleelliweke enthawi ddittheddene va mibado ddanyu ddittheddene. Muddivelleelleke vamiitthoni va mi Apwiya o mullako wa musasa wamutthukumano, nko kinaakumanekeemina ni ollota ni athwaaka.

Eksodo 29:44

Kineerowupatula musasa wamutthukumano ni nikuwa nene. Nave kineerewaapatula Aroni ni anaaye wi ekhalle allupa mukutho.

Eksodo 30:21

Enaaweeke ni ohuwa manyallo wi ehikhwe. Nenna tti lamulo nno alliwaayo ni edduullu ddiwa ni mibado ddamuhoollo wa enthawi yoohimalla.”

Eksodo 30:36

Osille phaama embali emodda nave ovahullewo vang'ono ni ohiya vahoollo va nibokosi na echipangano mu musasa wootthukumanellamo ni nyuwaano. Lubani nenna wa nyuwaano nikhalle naweella wunchichi.

Eksodo 30:8

Nave aakhariha enyaleeyo misikuwa, ooseke lubani. Sika vikhalle woosa lubani woohihiyerera vamiitthoni va Apwiya mu mibado ddanyu ddittheddene.

Eksodo 40:3

Mu nibokosi na echipangano onihiye mwemmo nave onikhuneelle ni ekatani yootchinga.

Levitiko 10:9

“Muhinamuwiryaka vinyo apaalle yoowirya yoowalli, weyaano ni edduullu ddawo, mwaayaaka o musasa wamutthukumanoolla woova wi munaakhwe. Nenna nikhalle lamulo wa enthawi yoohimalla wa mibado ddanyu ddittheddene.

Levitiko 16:34

Nenno nikhalle lamulo nanyu na enthawi yoohimalla wi mweereke mutetho woopepesella machimo mattheene a Aisraele omodda vamuyakhani.” Vano Mose aheera moollikana ni mmo Apwiya yamulamulalliiwa.

Levitiko 17:7

Sika mikutho ddiwa ehiddiivelleellelle milluku ddeepuri nnddo enaddoonihelliiwana ohiroromelleya wa Apwiya. Nenno nikhalle lamulo wa enthawi yoohimalla wa mibado ddittheddene.”

Levitiko 23:14

Muhinamucha tirigu yoolla awumma apaallettho mukitthi apaalle buledaaye nllaponna nihinaphiye, ophiyera muwiillena mukutho wa Mullukwaanyu. Nenna nikhalle lamulo wa enthawi yoohimalla wa mibado ddanyu ddittheddene orive weko nko munaakhallekeenyu.

Levitiko 23:21

Vano va nllapo nenno muwiithane athu o mutthukumano woopatuleya nave muhinaphara mutteko. Nenna nikhalle lamulo wa enthawi yoohimalla wa mibado ddanyu ddittheddene orive weko nko munaakhallekeenyu.

Levitiko 24:2

Aalamule Aisraele wi emuvahe makhura a olivi oopangiwa phaama, ookharihella enyali wi ekhareke mahiiyu mattheene.

Levitiko 24:3

Aroni ayikharihe enyaleeyo vamiitthoni va Apwiya otte wa ekatani yootchinga nibokosi na echipangano nno niri m'musasani wamutthukumano wi ekhareke waambeella misikuwa ophiyera ohinase. Nenna nikhalle lamulo wa enthawi yoohimalla wa mibado ddanyu ddittheddene.

Levitiko 24:9

Yoocheeyo ekhalle ya Aroni ni anaaye nave eyichelle m'mapuroni oopatuleya vawi wa alliwa yeella tti yoopatuleya wunchichi, yoovenyera va mikutho ddawoosiwa viikho wa Apwiya. Lamulo nenna nikhalle na enthawi yoohimalla.”

Levitiko 3:17

Nenna nikhalle lamulo wa enthawi yoohimalla wa mibado ddanyu ddittheddene wi muhiche nikhame apaalle makhura a enama orive weko nko munaakhallekeenyu.”

Levitiko 3:8

atthinddaanyere nnatta naye va muru wa enkhoseeyo nave ayiiphelle va nthato na musasa wamutthukumano. Vano anamwani a Aroni evelleelle nikhame na enkhosanno vawiithani moowaapheella nikuwa.

Levitiko 6:15

Vano mmodda a alliwaayo avahulle nnatta nimodda na othu woottakanyihera ni makhura nave amukusettho lubanaaye muttheene. Ashellellihe ddennddo vanikuwani, wooniha wi mukutho muttheenooyo woovelleelliwa wa Apwiya nave ddikhumihe nthuko nawaaddivella Apwiya.

Levitiko 7:36

Apwiya yahaalamulella Aisraele wi evelleelleke ddennddo wa allupa mukutho ovenyera nllapo nno yazoziwiiwa wi ekhalle embaliiwa wa mibado ddiwa ddittheddene.

Malaki 2:7

“Vawi tti mutteko wa mullupa mukutho osunga ehuddiho yawoona nave athu yaasheke malangizo ovenyera wa olliye vawi olliye sika amithenga a Apwiya Amasiva Mattheene.

Numeri 18:23

Koma Alevi sika enaarumeyelleke mu musasa wamutthukumano nave eneerewiireya machimwiiwa. Nenno nikhalle lamulo wa enthawi yoohimalla wa mibado ddiwa ddittheddene. Alevi ehikhalle ni yoohallana variyari va Aisraele attheene.

Numeri 18:5

Nave muneerekorumeyella mu nipuro naweella ni va nikuwa wi Apwiya ehaashellettho murima Aisraele.

Numeri 19:21

Nenno nikhalle lamulo wa enthawi yoohimalla wa alliwaayo. “Muthu oyo anamidda maaddi aweellihella achape ddoowara ddaye. Nave muthu oyo anattannya maaddi aweellihella aneerokhalla ooripihiwa ophiyera misikuwa.

Numeri 35:29

“Yaalla ekhalle malamulo ni malangizo wa nyuwaano va mibado ddanyu ddittheddene orive weko munaakhallekeenyuwo.

Numeri 8:9

Owe ni Alevi va mullako musasa wamutthukumano nave waatthukumanihe Aisraele attheene.

Mateyu 4:16

athwaawo ayo yaari mwiipiphini, ahoona owala wunchichi. Athu ayo yaari munipuroni na muuthuuchi wa okhwa, owala wohaaphiyera.”

Luka 12:35

“M'makelleni laamba okhozekella mutteko nave enyali ddanyu ddikhareke,

Yohane 5:35

Yohane aari wonanko enyali ni yoowala nave nyuwaano mwaatthoolla ohakallallana owalanko enthawi yoyeva.

2 Akorinto 4:6

Mulluku aallotille wi, “Owala omolleelle ovenyera mwiipiphini.” Tti Mulluku mmoddamoddave yooyo enre owala waye wi omolleelle m'mirimani mwahu wi onivahe odduwella dda ntitimiho na Mulluku noomolleella va ekhove ya Khrisitu.

2 Petro 1:19

Sika ekaamba ya yeella ninnasimikiza wi othenga woollalleyiwa ni anamallotella tti wawoona. Mwathwara yoolla muneereweera phaama kaambiiwa tti wonanko enyali yoomolleella mu nipuro na epiphi ophiyera ohinase etheneeri ya thanda yawala m'mirimani mwanyu.

Yawuupullulla 2:1

“Omulembelle oohoollella a mpingo wa o Efeso wi, “Alla sika mawu oovenyera wa oyo atukhunlle etheneeri dditthanu ni piilli mu nnattanatta mwaye nave aneeta variyari va ddoohiyavo enyali dditthanu ni piilli dda golide awi,

1 Samuele 3:3

Samuele aari akonaatthillettho vakhuviru ni nibokosi na echipangano mu enyumba ya Apwiya. Enthawi yeeyo enyali ya Mulluku yaari ehinathiime.

1 Samuele 30:25

Davide aalamula wi nikhalle lamulo nave ovenyera nllapo nenno Aisraele aakhalla enipharihaka mutteko.