Eksodo 27:2 - Mawu a Mulluku

² Opange manyaka va makoniiwa masesaayo, oopangiwa ni ntabwa nimoddave nenno nave onihuruwelle ni mukuwa.

Eksodo 27:2 Iomraidhean Croise

1 Mamwene 1:50

Sika Adoniya aamoova Solomoni nave aaya o musasa wamutthukumano aphara manyaka a nikuwa.

1 Mamwene 2:28

Yowabu iiwalleeye wi Adoniya ohiiphiwa aathawella o musasa wa Apwiya aphara manyaka a nikuwa. Yowabu tti olle amukavihera Adoniya ohiri Abishalomu.

1 Mamwene 8:64

Nllapo nenno mwene aapatulattho nipuro na variyari va nthato namillatu nno naari vahoollo va enyumba ya Apwiya. Vawi tti wenko avelleelleeyewo mukutho wooshellelliha ni mukutho wa othu navettho makhura a mikutho ddeeyaattano. Aheera ddiidda kaambiiwa nikuwa na mukutho namukuwa nno naari va nipuro noopatuleya na Apwiya naayeva sika mikutho dda ddeko ddittheddenenndda kheddaakwakhwanella ovelleellavo.

2 Mamwene 16:14

Sika mwene Ahazi aavenyiha nikuwa na mukuwa nno naari vamiitthoni va Apwiya, variyari va nikuwa naye ni enyumba ya Apwiya nave aanisusa aya animaka ompoto wa nikuwa nayenno.

2 Epilli 4:1

Mwene Solomoni aapanga nikuwa namukuwa noorekama mamita matthanu ni masese, nooramballalla mamita matthanu ni masese ni oya muddullu vakhuviru mamita masese ni hafu.

Masalimo 118:27

Apwiya sika Mulluku, oonivaha owala. Ambani olendo wa ehakallallo, mukusalle enthambi m'mattani mwanyu ophiyera muphiyalle o nikuwa na mukutho.

Eksodo 27:3

Opangettho embale ddiwa moomorellamo ntuura, mafosholo, mabeseni, mafoloko muullupalli navettho ezipangizo ddookharihavo munllo. Ezipangizo ddittheddene dda va nikuwanno ddikhalle dda mukuwa.

Eksodo 29:12

Okusewo nikhame na eng'ombeeyo nave omare ni eyaallaawo va manyaka a nikuwa. Nave nikhame noohallanno oniithelle vatthi va nikuwanno.

Eksodo 38:30

Vano ni mukuwa yoolla aapanga matthipello a mullako wa musasa wamutthukumano. Aapangattho nikuwa na mukutho wooshellelliha, echiwayiiwa ni ezipangizo ddiwa ddittheddene,

Ezekiele 43:15

Mapuro ooviddeellavo munllo vanikuwani ekhalle a mamita meelli. Vaddullu viwa vikhume manyaka masese oorekama hafu mita.

Levitiko 16:18

Vano akhuma Aronooyo aye onikuwani nno niri vamiitthoni va Apwiya wi eere mutetho woopepesella nikuwanno. Akuse nikhame nimodda na nankhoro a eng'ombe navettho nikhame na epuri wi amare va nirive nnyaka na nikuwanno.

Levitiko 4:18

Vatulli viwa nikhamenno animare va manyaka a va nikuwa nno niri vamiitthoni va Apwiya m'musasani wamutthukumano. Nikhame noohalla aniithelle vatthi va nikuwa na mukutho wooshellelliha, nno niri va mullako wa musasa wamutthukumano.

Levitiko 4:25

Mullupa mukutho akuse nikhame na nankhoro a epuri ni eyaallaaye, animare va manyaka a va nikuwa na mukutho wooshellelliha nave iithelle nikhame noohallanno vatthi va nikuwa nenno.

Levitiko 4:7

Vatulli viwa mullupa mukutho muullupalli amare nikhamenno va manyaka a va nikuwa nawoosellamo lubani* nno niri m'musasani wamutthukumano. Nikhame noohalla na eng'ombeeyo aniithelle vatthi va nikuwa na mukutho wooshellelliha, nno niri va mullako wa musasa wamutthukumano.

Levitiko 8:15

Vano Mose ahiipha eng'ombeeyo atthaveya eyaallaaye munikhameni amara va manyaka oowaapheella va nikuwa nave aaneelliha. Aaniithella nikhame noohalla vatthi va nikuwanno aneelliha. Sika aheera mutetho woopepesella machimo.

Zekariya 9:15

Apwiya Amasiva Mattheene eneerowaakiha, alliwa eneerewaapambana ni waagonjiha adaniiwa vawaavokhani malluku, eneerowirya nikhame na adaniiwa nngu ekhuwaka wonanko emuvonille vinyo. Nikhamenno nineereweetellella wonanko na mukutho, nawiithellelliwa ni kapu va nikuwa.

Numeri 3:31

Nave mutteko wa Akohati waari woopwatha nibokosi na echipangano, tebulo, yoohiyavo enyali, makuwa, ezipangizo dda m'mapuroni oopatuleya nnddo allupa mukutho yapharihiiwa mutteko ni ekatani. Yaanaphara mitteko ddittheddenenndda.

Aheberi 6:18

Mwawi ddiidda vookhalla ddeko piilli nndda, ollupella ni olonjeza. Khaddisinthiwa nave ddinnooniha wi Mulluku khoottha. Sika wa hiyaano nathawenlle wa olliye naaphwanya ollipihiwa murima wuullupalli wi niphare moollipa etiyerello eyo ninaakhelleehu muhoollo.