Eksodo 27:1 - Mawu a Mulluku

¹ “Opange nikuwa na mukutho wooshellelliha na matabwa akesha. Nikhalle noorekama masentimita 229, okhuveya wiwa okhallettho masentimita 229 nave oya muddullu wiwa okhalle masentimita 137.

Eksodo 27:1 Iomraidhean Croise

2 Samuele 24:18

Nllapo nenno Gadi aaphiya wa Davide amulleella wi, “Muye mwaamakelle Apwiya nikuwa vanipuroni noomuuputhellavo tirigu na Arauna Muyebusoolle.”

2 Mamwene 16:14

Sika mwene Ahazi aavenyiha nikuwa na mukuwa nno naari vamiitthoni va Apwiya, variyari va nikuwa naye ni enyumba ya Apwiya nave aanisusa aya animaka ompoto wa nikuwa nayenno.

1 Epilli 6:49

Koma Aroni ni edduullu ddaye ddaanavelleella mikutho va nikuwa na mukutho wooshellelliha ni nawoosellavo lubani.* Alliwa sika yeera ddittheddene ddoopaalleya va nipuro naweellesesa ni weera mutetho woopepesella machimo a Aisraele. Yaaneera ddiidda moollikana ni ddittheddene Mose oorumeyella a Mulluku aalamulalleeye.

2 Epilli 4:1

Mwene Solomoni aapanga nikuwa namukuwa noorekama mamita matthanu ni masese, nooramballalla mamita matthanu ni masese ni oya muddullu vakhuviru mamita masese ni hafu.

Ezara 3:2

Vano aavenya Yeshuwa mwaana a Yozadaki ni allupa mukutho akhwaaye ni Zerubabele mwaana a Shealatiele ni abalaaye yaamba omakattho nikuwa na Mulluku a Aisraele wi evelleellekevo mikutho ddooshellelliha moollikana ni mmo ddilembelliwiiwa mu malamulo a Mose, muthu a Mulluku.

Eksodo 17:15

Nave Mose aamaka nikuwa aanivaha nnddina nawi, “Apwiya sika embenderaaka.”

Eksodo 24:4

Nave Mose aalemba mawu mattheene a Apwiya. Nave aavenya moopeha ohinase aamba omaka nikuwa museresere mwa mwaango. Nave ahiimesa malluku khumi ni meelli a malloko khumi ni meelli a Aisraele.

Eksodo 31:9

nikuwa na mukutho wooshellelliha ni ezipangizo ddiwa, nibeseni noohapellamo ni marwiiweene,

Eksodo 35:16

Epangettho nikuwa na mukutho wooshellelliha ni mukoko wa echiwaya yamukuwa yookhalla wonanko esefa, ekopo ni ezipangizo ddiwa, nibeseni noohapellamo ni marwiiwa,

Eksodo 39:39

nikuwa namukuwa ni echiwayiiwa, ekopo ddiwa ni ezipangizo ddiwa ddittheddene navettho nibeseni noohapella ni marwiiweene,

Eksodo 40:10

Nave ozozettho nikuwa na mukutho wooshellelliha ni ezipangizo ddiwa ddittheddene wi opatulelle wa miyaano wi ddikhalle ddaweellihiwa wunchichi.

Eksodo 40:29

Nave aahiya nikuwa na mukutho wooshellelliha vahoollo va mullako wa musasooyo. Va nikuwa nenno, aavelleellavo mukutho wooshellelliha navettho mukutho wa othu moollikana ni mmo Apwiya yamulamulelliiwa.

Eksodo 40:6

Ohiyevo nikuwa na mukutho wooshellelliha vahoollo va mullako wa musasooyo.

Numeri 3:31

Nave mutteko wa Akohati waari woopwatha nibokosi na echipangano, tebulo, yoohiyavo enyali, makuwa, ezipangizo dda m'mapuroni oopatuleya nnddo allupa mukutho yapharihiiwa mutteko ni ekatani. Yaanaphara mitteko ddittheddenenndda.

Numeri 4:13

Evenyihevo ntuura vanikuwani nave yaannddellellevo ekuwo yoofiira.

Numeri 4:14

Ehiyevo ezipangizo ddittheddene dda vanikuwani, ezipangizo ddoovallella munllo, mafoloko, mafosholo ni mabeseni, nikhulle mi ezipangizo ddittheddene dda vanikuwanimvo. Va ddittheddenennddo yakhuneellevo ni mattapara awoollowa nave ehereremo ekopo ddiwa.

Aheberi 13:10

Hiyaano nookhalla ni nikuwa koma allupa mukutho oorumeyella m'musasani kheyaakhullelliwa ocha ddooheraatthiwa mukutho vanikuwaninno.