Eksodo 26:1 - Mawu a Mulluku

¹ “Amake musasa wamutthukumano voopharihani mutteko ekuwo ddabafuta aphaama khumi navettho ni ekuwo ddabululu, ddooreera ddoofiira ni ddoofiira. Ekuwo ddenndda addipete phaama ni ezithuzi dda akerubi.*

Eksodo 26:1 Iomraidhean Croise

2 Samuele 7:2

Vano aallota wa namallotella Natani wi, “Mi kinakhalla mu enyumba yoomwene yoomakiwa ni miteekho ddamukunguza koma nibokosi na echipangano na Apwiya ninakhalla m'musasani.”

1 Mamwene 6:29

Va esiri ddittheddene, muwari ni otte wene, aagobamo ezithunzi dda akerubi ni dda miteekho ddakanjeza ni malluwa.

1 Epilli 17:1

Davide akeraattheyille mu enyumbaaye yoomwene, nllapo nimodda aallota wa Natani, namallotella wi, “Ngoonani, miyaano kinakhalla mu enyumba yoomwene yoomakiwa ni miteekho ddamukunguza koma nibokosi na echipangano na Apwiya ninakhalla m'musasani.”

1 Epilli 21:29

Musasa wa Apwiya oyo Mose amakilleeye muchipululuni mulle ni nikuwa na mukutho wooshellelliha, ddittheddene ddaari nipuro noollapellamo o mwaango wa Gibiyoni

Eksodo 25:18

Golide a mukhwipi vaddullu va yookhuneelleeyo amuhane wi aapange akerubi* eelli,

Eksodo 25:4

ekuwo ddabululu, ddooreera ddoofiira, ddoofiira, ekuwo ddabafuta aphaama, ekuwo ddawoopiwa ni mapururu eepuri,

Eksodo 25:8

Nave ekimakelle musasa woopatuleya wi miyaano kikhalle variyari viwa.

Eksodo 26:2

Erive ekuwo ekhalle yoorekama mamita 13 nave okhuveya wiwa okhalle mamita meelli. Ekuwo ddittheddenennddo ddikhalle ddoophwanaphwana wunnuwa wiwa.

Eksodo 26:31

“Asowe ekatani yabululu, yooreera yoofiira ni yoofiira navettho yabafuta aphaama. Nave ekataneeyo ayipete phaama ni ezithuzi dda akerubi.

Eksodo 26:36

“Va mullako wa musasa ahiyevo ekatani yoowallana yabululu, yooreera yoofiira, yoofiira, yabafuta aphaama navettho yoopetiwa mweeruso.

Eksodo 31:7

Emake musasa wamutthukumano, nibokosi na echipangano, yookhuneella ya nibokosi ni ezipangizo ddittheddene dda musasa wamutthukumano,

Eksodo 35:11

Emake musasa wamutthukumano wa Apwiya, musasooyo ni echironiiwa, engowi ddiwa, meto ddiwa, machengwiiwa, apotwiiwa ni matthipellwiiweene.

Eksodo 35:35

Alliwaalla aavahiwa eruso yuullupalli wi ephare mitteko ddittheddenenndda wonanko athu oogoba, oojambula mapulani ni awoopa ekuwo ddabafuta aphaama, dda bululu, ddooreera ddoofiira ni dda nthoche naphaama. Ennadduwella ophara mitteko ddittheddene nave ennawora ojambula mapulani a mitteko ddittheddene ddeeruso.

Eksodo 35:6

ekuwo ddabululu, ddooreera ddoofiira, ddoofiira, ekuwo ddabafuta aphaama, ekuwo ddawoopiwa ni mapururu eepuri,

Eksodo 36:35

Yaasowa ekatani yabululu, yooreera yoofiira ni yoofiira navettho yabafuta aphaama. Nave ekataneeyo yaayipeta phaama ni ezithuzi dda akerubi.

Eksodo 39:3

Nave yaahana ddawooneya wonanko mikwe dda golide ooshashaalla, eddichekacheka eddilluwella mweeruso omoddave ni ekuwo ddabululu, ddooreera ddoofiira, ddoofiira ni ddabafuta aphaama.

Eksodo 40:2

“Va nllapo nawaamba na mweeri wawaamba, omake musasa wamutthukumano.

Numeri 3:25

Nave mutteko wa Agereshoni mu musasa wamutthukumano waari woopwatha musasooyo ni echironiiwa, ekatani ya va mullako,

Numeri 4:25

Musasa wamutthukumano ni echirona, ekuwiiwa, mattapara awoollowa ookhuneellana vaddullu viwa navettho ekatani ya va mullakwiiwa.

Yohane 1:14

Mawu yaalla yaakhalla muthu, ooddalla ni echisomo ni yawoona, ekhalla variyari vahu. Nahoona ntitimiho naye, ntitimiho nno aakhenlleeye wa Attiitthinnya vookhallani mwaniwa mmoddave.

Yohane 2:21

Koma enyumba ya Mulluku Yesu alloteeye yaari mwiillaaye.

Aheberi 8:2

Olliye anarumeyella wonanko mullupa mukutho muullupalli mu nipuro naweellesesa na muwari mwa musasamusasa oyo wamakiwe ni Apwiya, ohiri ni athu.

Aheberi 9:2

M'musasanimmu, echipinda yawaamba yaakhalla ni yoohiyavo enyali ni tebulo owaaka buledi oovelleelliwa wa Mulluku nave yaromolliwa wi nipuro naweella.

Aheberi 9:9

Ella sika echisanzo ya enthawi ya muttano eyo enattaphullella wi mukutho wa enama wooheraatthiwa wa Mulluku, khonawora omurukunusa muthu ooheraatthooyo okhalla ni murima waphaama.

Yawuupullulla 19:8

Oovahiwa ekuwo yaweellesesa wi aware.” (Ekuwo yaweelleseseeyo sika mitteko ddoolungama dda athu a Mulluku.)

Yawuupullulla 21:3

Kahiiwa mawu oowella ellotiwaka ovenyera o mpando woomwene awi, “Vano enyumba ya Mulluku eri variyari va athu! Aneerokhalla ni athwaayo navettho eneerokhalla athwaaye. Mulluku aneerokhallana vamodda nave aneerokhalla Mullukwiiwa.