Eksodo 25:8 - Mawu a Mulluku

⁸ Nave ekimakelle musasa woopatuleya wi miyaano kikhalle variyari viwa.

Eksodo 25:8 Iomraidhean Croise

1 Mamwene 6:13

Nave kineerokhalla variyari va Aisraele, ngiwa kaahiya athwaaka Aisraele.”

1 Epilli 22:19

Sika waashaashekeni Apwiya Mullukwaanyu ni murimaanyu muttheene. Vano venyani mwaambe omaka enyumba ya Apwiya Mulluku wi muhiyemo nibokosi na echipangano na Apwiya ni eziwiya ddittheddene ddaweella ddoopharihiwa mutteko vawaallapellani.”

Eksodo 15:17

Munnaavollochiha nave munnaahiya vamwaangonaanyu, vanipuroni mvo nyu Apwiya mwapangilleenyu wi mukeraattheyevo, mu enyumbaanyu eyo mwayimakelleenyu.

Eksodo 15:2

Apwiya sika masivaaka ni ekophollo ddaka, alliwa tti oovullusaaka. Alliwa tti Mullukwaaka nave kineerewaatitimiha, tti Mulluku a attiitthaaka nave kineerewaatthamalla wunchichi.

Eksodo 29:45

Kineerokhalla variyari va Aisraele nave kineerokhalla Mullukwiiwa.

Eksodo 29:46

Eneerodduwella wi mi tti Apwiya ayo kaakhumihalle o Iguputo wi kikhalle variyari viwa. Mi tti Apwiya Mullukwiiwa.

Yesaya 12:6

Nyu athu a o Ziyoni, khuwani ni wiipa moohakallalla vawi Aweella a Israele tti muullupalli variyari vanyu.”

Ezekiele 37:26

Kineerokeraatthihana echipangano yamurendelle. Echipangano yeella eneerokhalla yayiwa wa enthawi yoohimalla. Kineerewaakeraatthiha ni Waaruuwiha nave kineerohiya enyumbaaka variyari viwa wa enthawi yoohimalla.

Ezekiele 37:28

Vano athu a mitundu ddimodda eneerodduwella wi mi tti Apwiya owaatthattusa Aisraele wi ekhalle aweella vawi enyumbaaka yaweella eri variyari viwa wa enthawi yoohimalla.”

Ezekiele 43:7

Aakilleella wi, “We mwaana a muthu, nipuro nenna tti na mpandwaaka woomwene mvo kinanyingallihaamivo manyallwaaka. Wuno sika kinaakhalleemi ni athwaaka Aisraele wa enthawi yoohimalla. Alliwa naari mamweniiwa khewa eripihattho nnddina naka naweella vooraruwani apaalle voovitthani mitembo dda mamweniiwa o mapuro oollapellawo.

Levitiko 10:4

Mose aawiithana Mishaele ni Elizafani, anamwani a Uziyele, attiitthinnya ang'onong'ono a Aroni, aalleella wi, “Susellani vakhuviru, avenyihenivoni abalaanywaalla va nthato na musasa wamutthukumano nave mwaakhumihelle otte wa misasa.”

Levitiko 21:12

Ddeereya ddenndda ahikhume munipuroni naweella apaalle oripiha nipuro naweella na Mullukwaaye vawi makhura oomuzozella a Mullukwaaye ayo azozelliweeye eri va olliye. Mi tti Apwiya.

Levitiko 26:11

Kineerokhalla variyari vanyu nave ngiwa kuuhiyani.

Levitiko 4:6

Vano atthaveye eyaallaaye munikhameni nave amidde nikhamenno otthanu ni wiilli vamiitthoni va Apwiya vahoollo va ekatani ya nipuro naweellesesa.

Zekariya 2:10

Apwiya enallota wi, “Nyu a o Ziyoni, ipani moohakallalla vawi kinimawa nave kinaakhalle variyari vanyu.

Zekariya 8:3

Mi Apwiya Amasiva Mattheene kineerohokollweella o Ziyoni nave kinaakhalleke o Yerusalemu, muzindaaka waweella. Sika Yerusalemu aneeroromolliwa Muzinda Woororomelleya. Mwaango wa mi Apwiya Amasiva Mattheene oneeroromolliwa Mwaango Waweella.

Numeri 5:3

Emuvenyihewo arive muthu awi ddiidda, mullopwana apaalle mutthiyana. Emukhumihelleke otte wa misasa wi ahiripihe misasa ddiwa vawi miyaano kinakhalla variyari va athwaaka.”

Mitteko 7:44

“Makhollwaahu yaakhalla ni musasa woomboni wawooniha wi Mulluku ookhallawo o echipululu wulle. Yapangiwe ollikana ni ddallotille Mulluku wa Mose nave moollikanattho ni mamakello oonihiweeye.

2 Akorinto 6:16

Enyumba ya Mulluku enaattane ni mafano mwawiidde? Vawi hiyaano tti enyumba ya Mulluku Ookumi. Mulluku yeekhaaye aallota wi, “Kineerokhalla mwa alliwa, nave kineereweeteeta variyari viwa. Kineerokhalla Mullukwiiwa, nave alliwa beneerokhalla athwaaka.”

Deuteronomo 12:11

Sika Apwiya eneerotthoolla nipuro noollapellavo wi ekeraatthihevo nnddina niwa nave muneerekowaana wenko ddittheddene kuulamulalleemini monga mikutho ddanyu ddooshellelliha, mikutho ddanyu ddimodda, ddoovelleella ddanyu ddaneekhumi, ddoovelleella ddoohiwatiheriwa navettho ddoovelleella ddanyu ddoollupella.

Aheberi 3:6

Koma Khrisitu tti oororomelleya wonanko mwaana oolamulella enyumba ya Mulluku. Hiyaano sika enyumba ya Mulluku, nallipa murima ni okhulupilila nnddo ninatiyereehu.

Yoswa 22:31

Mullupa mukutho Finehasi, mwaana a Eleazara ahaalleella athu a malloko a Rubeni, Gadi ni Manase wi, “Vano noodduwella wi Apwiya eri ni hiyaano vawi khamwaawukilalle ovaanyihana ni Apwiya. Mohaavullusa Aisraele o ollaka wa Apwiya.”

Yawuupullulla 21:3

Kahiiwa mawu oowella ellotiwaka ovenyera o mpando woomwene awi, “Vano enyumba ya Mulluku eri variyari va athu! Aneerokhalla ni athwaayo navettho eneerokhalla athwaaye. Mulluku aneerokhallana vamodda nave aneerokhalla Mullukwiiwa.