Eksodo 25:22 - Mawu a Mulluku

²² Kineerekokumana ni olliye vaavo nave ovenyera vaddullu va yookhuneelleeyo, variyari va akerubi eri vaddullu va nibokosaayo, kineeromulleella malamulwaaka mattheene wa Aisraele.

Eksodo 25:22 Iomraidhean Croise

Genesis 18:33

Nave Apwiya emallihalle ollota, yaamuhiya vaavo Abrahamooyo.

2 Samuele 6:2

Aatimulla ni akhoto attheene ayo aariiyena ovenyera o Baala a o Yuda wi yakuse nibokosi na echipangano na Apwiya. Nibokosinno nadduwanyeya moollikana ni nnddina nawi Apwiya Amasiva Mattheene ayo yakhalla va akerubi* wonanko va mpando woomwene.

2 Mamwene 19:15

nave aavekella wi, “Nyu Apwiya, Mulluku a Israele, munakhalla va mpandwaanyu woomwene va akerubi,* nyookhave tti Mulluku oolamulella moomwene mattheene a ellapo yavatthi. Mwaaphatusa ellapo yooddullu ni ellapo yavatthi.

1 Epilli 13:6

Nave Davide ni Aisraele attheene yaaya o Baala, o Kiriyati Yearimu o Yuda wi yakuse nibokosi na echipangano na Mulluku. Nibokosinno nadduwanyeya moollikana ni nnddina na Apwiya ayo yakhalla va akerubi* wonanko va mpando woomwene.

Masalimo 80:1

Nyu mbusa a Israele, ngiiwani nyu oyo munaahoollella athu a Yosefe wonanko mulloko wa enkhosa, nyu oyo munakhalla va akerubi* wonanko mpandwaanyu woomwene,

Masalimo 80:2

ddooniheni wa malloko a Efuremu, Benjamini ni Manase. Onihani masivaanyu, muwe wi mukivulluse.

Masalimo 90:1

Nyu Apwiya, tti mookhallamo mwahu va mibado ddittheddene.

Masalimo 99:1

Apwiya tti mwene, mitundu dda athu dditthukumelle! Ennakeraatthi variyari va akerubi,* ellapo yavatthi etikheye!

Eksodo 20:24

Mukillapelleke va nikuwa na ethaya nave vaavo muheraatthikivo mikutho ddanyu ddooshellelliha, dda eyaattano ni dda enkhosa, epuri ni eng'ombe ddanyu. Miyaano kineeroowa wi kuudaliseni va mapuro mattheene ayo kinuulleelleemini wi mukillapellekevo.

Eksodo 27:21

Aroni ni anaaye ekhariheke enyali mu musasa wamutthukumano eyo eri otte wa ekatani yootchinga nibokosi na echipangano. Vano enyaleeyo ekhareke wenko waambeella misikuwa ophiyera ohinase. Nenna nikhalle lamulo wa enthawi yoohimalla wa Aisraele ni mibado ddiwa ddittheddene.

Eksodo 30:36

Osille phaama embali emodda nave ovahullewo vang'ono ni ohiya vahoollo va nibokosi na echipangano mu musasa wootthukumanellamo ni nyuwaano. Lubani nenna wa nyuwaano nikhalle naweella wunchichi.

Eksodo 30:6

Nikuwanno onihiye vahoollo va ekatani yootchinga nibokosi na echipangano, vahoollo va yookhuneella eyo eri vaddullu va nibokosi na echipangano. Va nipuro nenna tti mvo kinaakumanekeemi ni weyaano.

Eksodo 31:18

Apwiya emallihalle ollota ni Mose vamwaangoni wa Sinai, yaamwinnya malluku meelli a echipangano ayo Mulluku mwaneena alembilleeyevo khalle ni eyaallaaye.

Eksodo 31:6

Koomutthoollattho Oholiyabu, mwaana a Ahisamaki, a nlloko na Dani. Nave athu amodda attheene eeruso kohaavaha eruso ddinchichi ddaweera erive ello eyo kuulamulalleemi.

Yesaya 37:16

“Nyu Apwiya Amasiva Mattheene, Mulluku a Israele, munakhalla vampandwaanyu woomwene va akerubi,* nyookhave tti Mulluku oolamulella moomwene mattheene a ellapo yavatthi. Mwaaphatusa ellapo yooddullu ni ellapo yavatthi.

Ezekiele 43:6

Muthoolle iimenlle vakhwipi ni miyaano, kaamwiiwa mmodda akiithanaka ovenyera mu enyumba ya Apwiya.

Levitiko 1:1

Apwiya yaariiwa mu musasa wamutthukumano yaamwiithana Mose, emulleella wi

Levitiko 16:2

Apwiya yaallota ni Mose wi, “Omulleelle mwanamunno Aroni wi ahivolloweke erive enthawi onipuroni naweellesesa ntthella na ekatani vamiitthoni va yookhuneella ya nibokosi na echipangano wi ahikhwe kaambiiwa miyaano kineerekewooneyella m'muraponi vaddullu va yookhuneelleeyo.

Numeri 17:4

Nave ekoponnddo oddihiye mu musasa wamutthukumano vahoollo va nibokosi na echipangano valle kinakumaneemi ni weyaano.

Numeri 7:89

Vano Mose avollowille mu musasa wamutthukumano wi allote ni Apwiya, aawiiwa ellotoka mawu ovenyera va yookhuneelleeyo, variyari va akerubi* va nibokosi na echipangano.

Oweeruza 20:27

Nibokosi na echipangano na Apwiya naari niri wenko mallapo yaayo.

1 Samuele 4:4

Vano yahaaruma athu oya o Shilo wookusa nibokosi na echipangano na Apwiya Amasiva Mattheene ayo enakhalla va akerubi.* Anamwani a Eli, Hofini ni Finehasi yaaya nimodda ni nibokosinne omisasani ddakhotonndde.