Eksodo 24:6 - Mawu a Mulluku

⁶ Mose aakusawo hafu a nikhame, anihella mu embale nave nikhame noohalla aaniithella vanikuwani.

Eksodo 24:6 Iomraidhean Croise

2 Mamwene 17:15

Kheyaapwatha malamulo a Apwiya ni echipangano ya Apwiya eyo yeerilliiwa ni makhollwiiwa. Kheyaapwathillettho ddoochenjeza dda Apwiya. Yaanathwara milluku ddoohikhalla ni mutteko, alliwa yaatthattuwa oohikhalla ni mutteko. Yaathwara ezisanzo dda athu a mitundu ddimodda awaatamanana naari Apwiya yaalamulalle wi eheereke moophwanaphwana ni mitundu ddennddo.

Masalimo 99:6

Mwa allupa mukuthwiiwa mwaakhalla Mose ni Aroni, Samuele aari mmodda awiithana nnddina niwa yaaninllella wa Apwiya, alliwa enawaakhulla.

Eksodo 12:22

Mukuse enthambi ya ddoomella dda hisope,* muruweye mu embale eyo muhellilleenyumo nikhame. Vano mumidde nikhamenno embali ddiraru ddene dda eferemu ya vamullakoni. Arive muthu ahikhume mpa mwaye ophiyera osiisello ohinase.

Eksodo 12:7

Vano ekusewo nikhame na enameeyo nave enimidde embali ddiraru dda eferemu ya vamullakoni wa enyumba eyo enaachelliiwamo enameeyo.

Eksodo 24:8

Vano Mose aakusa nikhame na m'mbaleninne aamiddana athwaayo nave aallota wi, “Nikhame nenna sika ninasimikiza echipangano eyo Apwiya ekeraatthihalliiwa ni nyuwaano vawuuvahani mawu mattheenaalla.”

Eksodo 29:16

Vano oyiiphe nave okuse nikhame niwa ni oniitha moowaapheella nikuwa.

Eksodo 29:20

Oyiiphe nave okusewo nikhame niwa omare va etthoka ya naaru na onnattanatta na Aroni ni va etthoka ya naaru noonnattanatta na anaaye. Omarettho va eyaalla ddiwa dduullupalli ddoonnattanatta ni va eyaalla yuullupalli ya o nnyallo noonnattanatta. Nikhame noohalla oniithelle moowaapheella nikuwa.

Yeremiya 31:32

Khekhallattho wonanko echipangano elle kakeraatthilleemi ni makhollwiiwa kaaphareelleemi muwono kaakhumiha o Iguputo. Echipangano yeeyo yaayitathilla naari kaari pwiiwa. Mi Apwiya koollota.

Levitiko 1:11

Nave ayiiphelle ompoto wa nikuwa vamiitthoni va Apwiya, vano anamwani a Aronaayo yiithe nikhame vanikuwanimvo moowaapheella.

Levitiko 1:5

Vatulli viwa ayiiphe vamiitthoni va Apwiya nave anamwani a Aroni evelleelle nikhame na eng'ombenno voowiithani moowaapheella nikuwa nno niri va mullako wa musasa wamutthukumano.

Levitiko 3:2

Muthooyo atthinddaanyere nnatta naye va muru wa eng'ombeeyo nave ayiiphelle va mullako wa musasa wamutthukumano. Vano anamwani a Aroni, evelleelle nikhame na eng'ombenno vawiithani moowaapheella nikuwa.

Levitiko 3:8

atthinddaanyere nnatta naye va muru wa enkhoseeyo nave ayiiphelle va nthato na musasa wamutthukumano. Vano anamwani a Aroni evelleelle nikhame na enkhosanno vawiithani moowaapheella nikuwa.

Levitiko 4:6

Vano atthaveye eyaallaaye munikhameni nave amidde nikhamenno otthanu ni wiilli vamiitthoni va Apwiya vahoollo va ekatani ya nipuro naweellesesa.

1 Akorinto 11:25

Emoddamoddave yeeyo, emanlle omucha buledoolle yahaavaha kapu, ellota wi, “Kapu yoolla tti echizindikiro ya echipangano yanaanweene ya Mulluku, eyo yeeriwe oweella mu nikhame naka.” Erive enthawi mwaaweeraka yeella mweereke ddiiddo mookuupuwella miyaano.

Akolose 1:20

Oweella mwa Mwaanooyo, Mulluku aheeriha ddeko ddittheddene wi ddaattanihiwe ni olliye. Mulluku aawaana murendelle oweella mu nikhame na Mwanaye vamutandani wi ddeko ddittheddene ddaattanihiwe ni olliye, vatthimva ni oddullu wene.

Aheberi 12:24

Moophiya wa Yesu namunkhoswe a echipangano yanaanweene nave moophiya o nikhame noomiddiwa nno ninalonjeza ddeko ddaphaama ohiyana ni na Abele neerelliiwa.

Aheberi 8:9

Khekhallattho wonanko echipangano elle kakeraatthilleemi ni makhollwiiwa, va nllapo kaakusalleemi ni nnatta naka, kaahollelleemi vawaakhumihani mu Iguputo. Vawi kheyaaroromelleye voothwarani echipangano nakeraatthihalleehu, nave sika nameenettho ngaawapwathille.

Aheberi 9:18

Nikhame naapharihiwattho mutteko wi echipangano yawaambeelle yaambe ophara mutteko.

Aheberi 9:19

Mose ahaalleella athu ddittheddene nnddo malamulo yallotiiwa wi yeereke. Vano aaphariha mutteko mapururu oofiira oomakellelliwa o ekopo ya hisope* wi aamidde athwaalle owaaka nibukhu na malamulonne nikhame na eng'ombe ni na epuri owaaka maaddi.

Aheberi 9:21

Mose aamiddattho nikhame musasa woollapellamo ni erive ello yapharihiwe mutteko voollapellani.

1 Petro 1:19

Koma mwahoopolliwa ni nikhame noowallamella na Khrisitu oyo aari wonanko mwaanaankhosa oohikhalla ni nipamba naari oohirakalla.

1 Petro 1:2

Mwaatthoolliwa moollikana ni yoolinga ya Mulluku Attiitthaanyu nave mwaheeriwa athu aweella ni munepaaye wi mumwiiwellelle Yesu Khrisitu ni weellihiwa ni nikhame naye. Echisomo yawaata ni murendelle munchichi ddikhalle ni nyuwaano.