Eksodo 24:4 - Mawu a Mulluku

⁴ Nave Mose aalemba mawu mattheene a Apwiya. Nave aavenya moopeha ohinase aamba omaka nikuwa museresere mwa mwaango. Nave ahiimesa malluku khumi ni meelli a malloko khumi ni meelli a Aisraele.

Eksodo 24:4 Iomraidhean Croise

Genesis 12:7

Vano Apwiya yaamooneyella Abramu emulleella wi, “Ellapo yeella kineerovaha edduullu ddawo.” Sika va nipuro nenno Abramu ahaamakella nikuwa Apwiya ayo yamooneyelle.

Genesis 28:18

Sika Yakobo aavenya osaka wene ohinase nave aakusa nlluku ahameellihalleeye murunne aniimesa wi nikhalle nlluku na yawuupuwelliha. Vano aanizoza ni makhura nllukunno.

Genesis 28:22

Nlluku na yawuupuwelliha kiimesilleeminna ninaakhalle enyumbaanyu nave miyaano kineerowinnyani yaneekhumi ya ddittheddene munaakivaheenyu.”

Genesis 31:45

Sika Yakobo ahiimesa nlluku na yawuupuwella.

1 Mamwene 11:30

Nave Ahiya aaphara mukanjwaaye awaahulla ezigamba khumi ni piilli.

1 Mamwene 18:31

Aakusa malluku khumi ni meelli moollikana ni waata wa malloko a anamwani a Yakobo oyo Apwiya yamuromonlliiwa wi Israele.

Ezara 6:17

Voopatulani enyumba ya Mullukweella, athu yaavelleella anankhoro a eng'ombe 100, anankhoro ankhosa 200 ni asaanaankhosa 400. Yaavelleellattho anankhoro a epuri khumi ni eelli okhalla mukutho woopepesella machimo wa Aisraele attheene moollikana ni echiwerengero ya malloko a Israele.

Nehemiya 10:1

Ayo yadindalle yaari enduna Nehemiya mwaana a Hakaliya ni Zedekiya.

Eksodo 17:14

Vano Apwiya yaamulleella Mose wi, “Ddenndda muddilembe munibukhuni wi dduupuwelliweke nave mullote vamiitthoni va Yoswa wi kineerothiimiha nnddina na Aamaleke.”

Eksodo 17:15

Nave Mose aamaka nikuwa aanivaha nnddina nawi, “Apwiya sika embenderaaka.”

Eksodo 21:1

“Vano waalleelle Aisraele malamulo wi,

Eksodo 24:7

Vano aakusa nibukhu na echipangano, aweerengella athwaayo mowiiweya phaama. Nave athwaayo yaallota wi, “Nineereweera ddittheddene nnddo Apwiya ellotilliiwa nave nineerowiiwellella alliwaayo.”

Eksodo 28:21

Malluku yaalla ekhalle khumi ni meelli moollikana ni malloko a Aisraele. Mallukwaayo egobiwe wonanko ezidindo, nirive nlluku nikhalle ni nnddina na nlloko nimodda.

Eksodo 34:27

Apwiya yaamulleellattho Mose wi, “Lemba mawaalla, ekaamba yawi moollikana mawu yaalla, kinnakeraatthiha echipangano ni weyaano ni Aisraele attheene.”

Yesaya 19:19

Nllapo nenno muwari mwa ellapo ya Iguputo muneerokhalla nikuwa na Apwiya nave vakhuviru ni malire vineerokhalla nlluku na yawuupuwelliha Apwiya.

Levitiko 24:5

“Mukuse makilogaramu khumi ni meelli a othu waphaama, mumwaapeye buledi khumi ni miilli.

Numeri 17:2

“Ollote ni Aisraele wi ewinnye ekopo, nirive nlloko ekopo emodda. Oohoollelliiwa attheene vamodda ewinnye ekopo khumi ni piilli moollikana ni mabanja navettho makhollwiiwa. Olembe nnddina na arive muthu va ekopwaaye

Luka 22:30

Vano muneerocha ni owirya ni miyaano mu omwenaaka nave muneerokeraatthi vampandoni woomwene wi muweeruze malloko khumi ni meelli a Israele.

Agalatiya 2:9

Yakobo, Petro ni Yohane ayo yooneya wi tti oohoollella, yaadduwella wi Mulluku aakivaha mutteko waphaama yoolla, sika yaaniphara matta miyaano ni Baranaba woonihella wi attheene naari awaattana. Nahiiwanana ni Baranaba wi naphare mutteko variyari va athu ayo ehiri Ayuda nave alliwa variyari va Ayuda.

Deuteronomo 31:9

Vano Mose aalemba lamulonno nave aawinnya allupa mukutho, anamwani a Levi, ayo yapwatha nibokosi na echipangano na Apwiya. Nave aawinnyattho oohoollella a Israele.

Yoswa 4:20

Wenko tti wulle Yoswa iimesilleeye malluku khumi ni meelli alle yaakusalliiwa o muhinje wa Yordani.

Yoswa 4:5

Nave ahaalleella wi, “Vollowani mu muhinje wa Yordanoolla vahoollo va nibokosi na Apwiya Mullukwaanyu. Arive muthu mwa nyuwaano atukhulle nlluku vanthurini, nlluku nimodda va nirive nlloko.

Yawuupullulla 21:14

Esiri ya muzindooyo yamakiwe va matthipello a malluku khumi ni meelli, mvo valembiwe manddina khumi ni meelli a amurummwa a mwaanaankhosa.