Eksodo 24:12 - Mawu a Mulluku

¹² Apwiya yaamulleella Mose wi, “Ngawa wa miyaano omwaangoni wuno nave otiyere weewuno. Kineerewuuvaha malluku ayo kilembilleemivo malamulo wi kaahuddihe athu.”

Eksodo 24:12 Iomraidhean Croise

1 Mamwene 19:11

Vaavo Apwiya yahaakhulla wi, “Khuma wiimelle vamiitthoni vaka, vamwaangoni.” Ngoonani, Apwiya yaaviravo nave ephevo yamasiva yahoopa etthalla miyaango ni opwesa malluku koma Apwiya kheyaarimo mwiiphevonimmo. Eviralle ephevo, vaamora echivomezi koma Apwiya kheyaarimottho mu echivomezimmo.

Ezara 7:10

Vawi murima wa Ezara waari va mahuddero a malamulo a Apwiya ni owiiwellella navettho wi ahuddiheke malamulo ni malangizo mu Israele.

Nehemiya 9:13

Mwaakitthella va mwaango wa Sinai, mullota ni alliwa ovenyera oddullu nave mwahaavaha malangizo, malamulo ni ehuddiho ddaphaama ni ddawoona.

Nehemiya 9:14

Mwahaahuddiha osunga Sabata naweella nave mwahaavaha malamulwaanyu oweella mwa oorumeyellaanyu Mose.

Masalimo 19:12

Ttaani anaadduwelle ddoolakwa ddaka? Nyu Apwiya, muhuwe ddoochimwa ddaka ddawiipittheya.

Eksodo 19:3

Mose aawella mwaango wi akumane ni Mulluku. Nave Apwiya aakhuwa m'mwaangonimmo amulleella wi, “Waalleelle Aisraele, edduullu dda Yakobo wi,

Eksodo 24:15

Sika Mose aawella mwaango nave mwaangooyo waakhuneelliwa ni murapo.

Eksodo 24:18

Mose aavollowa m'muraponimmo aphiya vaddullu va mwaango. Mose aakhalla wenko mallapo 40, otthaana ni mahiiyu.

Eksodo 24:2

Weyaano Mose sika onaakaatamelle koma amoddaayo ehikaatamelle. Aisraele attheene oohallaayo ehiwe omwaangoni.”

Eksodo 31:18

Apwiya emallihalle ollota ni Mose vamwaangoni wa Sinai, yaamwinnya malluku meelli a echipangano ayo Mulluku mwaneena alembilleeyevo khalle ni eyaallaaye.

Eksodo 32:1

Athu yoonille wi Mose oollekellawo omwaangoni wulle ahikitthakawo, yaatthukumana emwaapheella Aroni nave yaamulleella wi, “Noopelle mulluku awi anihoollelleke vawi khaninadduwella emweereyelle Mose, oyo anikhumihalle o Iguputo.”

Eksodo 34:1

Apwiya yaamulleellattho Mose wi, “Oseme malluku mamodda wonanko meelli akhallaalle wi kilembevo mawu alle yaari va malluku awaamba waapwesilleewaalle.

Yeremiya 31:33

Koma echipangano eyo kakeraatthihalleemi ni Aisraele attheene emanlle mallapo yaayo tti yawi kineerohiya malamulwaaka mwa alliwa nave kinaalembe m'murimani mwiwa. Vano miyaano kinaakhalle Mullukwiiwa nave alliwa enaakhalle athwaaka.

Mateyu 5:19

Vano oyo ahiniiwellella nimodda na malamulo yaalla naari lamulo ning'onong'ono navettho anaahuddiha athu amodda wi ehiiwellelleke, yooyo aneerokhalla mung'onong'ono mu omwene wa Mulluku. Koma oyo aniiwellella malamulwaalla navettho anaahuddiha athu amodda wi yiiwellelleke, aneerokhalla muullupalli mu omwene wa Mulluku.

2 Akorinto 3:3

Nyuwaano muri wonanko kalata oolembiwa ni Khrisitu oorumihiwa ni hiyaano. Khalembiwe ni inki apaalle owakiwa vamallukuni koma ni Munepa a Mulluku a Okumi m'mirimani dda athu.

2 Akorinto 3:7

Malamulo a Mose yawakiwe vamallukuni nave yawiille mwa ntitimiho. Naari owala wa ekhove ya Mose wamalliiwa, waari wamasiva wawi athu a o Israele kheyaaworille owehave va olliyooyo. Malamulo yaalla, ayo eniipha, yaarimi ewiille ni ntitimiho nenno,

Deuteronomo 4:14

Enthawi yeeyo Apwiya yaakilamula wi kuuhuddiheni malamulo ni malangizo awi mwiiwellelleke mwiillaponi munaavolloweenyumo ni waakha.”

Deuteronomo 5:22

“Apwiya yaallota mawu yaalla wa nyu attheene mwatthukumanille omwaangoni wulle moohoonjereravo ello. Alliwa yaallota ni mawu amasiva eri m'munlloni, m'muraponi owaaka mwiipiphini yawoopiha. Nave yaalemba malamulo khumaayo va malluku meelli ekinnya miyaano.”

Deuteronomo 5:31

Koma weyaano Mose okhalle wuno ni miyaano nave kineerowinnya malamulo ni malangizo mattheene. Ddittheddenenndda waahuddihe athu wi ewiiwellelleke malamulwaayo mwiillaponi eyo kinaavaheemi.’

Aheberi 9:4

Mwemmo mwaakhalla nikuwa nagolide vooheraatthella mukutho wa lubani* nave ni nibokosi na echipangano nittheene noomariwa ni golide. Nave muwari mwa nibokosinno mwaakhalla kapu a golide oyo mwahelliwe mana, ekopo ya Aroni yaphuwalle makukhweelle yaari mwemmottho navettho malluku meelli valle valembiwe malamulo a Mulluku.