Eksodo 24:10 - Mawu a Mulluku

¹⁰ nave yaamoona Mulluku a Aisraele. Vatthi va manyallwaaye vaakhalla ello yawooneya wonanko musewu woopangiwa ni nlluku na safiro noowala wonanko oddullu.

Eksodo 24:10 Iomraidhean Croise

Genesis 32:30

Yakobo aallota wi, “Koomoona Mulluku vamiitthoni ni vamiitthoni nave kookhalla ni okumi.” Sika nipuronno aaniromolla Penuwele.

Genesis 32:31

Nndduwa naari nikhumalle Yakobo atimulleeyewo o Penuwele nave eeta moottutthunya ekaamba yawi aakurukunyulliwa kasambara.

1 Mamwene 22:19

Vano Mikaya aallota wi, “Sika iwellellani mawu a Apwiya. Mi kaawoona Apwiya ekeraatthille va mpandwiiwa woomwene ni angelo attheene yiimenlle onnattanatta ni wuunyotthoni wiwa.”

2 Epilli 6:17

Sika vano, nyu Apwiya Mulluku a Israele, akhullellani wi nnddo mwaalonjezilleenyu attiitthaaka Davide oorumeyellaayu, ddikwakhwanihelliwe.

Eksodo 24:11

Mulluku khaawoonongille oohoollella a Aisraelaayo. Alliwaayo yaamoona Mulluku nave yaacha ni owirya.

Eksodo 3:6

Aavirellella ollota wi, “Mi tti Mulluku a makhollwaawo, Mulluku a Abrahamu, Mulluku a Isaki ni Mulluku a Yakobo.” Vano Mose aakhuneella ekhove woova omuweha Mulluku.

Eksodo 33:20

Apwiya yaavirellella ollota wi, “Koma khowora woona ekhovaaka, ekaamba yawi khaavo anaawore okoona miyaano ni okhalla ni okumi.”

Eksodo 33:23

Vatulli viwa kineerovenyihavo nnatta naka nave oneerokoona omutthanani koma ekhovaaka khoyoona.”

Nchipo na Solomoni 5:14

Miwono ddaye ddiri wonanko golide oohuruwelliwa, dda malluku oonyezimella. Mwiillaaye tti wonanko nnyaka na ethepo, woopotokosiwa phaama, wooreerihiwa ni malluku a safiro.

Nchipo na Solomoni 6:10

Ttaani oyo anakhuma wonanko ohinase, ooreera wonanko mweeri, oowala wonanko nndduwa, awoopiha wonanko allupa ekhoto eembendela?

Maliro 4:7

Enduna ddaye ddaari ddoowala wunchichi, ddaweella okhwaranya mukaka. Miilli ddiwa ddaari ddooreera okhwaranya malluku a rubi, ddaanooneya mooreera okhwaranya malluku a safire.

Ezekiele 1:1

Nllapo naneetthanu na mweeri waneesese muyakha wa 30 kaari variyari va akaporo a o Yuda vakhuviru ni muhinje wa Kebara. Vano oddullu waahulleya nave kahoona masomphenya a Mulluku.

Ezekiele 10:1

Kiwehille eddullu va miru dda akerubi* kahoona ello yookhalla wonanko mpando woomwene woopangiwa ni nlluku nasafiro.

Daniele 10:17

Ethiyo kinaawore mwawiidde orumeyella shisha ollota ni Apwiyaaka? Masivaaka aakimallella nave nginawora ovuma.”

Numeri 12:8

Kinnallotana vamiitthoni ni vamiitthoni mwawiiweya oohikhalla mookhuweya nave annoona ntitimiho naka. Kaambiiwa tini muhoovilleenyu omullota Mose, oorumeyellaaka?”

Mateyu 17:2

Nave Yesu aatthattuwa vamiitthoni viwa. Owiitthoni waye waanawala wonanko nndduwa nave ddoowara ddaye ddaakhalla ddaweella mbee.

Yohane 1:18

Khaavo muthu amoonille Mulluku koma mwaana mmoddave oyo arittho Mulluku nave oyo ari a vamurimani vaye sika amuupullullalle.

Yohane 14:9

Yesu ahaakhulla wi, “Kookhalla ni nyuwaano enthawi yoorekama nave khonakidduwelleve miyaano, Filipo? Oyo akoonne miyaano oowoona Attiitthaaka, vano onallotella tini wi, ‘Nooniheni Attiitthaanyu’?

Yohane 6:46

Nginallota wi, ookhallavo muthu oyo awoonille Attiitthaaka koma meeneve kavenyenre wa Mulluku sika kiwoonille.

1 Timoteo 6:16

Yooyove ari ni okumi woohimalla, anakhalla mu owala woohiphiyereya. Khaavo muthu amoonille yoolla, khaavottho muthu anaawore omoona. Wa yooyo okhalle ntitimiho ni masiva oohimalla! Amen.

1 Yohane 4:12

Khaavo muthu amoonille Mulluku. Koma naakondanaka, Mulluku annakhalla mu eyaattano ni hiyaano nave echikondaaye ndithu ennakhalla mwa hiyaano.

Yawuupullulla 1:16

Aatukhulla etheneeri dditthanu ni piilli o nnattanatta naye nave muwano mwaye mwaari nsupada nawiisha nngu ni nngu nookhumellella otte. Ekhovaaye yaari yoowala wonanko nndduwa na otthaana.

Yawuupullulla 21:11

nave waanawala ni ntitimiho na Mulluku. Owala wiwa waari wonanko nlluku noowallamella mutengo, yasipi, nawooneya wonanko nigalasi noowala.

Yawuupullulla 4:3

Ekhovaaye yaari yoowala wonanko malluku ooreera a yasipi ni sardiyo nave mpando woomwenooyo wahaapheelliwa ni mwiisherima wawooneya wonanko nlluku nooreera na emeradi.