Eksodo 23:8 - Mawu a Mulluku

⁸ Ohaakhullelle ddamukaphwani vawi nndda ddinnaweeriha athu oweeruza ohoona echilungamo nave sika mullatu onimaakhoromanella athu oohilakwa.

Eksodo 23:8 Iomraidhean Croise

Masalimo 15:5

Tti oyo ahinaakongoliha wi aakhellevo yawoonjerera, Tti oyo ahinaakhella ddamukaphwani, wi amuhooseke muthu oohilakwa. Muthu aweera ddenndda khawa atikheya.

Masalimo 26:10

ayo mattiiwa eneera ddoonanara, ayo nnattanatta niwa niddanlle ni ddamukaphwani.

Miyambo 15:27

Muthu oowaashaasha opindula moolleka annahoosa nibanja naye koma awiitana ni ddamukaphwani annakhalla ni okumi.

Miyambo 17:23

Muthu oonanara annaakhella ddamukaphwani wi akhoromanihe echilungamo.

Miyambo 17:8

Ddamukaphwani ddiri wonanko murete wa ekari wa muthu oyo anaddeera vawi aweerooyo erive ello ennamweetella phaama.

Miyambo 19:4

Muthu eeyuuma annakhalla ni akhwaaye anchichi koma oohoowa annathawiwa ni mukhwaaye.

Oollalleya 7:7

Ddawoona, waanyingallella amodda onnamukarangeyiha muthu eezeru nave waakhella ddamukaphwani onnoononga oganiza phaama.

Yesaya 1:13

Muhiweenattho mikutho ddoohikhalla ni mutteko vawi naari mwiisi wa lubani* onnakinanara. Ngivillellana mitthukumano ddanyu ddamavekello apaalle Ehakallallo dda Wooneya wa Mweeri ni dda mallapwaanyu a Sabata. Ngivillella ni mitthukumano ddoonanarihiwa ni machimo.

Yesaya 1:23

Oohoollellaawo ennawukila nave enniiwanana ni allupaawiiya. Arive muthu annaakhella ddamukaphwani nave annathamakella emphaso. Khanaateteza akhwaadduni nave khanapwatha millatu dda anaamukhwelle.

Yesaya 33:15

Anaawore weera ddennddo tti yooyove aneera ddoolungama ni ollota ddawoona, oyo ananariwa ni eyuuma yoophwanya mwawoottottha, oyo anattattha mattaaye wi ahaakhelle ddamukaphwani, oyo anatiyella maarwaaye wi ahiiwe mawu awiiwanana ddoowiipha amodda navettho oyo anaminyalla wi ahoone ddoonanara.

Yesaya 5:22

Otulli wa athu oolezela ayo enahiya murimiiwa va ottheka, ayo ehinoova naari vang'ono ottakanyihera ddoowirya ddoowalli.

Yesaya 5:23

Otulli wa athu ayo enamulungamiha muthu oochimwa ekaamba ya ddamukaphwani nave enananariha mullatu wa muthu oohichimwa.

Ezekiele 22:12

Mwa weyaano mookhalla amodda awaakhella ddamukaphwani wi ewiiphe athu akhwiiwa, amodda ennaakhella ddawoonjerera wi epindule ni nnddo enakongolihiiwa. Attheenaayo aakitiwalla miyaano. Mi Apwiya Mulluku koollota.

Hoseya 4:18

Yalezela wunchichi ennararuwa. Ennaddivelliwa ddoowulliha muru okhwaranya oriiheya wiwa.

Amosi 5:12

Mi kinnadduwella waata wa machimwaanyu, wunnuwa wa ddoolakwa ddanyu. Nyu tti adani a athu oolungama, munnaakhella ddamukaphwani, munnavirikaniha millatu dda oohoowa.

Mika 7:3

Alliwa tti eeruso vaweerani ddoonanara. Enduna ni aweeruza eneetella ddamukaphwani nave oohoollella enaalleella ddoonanara nnddo enapaalliiwa weera. Sika enalakwella nimodda.

Deuteronomo 10:17

Vawi Apwiya Mullukwaanyu tti ookhwaranya milluku ddittheddene navettho tti owaakhwaranya apwiya attheene. Alliwa tti uullupalli, amasiva ni awoopiha, khenaweha ekhove nave khenaakhella ddamukaphwani.

Deuteronomo 16:19

Eheeruzeke moohollosa apaalle mooweha ekhove. Ehaakhelleke ddamukaphwani kaambiiwa ddamukaphwani ddinnaripiha miittho a athu eezeru nave ddinnaahollosa eyano dda oolungama vaweeruzani.

1 Samuele 12:3

Kuukoheni apaalle yookhallavo eyo kichimwalleemi wa nyuwaano? Yaarivo kiivaanyiheni vamiitthoni va Apwiya ni va mwenaanyu oozoziwa.* Ethiyo ttaani kamwaakhillekeemivo eng'ombe? Ttaani kamwaakhillekeemivo bulu? Ttaani kamoottotthillekeemivo apaalle omuhoosa. Ethiyo kaakhenlle ddamukaphwani ddawani wi mullatwaaye weete phaama? Oyo anaavelleelle omboni wawoona, kineeromuhokollosella ddittheddene kakusalleemi.”

1 Samuele 8:3

Koma anamwanaalla kheyaarina makhallello aphaama wonanko a attiitthiiwa. Yaanahapuwella o ddoonanara, enathwara opindula. Yaanaakhella ddamukaphwani, yaaneeruza millatu mookhoromaniha.