Eksodo 23:7 - Mawu a Mulluku

⁷ Orekamellane ddawoottha. Ohimwiiphe muthu oohilakwa ni oolungama vawi miyaano ngimukhululukella muthu awiipha.

Eksodo 23:7 Iomraidhean Croise

Genesis 18:23

Enthawi yeeyo Abrahamu aawaatamella Apwiya nave aakoha wi, “Ethiyo wiiddiiddonko muneerewoononga athu oolungama ni oohilungama?

Yobu 22:23

Ohokollweelle mwawiiyeviha wa Amasiva Mattheene, ddoohilungama ddirekamellane ni enyumbaawo.

Masalimo 119:29

Muhikeetihe mu ettilla ddookhoromana, mukeerelle echifundo vookihuddihani malamulwaanyu.

Masalimo 94:21

Aatthukumanella okumi wa oolungama, enakamulla wi oohikhalla ni mullatu yiiphiwe.

Eksodo 20:13

“Ohiiphe.

Eksodo 20:16

“Ohivelleelle omboni woomootthera mukhwaawo.

Eksodo 23:1

“Ohinamoottheraka muthu mmodda. Ohilloteke omboni wawoottha nave ohimukavihereke muthu oolakwa voovelleellani omboni wawoottha.

Eksodo 34:7

Alliwa tti eechikondi wa mibado ddooheerengeya nave tti ookhululukella ddoolakwa, ddoonanara ni machimo. Koma tti oohihiyerera oochimwa nave ennaallaka anamwani ni edduullu ekaamba ya machimo a makhollwiiwa ophiyera mbado waneeraru ni waneesese.”

Miyambo 11:21

Ddawoona, oonanara khevulluwa o ollaka koma athu oolungama eneerovullusiwa.

Miyambo 17:15

Ookamulla mullatu wa muthu oonanara wi khalakwille annaananara Apwiya emoddamoddave yeeyo anamweera muthu oolungama wi oolakwa.

Yesaya 33:15

Anaawore weera ddennddo tti yooyove aneera ddoolungama ni ollota ddawoona, oyo ananariwa ni eyuuma yoophwanya mwawoottottha, oyo anattattha mattaaye wi ahaakhelle ddamukaphwani, oyo anatiyella maarwaaye wi ahiiwe mawu awiiwanana ddoowiipha amodda navettho oyo anaminyalla wi ahoone ddoonanara.

Yesaya 5:20

Otulli wa athu ayo enaddeesa ddoonanara wi tti ddaphaama nave ddaphaama wi tti ddoonanara, ayo eneesa epiphi wi tti owala nave owala wi tti epiphi ayo eneesa ddoowaawa wi tti ddooddiva nave ddooddiva wi tti ddoowaawa.

Levitiko 19:11

“Muhiiye, muhilleke nave muhootthe.

Levitiko 19:16

Muhinakhallaka nawunawu. Nave muthu mmodda akhalla ni mullatu muvelleelleke omboni wawoona wi mumukavihere wakhalla wooworeya. Mi tti Apwiya.

Nahumu 1:3

Apwiya tti oohisha murima mwawaakuva tti amasiva manchichi komave khenaakhullella wi oochimwa ahillakiwe. Vaweeta viwa vinnoopa namangalle ni ephevo yawoopiha, mirapo ddiri wonanko nthupi na manyallwiiwa.

Luka 3:14

Akhoto amodda yaamukohattho wi, “Hi neereke tini?” Nave ahaakhulla wi, “Muhaakheke ddeko dda athu moowoopopiha apaalle moowootthera, mukwakhwanihiweke ni mallivellwaanyu.”

Aroma 1:18

Ovenyera oddullu Mulluku ohuupullulla osha murima waye va ddoonanara ni ddoochimwa ddittheddene dda athu. Ddoonanara ddiwannddo ddinneeriha wi yawoona ehooneye.

Aefeso 4:25

Vano muhiye woottha! Arive muthu a nyuwaano anaphwanella alloteke ddawoona ni mukhwaaye kaambiiwa hiyaano vamodda niri eziwalo dda mwiilli wa Khrisitu.

Deuteronomo 25:1

“Vakhalla okangana variyari va athu nave alliwaayo yaya o nthato namillatu wi yeeruziwe, aweeruzaayo ekamulleke wi olla khalakwille nave olla oolakwa.

Deuteronomo 27:25

“Atembeleliwe arive muthu awaakhella ddamukaphwani wi amwiiphe muthu oohilakwa. “Nave athu attheene yaakhulle wi, ‘Amen!’

1 Atesalonika 5:22

Nave muheereke erive yoonanara.