Eksodo 23:31 - Mawu a Mulluku

³¹ Kineerokeraatthiha ellapwaanyu ovenyera o Enyanja Yoofiira ophiya o enyanja ya Afilisti navettho ovenyera o echipululu ophiya o muhinje wa Yufurate. Kineeroweerihani wi mwaagonjihe athu ookhalla mu ellapweeyo nave muneerowiikariha.

Eksodo 23:31 Iomraidhean Croise

Genesis 15:18

Nllapo nenno Apwiya yaapangana ni Abramu. Yaallota wi, “Kinimalonjeza wi kineeroddivaha edduullu ddawo ellapo ettheeneella ovenyera o muhinje wa o Iguputo ophiyera o muhinje muullupalli wa Yufurate.

1 Mamwene 11:2

Ahaatthella naari Apwiya yaalamulalle Aisraele attheene wi ehitthellaneke ni athu yaalla kaambiiwa yeerewaarukunusa murima wi ellapelleke milluku ddiwa. Koma Solomoni aavirellellave waakonda atthiyana yaalla

1 Mamwene 20:13

Enthawi yeeyo namallotella mmodda aawa wa Ahabu, mwene a o Israele, amulleella mawu a Apwiya wi, “Ethiyo onnoona mulloko wakhotoolla? Ngoona, kineerovelleella mullokoolla m'mattani mwawo ollello vaava. Nave oneerodduwella wi mi tti Apwiya.”

1 Mamwene 4:21

Solomoni aanalamulella moomwene mattheene ovenyera o muhinje wa Yufurate ophiya o ellapo ya Afilisti, o malire a Iguputo. Moomwene mattheene yaanakhoma misonkho ni omurumeyella Solomoni mallapo mattheene a okumaaye.

1 Mamwene 4:24

Mwene Solomoni alamulella echigawo ettheene ya embali ya woovollowa nndduwa ya muhinje wa Yufurate ovenyera o Tifisa ophiya o Gaza nave echigawo ettheeneeyo yaari ya murendelle.

1 Mamwene 8:65

Sika enthawi yeeyo Solomoni aakeraatthiha ehakallallo vamodda ni Aisraele attheene. Waari mutthukumano muullupalli ovenyera woovollowella wa Hamati ophiya o ntapo na Iguputo. Ehakallallweella yaari yowaatitimiha Apwiya Mullukwaahu mallapo matthanu ni meelli.

2 Epilli 9:26

Vano aalamulella mamwene mattheene waambeella o Yufurate ophiya o ellapo ya Afilisti ni omalireni a Iguputo.

Masalimo 72:8

Aneerekolamulella ovenyera o enyanja emodda ophiya o enyanja emodda, ovenyerattho o muhinje ophiya o makomello wa ellapo yavatthi.

Numeri 21:34

Koma Apwiya yaamulleella Mose wi, “Ohinoova. Koomuvelleella m'mattani mwawo vamodda ni athwaaye navettho ellapwaaye. Nave omweerelle nnddo wamweerelleewe Sihoni, mwene a Aamori oyo akhalla o Heshiboni.”

Numeri 34:2

aalamule Aisraele nave aalleelle wi, “Muhanlle vang'ono ovollowa mu ellapo ya Kanani. Ellapo yeeyo enaakhalle yoohallanaanyu nave maliriiwa tti,

Deuteronomo 1:7

Timullani muye o ellapo yamiyaango ya Aamori ni otthewene nko onakhalla akhwiiwa a Aamoraayo monga o ntapo na Araba, o miyaango ni o ntapo, ohito ni omwera, mukhwipi mwa Enyanja Yuullupalli, o ellapo ya Akanani ni Alebanoni ophiya o muhinje muullupalli wa Yufurate.

Deuteronomo 1:8

Ettheeneella sika ellapo eyo kinayivelleelleemi wa nyuwaano. Muvollowe ni waakha ellapo eyo mi Apwiya Mullukwaanyu kallupenlleemi wi kineerewaavaha makhollwaanyu, Abrahamu, Isaki ni Yakobo ni edduullu ddiwa ddittheddene.’ ”

Deuteronomo 11:24

Virive veko vinaanyingalle nnyallo nanyu vinaakhalle vaanyu. Ellapwaanyu enaambeelle o echipululu omwera, ophiya o mwaango wa Lebanoni ompoto navettho waambeella o muhinje wa Yufurate wookhuma nndduwa, ophiya o Enyanja Yuullupalli woovollowa nndduwa.

Deuteronomo 2:33

Koma Apwiya Mullukwaahu yaamuvelleella m'mattani mwahu nave naamugonjiha olliye ni anaaye vamodda ni athwaaye.

Deuteronomo 2:36

Ovenyera o muzinda wa Aroere oyo ori mukhwipi mwa ntapo na Arinoni navettho ovenyera o muzinda oyo ori muntaponimmo ophiya o Giliyadi khewaarivo muzinda wa mipanda ddoorekama naari mmodda oyo nahiwukumullalleehu. Apwiya yaavelleella m'mattani mwahu mizinda ddittheddene.

Deuteronomo 20:16

“Koma mwaakha mizinda nnddo ddiri mu ellapo eyo Apwiya Mullukwaanyu enuuvaheewani wi ekhalle wonanko yoohallanaanyu, mumwiiphe arive muthu.

Deuteronomo 3:2

Koma Apwiya yaakilleella wi, ‘Ohinoova. Koomuvelleella m'mattani mwawo vamodda ni athwaaye navettho ellapwaaye. Nave omweerelle nnddo wamweerelleewe Sihoni mwene a Aamori oyo akhalla o Heshiboni.’

Deuteronomo 6:19

Nave muneerowiikariha adanaanyu moollikana ni mmo Apwiya yalonjezelliiwa.

Deuteronomo 9:3

Koma ollello mudduwelle wi Apwiya Mullukwaanyu sika anuuhoollelleni wonanko munllo wooshellelliha. Eneerewaagonjiha attheene vamiitthoni vanyu ophiyera muneerowiikariha ni waatthollosa mwawaakuva moollikana ni mmo Apwiya yalonjezelliiwa.

Yoswa 1:4

Ovenyera o echipululu, omwera ophiya o miyaango dda Lebanoni, ompoto ovenyerattho o muhinje muullupalli wa Yufurate wookhuma nndduwa ophiya o Enyanja Yuullupalli woovollowa nndduwa ni ellapo ettheene ya Ahiti enaakhalle ellapwaanyu.

Yoswa 10:19

Koma nyu muhiimelle, wiikarihekeni adanaayo nave muwiipheke oohalla mutulli. Muhaakhullelle wi yaphiye omizindani ddiwa. Apwiya Mullukwaanyu ahaavelleella m'mattani mwanyu”

Yoswa 10:8

Nave Apwiya yaamulleella Yoswa wi, “Ohiwoove vawi kohaavelleella m'mattani mwawo khaavo naari mmodda oyo anaawore ollipana ni weyaano.”

Yoswa 13:6

Vookhallattho ellapo ya Asidoni ayo yakhalla mu echigawo yamiyaango ya Lebanoni ni ya Misirefoti Maimu. Athu attheenaayo mi Mulluku kineerowiikariha vamiitthoni va Aisraele. Waakawelle Aisraele ellapo yeella wi ekhalle yoohallaniiwa moollikana ni mmo kuulamulalleemi.

Yoswa 2:24

Yaamulleella Yoswa wi, “Hi noosimikiza wi Apwiya aanivaha ellapo ettheene. Athu attheene wenko mirima ddiwa ddinnoova.”

Yoswa 21:44

Apwiya yahaavaha murendelle variyari va athu amodda attheene oowaapheella moollikana ni nnddo yallupellelliiwa wa makhollwiiwa. Khaavo naari muthu mmodda mwa adaniiwaayo oyo awonre waagonjiha, Apwiya yahaavelleella adaniiwa m'mattani mwiwa.

Yoswa 23:14

“Vano miyaano enthawaaka yookwakhwana wi kikhwe. Arive muthu a nyuwaano annadduwella phaama ddene m'murimani mwaye nave m'munepani mwaye wi Apwiya Mullukwaanyu, ahuuvahani ddeko ddaphaama nnddo yalonjezilliiwa. Ddittheddene nnddo yalonjezilliiwa ddoheereya. Kheyiivo naari emodda eyo yalonjezilliiwa eheereyille.

Yoswa 24:11

Mwaallapuwa muhinje wa Yordani mwaphiya o Yeriko. Athu a o Yeriko yaawana ni nyuwaano, owaaka Aamori, Aperezi, Akanani, Ahiti, Agirigashi, Ahivi ni Ayebusi nave kahaavelleella m'matani mwanyu.

Yoswa 24:12

Tti miyaano karumihalle ddoollumanndde wi ddaahoose mamwene Aamoraalle nave attheenaayo yahiikarihiwa vamiitthoni vanyu. Khehiyo masupadaanyu apaalle miira ddanyu ddeerihalle ddenndda.

Yoswa 24:18

Hiyaano naphiyeehu, Apwiya yaawiikariha athu attheene naari Aamori ayo yakhalla mwiillaponimmu. Sika ekaambiiwa hiyaano ninaawarumeyelleke Apwiya vawi tti Mullukwaahu.”

Yoswa 24:8

“ ‘Vano kahuuphiyihani mu ellapo ya Aamori, ayo yakhalla okhopella wa muhinje wa Yordani. Alliwaayo yaallipana ni nyuwaano koma miyaano kahaavelleella m'mattani mwanyu nave mwahaakha ellapwiiwa kaambiiwa miyaano kaawoononga nyuwaano mwaphiyeenyu.

Yoswa 8:18

Vano Apwiya yaamulleella Yoswa wi, “Tthoonyiha nivaka nawo o Ai. Muzindoolla kohuuvaha.” Yoswa aatthoonyiha nivaka o muzindooyo.

Yoswa 8:7

Vano mutthupulluwe nko munaawiipittheenyu nave mwaakhe muzindooyo. Apwiya Mullukwaanyu, eneerewuuvahani muzindooyo.

Yoswa 9:7

Koma Aisraele yaawaakhulla Ahivi wi, “Apaalle owaninyu tti mukhuviru mwemmu. Vano ninaapangane mwawiidde?”

Oweeruza 1:4

Attheenaayo yaayaawo nave Apwiya yahaakavihera waagonjiha Akanani ni Aperezi nave athu ayo yagonjihiwe va Bezeki yaari 10,000.

Oweeruza 11:21

Koma Apwiya Mulluku a Israele yaamuvelleella Sihoni ni Athwaaye m'mattani mwa Aisraele. Sika Aisraele yahaakha echigawo ettheene ya ellapo ya Aamori ayo yakhalla mu ellapweeyo.

1 Samuele 23:4

Vano Davide aavekattho ezeru wa Apwiya nave yaamwaakhulla wi, “Timulla, oye o Keila, kineerewaavelleella Afilistaayo m'mattani mwawo.”