Eksodo 23:22 - Mawu a Mulluku

²² Koma mwamwiiwella olliyooyo ni weera ddittheddene kinaalloteemi, miyaano kineerewiitana ni adanaanyu nave kineerewaagonjiha attheene ayo enuuvaanyihekeni.

Eksodo 23:22 Iomraidhean Croise

Genesis 12:3

Kineerewaadalisa attheene enuudalisa weyaano, koma kineeromutembelela arive muthu anuutembelela weyaano. Oweella mwa weyaano mitundu ddittheddene dda va ellapo yavatthi ddineerodalisiwa.”

Masalimo 35:1

Nyu Apwiya, mullipanena athu oollipana ni miyaano, muwane ni athu oowana ni miyaano.

Eksodo 15:16

Attheenaayo ennoova wunchichi. Ekaamba ya masivaanyu muullupalli, alliwaayo eri ellapo tuu wonanko nlluku, ophiyera athwaanyu, nyu Apwiya, eviralle, athu mwawooponlleenyu wuukaporoni.

Yeremiya 30:20

Aniiwa eneerokhallattho wonanko yakhallelliiwa khalle, mutthukumano muttheene kineerowukeraatthiha kineerewaallaka attheene awaahoosa.

Zekariya 2:8

Vawi arive muthu anuurontthani anaronttha m'mwiitthoni mwaka.” Sika Apwiya Amasiva Mattheene aakirumiha wi kaddilleelle mitundu dda athu nnddo ddawaakhille athwiiwa wi,

Numeri 24:8

Mulluku ahaakhumiha mu Iguputo. Okhalla ni masiva wonanko enari. Aneerewiipha mitundu dda adanaaye, aneeropwesa makhuviiwa, aneerewaaphovolla ni mipaamba ddaye.

Numeri 24:9

Israele ahiitta akonaatthi vatthi wonanko mukango, waamullopwana apaalle waamutthiyana. Ethiyo anaamuvenyihe ttaani? Oodala tti muthu oyo anuudalise ootembeleliwa tti muthu oyo anuutembelele.”

Deuteronomo 28:1

“Mwiiwellella mawu a Apwiya Mullukwaanyu ni othwara moororomelleya malamulo mattheene ayo kinawinnyeemini ollellova, Apwiya Mullukwaanyu eneerewuuwellihani okhwaranya mitundu ddimodda ddittheddene dda va ellapo yavatthi.

Deuteronomo 30:7

Koma Apwiya Mullukwaanyu eneeromorihella matembelelo mattheene va adanaanyu ayo yuuhoosani.

2 Atesalonika 1:6

Mulluku tti oolungama ndithu, aneerewaallaka ayo enuuhoosani.

Yoswa 9:7

Koma Aisraele yaawaakhulla Ahivi wi, “Apaalle owaninyu tti mukhuviru mwemmu. Vano ninaapangane mwawiidde?”