Eksodo 23:21 - Mawu a Mulluku

²¹ Mumwiiwelle olliyooyo nave mwiiwesese nnddo anaalloteeye. Muhimuwukile vawi khawa uukhululukellakani nichimo nawi ddiidda vawi masivaaka eri mwa olliyooyo.

Eksodo 23:21 Iomraidhean Croise

Masalimo 2:12

Mukokhorelleni moomugonjella mwanaye, wi ahuunanariwelleni, wi muhoonongeye, vawi khanallekella osha murima. Oodalisiwa tti ayo enathawella wa olliye.

Masalimo 72:19

Nnddina niwa nootitimiheya nidaliseye wa enthawi yoohimalla, otitimiheya wiwa oddalle ellapo yavatthi ettheene. Amen! Amen!

Masalimo 78:40

Wiilliwiilli yaanamuwukila muchipululuni, enammoriha ethakaraka.

Masalimo 78:56

Koma Aisraele yaamweesa, yaamuwukila Mulluku Amasiva Mattheene, kheyaasungalle malamulwaaye.

Masalimo 83:18

Edduwelle wi nyeeneve, nnddina nanyu tti Apwiya Amasiva Mattheene oolamulella ellapo yavatthi ettheene.

Eksodo 3:14

Mulluku aamulleella wi, “Nnddina naka tti MI TTI MIYAANO. Sika waalleelle Aisraelaayo wi MI TTI MIYAANO ookirumiha wa nyuwaano.”

Eksodo 32:34

Vano khawe waahoollelle athu onipuroni nko kuulleelleemi. Upuwella wi mungelwaaka sika anuuhoollelle koma nllapo ninimawa nno kinawaallakeemi ekaamba ya machimwiiwa.”

Eksodo 6:3

Kahooneyella wa Abrahamu, wa Isaki ni wa Yakobo wonanko Mulluku Amasiva Mattheene koma ngaawaalleelle nnddina naka wi tti Apwiya.

Yesaya 42:8

Mi tti Apwiya, nnddina naka tti nenno khaavo kinakawaneemina ntitimiho naka nginakawana ntitimiho naka ni mafano.

Yesaya 45:6

Kineereweera ddenndda wi ovenyera wookhuma nndduwa ophiyera woovollowa nndduwa arive muthu adduwelle wi khaavo mmodda koma miyaanove. Mi sika Apwiya, khaavottho mmodda.

Yesaya 57:15

Muullupalli ni Amasiva Mattheene oyo arivo enthawi ddittheddene nave nnddina naye tti Aweella anallota wi, “Kinakhalla va nipuro navaddullu ni naweella, kinnakhallattho vamodda ni athu awiiyeviha ni oolapa wi killipihe munepa wa awiiyeviha ni ohihimulla murima wa oolapaayo.

Yesaya 7:14

Ekaamba ya yeella Apwiya weekhiiwa eneerewuuvahani echizindikiro. Ngoonani, namwalli aneerokhalla ni erukullu nave aneeromuyara mwaana aamullopwana nave aneeromuvaha nnddina nawi Imanuwele.

Yesaya 9:5

Ddawoona, erive esapato ya muthu akhoto ni erive yoowara yoomorelliwa nikhame, ddineerokharihiwa wonanko ekhuni.

Yesaya 9:6

Vawi mwaana ooniyariwella! Noovahiwa mwaana aamullopwana! Olamulello onaakhalle m'mattani mwaye, aneerovahiwa nnddina nawi Oolangiza Oottikhiniha, Mulluku Amasiva, Attiitthi Eenthawi Yoohimalla, Mwene amurendelle.

Yeremiya 23:6

Va enthawi yoomwenaaye, Yuda aneerovulluwa nave Israele aneerokhalla vamurendelleni. Mwenooyo anaaromolliweke wi ‘Apwiya sika echilungamwaahu.’

Yeremiya 5:7

Apwiya enallota wi, “Kinuukhululukelleni mwawiidde? Aniinyu yookihiya miyaano, enallepella wa milluku ddawoottha. Miyaano kahaavaha ddoopaalla ddiwa ddittheddene komave yaaddivelliwa oraruwa, yatthukumana mu enyumba dda mahule.

Malaki 3:1

Apwiya Amasiva Mattheene enallota wi, “Ngoonani, kineeromuruma amithengaaka wi akipotokoselle ettilla. Sika Apwiya munawaashaasheenyu eneerophiya o enyumbiiwa moorurumusa. Amithenga a echipangano oyo munahakallalleenyuna aneeroowa. Mi Apwiya Amasiva Mattheene koollota.

Numeri 14:11

Apwiya yaamukoha Mose wi, “Ethiyo athu yaalla enaahiye niini okivevulla? Nave enaahiye niini ohikikhulupilila naari yoonille ezizindikiro nnddo keerilleemi vamiitthoni viwa?

Numeri 14:35

Mi Apwiya koollota. Ddenndda kineereweera wa athu oonanara alla etthukumanne wi ekiinyullulle. Enaakhwelle mu echipululu mwemmu nave enaamallelle mwemmu.”

Mateyu 1:23

“Namwalli aneerokhalla ni erukullu nave aneeromuyara mwaana aamullopwana. Athu eneerekomuromolla wi Imanuele ottaphullella wi Mulluku ari ni hiyaano.”

Mateyu 17:5

Allotaka ddiiddo, waawa murapo woowala waakhuneella ni muuthuuchiiwa nave mawu oovenyera m'muraponimmo yaallota wi, “Olla sika Mwanaka ookondiwa, kinnahakallallana wunchichi mwiiwellelleni.”

Yohane 10:30

Miyaano ni Attiitthaaka niri amodda.”

Yohane 10:38

Koma kaarimi keeraka mitteko ddoovenyera wa Attiitthaaka naari muhikikhulupililaka, mukhulupilileke mitteko ddaka wi mudduwelle ni wiiwesesa wi Attiitthaaka eri mwa miyaano nave miyaano kiri mwa Attiitthaaka.”

Yohane 5:23

wi attheene yakititimihe miyaano emoddamoddave yeeyo enaatitimiheriiwa Attiitthaaka. Oohikititimiha miyaano khenaatitimiha Attiitthaaka ayo yaakirumalle.

Aefeso 4:30

Nave muhikhupanyiheke Munepa Waweella vawi Munepooyo tti echizindikiro yawi nyuwaano tti aaye a Mulluku, osimikiza wi nllapo nineerokwakhwana nawi Mulluku aneerewuuttaphullani.

Deuteronomo 18:19

Olliye anaalloteke mu nnddina naka nave miyaano kineeromullaka arive muthu oohiiwellella mawaaka.

Deuteronomo 9:7

“Upuwellani nave muhitiwalle mulle mwaashihelleenyu murima Apwiya Mullukwaanyu muchipululuni. Ovenyera nllapo nne mwakhumalleenyu mu Iguputo ophiyera nllapo nno mwaphiyalleenyu wuno mookhalla mwaawukila Apwiya Mullukwaanyu.

Akolose 2:9

Vawi makhallello mattheene a Mulluku enakhalla mwa mwiilli wa Khrisitu,

Aheberi 12:25

Chenjerani vano wi muhikhoote omwiiwellella oyo anallota ni nyuwaano. Athu ayo yakhootille omwiiwellellaalle oyo aachenjezilleeye vatthi vaava kheyaavulluwalle. Hiyaano ninaavulluwe mwawiidde nakhoota omwiiwellella oyo anallota ovenyera oddullu.

Aheberi 3:16

Ttaani athu ayo yiiwalle mawu a Mulluku koma emuwukila olliye? Attheene ayo yakhumalle o Iguputo ehoollelliwe ni Mose.

Yoswa 24:19

Yoswa ahaalleella athwaayo wi, “Mwaamodda nyuwaano khamuwora waarumeyella Apwiya kaambiiwa tti Mulluku aweella nave eehache. Khuuhiyani wi mumuwukileke nave mumuchimwelleke.

1 Yohane 5:16

Mwamoona mwanamunninyu apaalle murokorinyu eeraka machimo oohimukusella wookhwa, mumuvekelle wa Mulluku, sika wi amuvahe okumi. Alla tti yaayove machimwiiwa ehinaakusella wookhwa. Koma vookhalla machimo ookusella wookhwa nave nginallota wi mwavekelle wa Mulluku ekaamba ya yaayo.

Yawuupullulla 1:8

“Mi tti awaambeella ni oomallihella,” eni ddiiddo Apwiya Mulluku Amasiva Mattheene ayo erivo ollello, yaarivo khalle ni oyo enawa muhoollo.

Yawuupullulla 2:23

Kineerowiiphattho oomuthwaraaye wi mipingo ddittheddene ddidduwelle wi miyaano kinnadduwella maganizo ni mirima dda arive muthu. Nave kineeromuthuva arive muthu moollikana ni mitteko ddaye.

Yawuupullulla 2:8

“Omulembelle oohoollella a mpingo wa o Smurina wi, “Alla sika mawu oovenyera wa oyo ari awaambeella ni oomallihella, oyo akhwille koma vano ookhallattho mukumi awi,

Yawuupullulla 3:7

“Omulembelle oohoollella a mpingo wa o Filadelfiya wi, “Alla sika mawu oovenyera wa oyo ari aweella ni awoona, oyo arina makiiyi a olamulello a Davide nave ahulla nchiwi khaavo muthu anaawore owalla navettho awalla khaavo muthu anaawore ohulla awi,

Oweeruza 13:18

Mungelo a Apwiya aamukoha Manowa wi kaambiiwa tini munapaalleenyu wi mudduwelle nnddina naka? Tti nnddina noottikhiniha.”