Eksodo 23:18 - Mawu a Mulluku

¹⁸ “Waavelleellaka mukutho wa enama wa miyaano, ohivelleelleke ni buledi ookhalla ni yisiti nave makhura a enama yoovelleella va nllapo naka na ehakallallo ehisungiwe ophiyera ohinase.

Eksodo 23:18 Iomraidhean Croise

Eksodo 12:10

Muhihiyewo erive ello ya enameeyo ophiyera ohinase koma ello emodda yahalla muyishellellihe.

Eksodo 12:15

Vano Apwiya yaallota wi, “Mumucheke buledi oohikhalla ni yisiti wa mallapo matthanu ni meelli. Va nllapo nawaamba mumuvenyiheke yisiti muttheene mu enyumba ddanyu vawi arive muthu oyo anaamuche buledi ookhalla ni yisiti va mallapo matthanu ni meellaalla aneerovenyihiwa variyari va Aisraele.

Eksodo 12:8

Eyoose enameeyo mahiiyu vaavo nave eyiche ni buledi oohikhalla ni yisiti ni matthaapa amakukhu oowaawa.

Eksodo 16:19

Mose ahaalleella wi, “Ahikhallevo anaasunge erive ello ophiyera ohinase.”

Eksodo 29:34

Enama yaahalla apaalle buledi ahalla ophiyera ohinase omushellellihe. Ehichiwe kaambiiwa tti yoopatuleya.

Eksodo 34:25

“Mwaavelleellaka mukutho wa enama wa miyaano, muhivelleelleke ni buledi ookhalla ni yisiti. Erive enama yaawiiphella mukutho wa Paska, muhiyisunge ophiyera ohinase.

Levitiko 2:11

“Mukutho wa othu oyo onaavelleelleewe wa Apwiya ohikhalle ni yisiti vawi khewawaakhullelliwa ovelleella wa Apwiya mukutho wawoosiwa viikho oyo ori ni yisiti apaalle enwi.

Levitiko 7:12

muthu aavelleellaka ekaamba yoopaalla othokoza ni enama ya mukutho wa eyaattano aweena buledi oohikhalla ni yisiti oottakanyihera ni makhura owaaka buledi oohikhalla ni yisiti, ooshashaalla, oomara makhura navettho buledi a othu waphaama ooruweyiwa phaama mumakhurani.

Levitiko 7:15

Enama yoohalla ya mukutho wa eyaattano woothokozerooyo ayiche va nllapo noovelleella mukuthooyo. Ahinayisunga naari vang'ono ophiyera osiisello ohinase.

Deuteronomo 16:4

Va mallapo matthanu ni meelli arive muthu ahiphwanyeyeke ni yisiti mpa mwaye mu ellapwaanyu. Enama eyo muyivelleelleenyu mukutho misikuwa a nllapo nawaamba muyicheke mahiiyu yaayo muhiyisungeke ophiyera ohinase.