Eksodo 23:13 - Mawu a Mulluku

¹³ “Wiiwesese ddittheddene kuulleelleminndda. Ohiddillapelleke milluku ddimodda nave ohiromollekettho ni manddiniiwa.

Eksodo 23:13 Iomraidhean Croise

Masalimo 16:4

Koma ayo enatthoolla milluku ddimodda, ennaddoonjereriha ddookatamiha. Ngihellana mikutho ddiwa ddoowirya dda nikhame, ngiromollana manddina a milluku ddiwannddo.

Masalimo 39:1

Kaallota wi, “Kineeropwatha ddaweera ddaka wi kihichimwe voollotani. Kineerowalla vayanoni vaka enthawi ettheene athu oonanara yakhalla ni miyaano.

Eksodo 23:24

Sika muhiddikokhorelle milluku ddiwa apaalle oddillapella. Muheerekena nnddo eneeresa athu yaayo. Moonongelleetu milluku ddiwa navettho mwakumulle apotwiiwa oollapellavo.

Eksodo 23:32

Muheerena echipangano alliwaayo naarittho milluku ddiwa.

Yeremiya 10:11

Athwaayo mwaalleelle wi milluku nnddo ddahiphatusalle ellapo yooddullu ni yavatthi ddineerotthollowa va ellapo yavatthi ni vatthi va eddullu.

Hoseya 2:17

Kineeromuhiiha oromollattho manddina a Abaala nave manddiniiwa kheromolliwaka voollapellani.

Zekariya 13:2

Navettho nllapo nenno kineerewoononga manddina a mafano mwawi khewa yuupuwelleyattho. Kineerewaavenyihamottho mwiillaponi anamallotella vamodda ni munepa wooripiha. Mi Apwiya Amasiva Mattheene koollota.

Numeri 32:38

Nebo, Sibima ni Baala Meoni (nnddina nenna naasinthiwa). Mizinda nnddo yaddimakilliiwa yaaddivaha mannddina mamodda.

Aefeso 5:12

(Tti ddoowulliha muru ollota ddeko ddineereya mwiipiphini.)

Aefeso 5:15

Sika muchenjereke ni makhallellwaanyu. Muhikhalleke wonanko athu oohidduwella koma mukhalleke wonanko athu eezeru

Deuteronomo 12:3

Mwakumulle makuwiiwa ni woononga mallukwiiwa oopatuleya. Mwawoose mafanwiiwa a Asherimu nave mwapwaramwase mafanwiiwa oosema navettho mwathiimihe manddina a millukunnddo orive weko.

Deuteronomo 4:15

“Muchenjere! Apwiya yallotilliiwa ni nyuwaano eri m'munlloni va mwaango wa Horebu nyuwaano khemoonille mooneyellwiiwa.

Deuteronomo 4:23

Sika muchenjere! Mooneseseke wi muhitiwalle echipangano eyo Apwiya Mullukwaanyu yakeraatthihalliiwa ni nyuwaano nave muhipange nifano noophwanaphwanihella erive ello eyo Apwiya Mullukwaanyu enuulamuleewani.

Deuteronomo 4:9

Sika muchenjere! Mooneseseke wi muhitiwalleke ddenndda mu okumaanyu muttheene nave mwaahuddihe ddenndda aniinyu ni edduullu ddanyu.

Deuteronomo 6:1

“Vano alla tti malamulo ni malangizo mattheene ayo Apwiya Mullukwaanyu yakilamulalliiwa wi kuuhuddiheni. Nyuwaano ni edduullu ddanyu muthwareke ddenndda mu ellapo eyo munaavolloweenyumo ni waakha.

1 Timoteo 4:16

Wiiwehereke weekhaawo ni owehera ehuddihwaawo. Ollipihelleke ddenndda kaambiiwa vaweerani ddenndda oneerewiivullusa weekhaawo vamodda ni yaayo enawiiwa weyaano.

Aheberi 12:15

Chenjerani wi arive muthu ahihokollweelle mutulli ni otathilla echisomo ya Mulluku. Chenjerani wi arive muthu ahikhalle wonanko echipaso yoowaawa ni awaambiha ddoohoosa wa athu akhwaaye.

Yoswa 22:5

Mupwatheke phaama wiiwellella malamulo ni malangizo ayo Mose oorumeyella a Apwiya uuvahilleeyeni, waakonda Apwiya Mullukwaanyu ni weeta mu ettilla ddittheddene ni osunga malamulwiiwa ni waawanddeellella alliwa nave mwaarumeyelleke ni murimaanyu muttheene ni okumaanyu muttheene.”

Yoswa 23:11

Vano muchenjere nave mwaakondeke Apwiya Mullukwaanyu.

Yoswa 23:7

Nave muhiniiwananaka ni athu alla ehanlle nave eri ni nyuwaano. Muhinaromollaka manddina a milluku ddiwa apaalle oyiromolla voollupellani apaalle oyirumeyella apaallettho oyikokhorella.