Eksodo 23:12 - Mawu a Mulluku

¹² “Ophareke mutteko mallapo matthanu ni nimodda koma va nllapo naneetthanu ni piilli ohiphareke mutteko wi eng'ombe ddawo ddiithuuweke ni abulwaaweene nave wi masiva ehokollweelle mwa akaporwaawo ni alleto.

Eksodo 23:12 Iomraidhean Croise

Nehemiya 13:16

Navettho athu ayo yakhalla mu muzinda wa Tiro yaawaana ehomba ni malonda oohiyanahiyana nave yaakulliha va nllapo na Sabata wa athu a mu Yuda mu Yerusalemu.

Eksodo 16:23

Vano Mose ahaalleella wi, “Apwiya aalamula wi, ‘Osiisello tti nllapo nawiithuuwa, na Sabata, noovelleelliwa wa Apwiya, apeyani nnddo munapaallaanyu waapeya nave arikani nnddo munapaallaanyu waarika. Ddoohallannddo muddisunge mvitthe ophiyera osiisello.’ ”

Eksodo 23:11

Koma muyakha waneetthanu ni piilli oddiithuuwiheke ematannddo. Athu oohoowa sika enaacheke ddoomella dda m'matanimmo nave enama ddamuhakani ddinaacheke ddoohalla. Weereke emoddamoddave yeeyo ni emata ddampesa ni dda olivi ddene.

Eksodo 34:21

“Muphareke mitteko ddanyu wa mallapo matthanu ni nimodda koma va nllapo naneetthanu ni piilli muhiphareke mutteko naari enthawi yoollima apaalle yoohata.

Eksodo 35:2

Muthu aphareke mitteko ddaye ddittheddene mallapo matthanu ni nimodda koma nllapo naneetthanu ni piilli tti na Sabata nawiithuuwa, nllapo noopatuleya na Apwiya. Arive muthu oophara mutteko va nllapo nenna iiphiwe.

Eksodo 35:3

Va Sabata muhikhariheke naari munllo mpa mwanyu.”

Yesaya 58:3

Athu enakoha wi, “Ethiyo ninahallella tini vawi nyu Apwiya khamunoona? Ethiyo niniikatamihella tini vawiiyevihani vawi nyuwaano khamunapwathawo.” Apwiya enallota wi, “Ollota ddawoona, nllapo nne munahalleenyu ocha, munaashaasha ddeko nnddo ddinuuvaheni mphuro nave munnaahoosa allupa muttekwaanyu attheene.

Levitiko 23:3

Va mallapo matthanu ni nimodda ophareke mitteko ddawo koma nllapo naneetthanu ni piilli tti nllapo na Sabata, nllapo nawiithuuwa, nllapo na mutthukumano woopatuleya. Tti nllapo na Sabata na Apwiya nave onisungeke orive weko onaakhallekeewe.

Mariko 2:27

Nave Yesu aamallihella ni ollota wi, “Nllapo na Sabata nakeraatthihiwe wi nikhalle nowaapindulella athu, ohiri wi athu yaphatusiwalle ekaamba yoopindulella nllapo na Sabata.

Luka 13:14

Vano muttekweene a mu enyumba yamavekello mulle aasha murima kaambiiwa Yesu aachiriha va nllapo na Sabata nave ahaalleella athu attheene wi, “Vookhalla mallapo matthanu ni nimodda oowaakhullelliwa ophara mutteko, muweeke mallapo yaalla muchirihiweke, ohikhalla va nllapo na Sabata!”