Eksodo 23:11 - Mawu a Mulluku

¹¹ Koma muyakha waneetthanu ni piilli oddiithuuwiheke ematannddo. Athu oohoowa sika enaacheke ddoomella dda m'matanimmo nave enama ddamuhakani ddinaacheke ddoohalla. Weereke emoddamoddave yeeyo ni emata ddampesa ni dda olivi ddene.

Eksodo 23:11 Iomraidhean Croise

Nehemiya 10:31

Nave athu a mitundu ddimodda amwiillaponimmo yawaana tirigu apaalle ddeko ddimodda ddookulliha va nllapo na Sabata, khenaakulla nllapo nenno naarittho va nirive nllapo naweella. Orive muyakha waneetthanu ni piilli nineerewiithuuwiha emata nave nineerokhululukella ekongoli ddittheddene.

Nehemiya 10:32

Ninimallupellattho wi orive muyakha nineerekovelleella magaramu masese a siliva awi epharihiweke mitteko dda o enyumba ya Mullukwaahu,

Eksodo 23:10

“Wa miyakha mitthanu ni mmodda, ollimeke mmiddo m'matani mwawo nave owuhateke.

Eksodo 23:12

“Ophareke mutteko mallapo matthanu ni nimodda koma va nllapo naneetthanu ni piilli ohiphareke mutteko wi eng'ombe ddawo ddiithuuweke ni abulwaaweene nave wi masiva ehokollweelle mwa akaporwaawo ni alleto.

Levitiko 25:20

Mwakoha wi, ‘Ethiyo va muyakha waneetthanu ni piilli ninaacheke tini naahaalla nave naahihata ddeko?’

Levitiko 25:22

Mwaawaallaka va muyakha waneetthanu ni raru munaakhalle muchaka ddoocha ddookonella. Ophiyera muyakha waneetthanu ni sese mwaahataka, munaachekeve ddoocha ddookonella.”

Numeri 16:14

Woonjerera vaavo khamunivollochihalle mu ellapo ya mukaka ni enwi nave khamunivahille voollima apaalle emata yampesa wi ekhalle wonanko yoohallanaahu. Ethiyo munapaalla onimara muyeepe? Hiyaano khaniwa wenko.”

Deuteronomo 15:11

Vawi enthawi ddittheddene vineerekokhalla athu oohoowa variyari vanyu, sika kinuulamulani wi athu yaalla muwoollowelleke matta.