Eksodo 22:25 - Mawu a Mulluku

²⁵ “Wamukongoliha makobiri muthu oohoowa variyari vawo, oheereke wonanko eneerelliiwa aniihu ookongoliha makobiri, ohimuwatihere ovelleella makobiri awoonjereravo.

Eksodo 22:25 Iomraidhean Croise

2 Mamwene 4:1

Nllapo nimodda, mwaara a mmodda a m'mulloko wa anamallotella aaya wa Elisha nave aaveka mookhuwa wi, “Mamunaka oyo aari oorumeyellaanyu aakhwa. Nave nyu munnadduwella wi olliye aanawoova Apwiya. Vano woophiya muthu oyo mamunaka akongonleeyewo ddeko nave anapaalla aakuse anaaka eelli wi ekhalle akaporwaaye ekaamba ya ekongoleeyo.”

2 Mamwene 4:7

Vano mutthiyanooyo aaya amutthopoollella Elisha, muthu a Mulluku. Nave olliye aamulleella mutthiyanooyo wi, “Moowe, khaweni mwakullihe makhuraayo nave mwahokollose ekongoli ddanyunnddo. Vano makobiri oohallaayo mupharihelle mutteko nyu ni aniinyu.”

Nehemiya 5:7

Sika kaaganiza m'murimani mwaka wi keerevo ello nave kahaahumullulla attekweene ni oohoollella voollotani wi, “Ethiyo tti ddawoona wi munimallivellihana naviikho anayaayove!” Nave kahiithaniha mutthukumano muullupalli wi kiwiipe mullatu.

Masalimo 15:5

Tti oyo ahinaakongoliha wi aakhellevo yawoonjerera, Tti oyo ahinaakhella ddamukaphwani, wi amuhooseke muthu oohilakwa. Muthu aweera ddenndda khawa atikheya.

Miyambo 28:8

Oyo anaanjerera eyuumaaye voowoonjererani makobiri vaddullu va ekongoli, anamuukellella muthu anaweerella echifundo oohoowa.

Yeremiya 15:10

Nyu amoowaaka, mi kookhalla ni otulli vawi mwaakiyara mi muthu ookangana ni oovaanyana ni athu a va ellapo ettheene. Ngipolleyille erive ello wa muthu apaalle omupolleya ello muthu komave athu attheene enimakitembelera.

Ezekiele 18:13

ookongoliha wi apindulevo ello apaalle waakhella yawoonjereravo. Ethiyo muthu awi ddiidda ttuukhalla ni okumi? Iyaayi, khakhalla ni okumi. Ekaamba yawi aheera ddoonanara ddittheddenenndda, aneerokhwa nave nikhame naye nineerokhalla vamuru vaye.”

Ezekiele 18:17

ookhoota weera ddoonanara oohikongoliha wi apindulevo apaalle wi aakhelle yawoonjerera, oothwara malangizwaaka ni wiiwellella malamulwaaka. Muthu awi ddiidda khakhwella va ddoolakwa dda attiitthinnya, aneerokhalla ni okumi.

Ezekiele 18:7

ahinamuhoosa arive muthu koma annamuhokollosella echikole amukongolihalleeye makobiri, khaniiya, annaachiha eettalla nave annaawariha oosiwa,

Ezekiele 18:8

ahinakongiriha wi apindulevo ello apaalle waakhella yawoonjereravo, aniihiiha weera ddoonanara nave khanaweha ekhove vookamullani millatu dda athu,

Ezekiele 22:12

Mwa weyaano mookhalla amodda awaakhella ddamukaphwani wi ewiiphe athu akhwiiwa, amodda ennaakhella ddawoonjerera wi epindule ni nnddo enakongolihiiwa. Attheenaayo aakitiwalla miyaano. Mi Apwiya Mulluku koollota.

Amosi 2:8

Virive veko voollapellavo ennakonella ddoowara yaakhenlliiwa monga echikole ovenyera wa oohoowa. Mu enyumba ya Mullukwiiwa ennamuwirya vinyo emwaakhilliiwa ovenyera wa athu yakongonre makobiriiwa.

Mateyu 25:27

Waaphwanenlle ovelleella makobiraakaayo wa oopolleyiha makobiri nave miyaano voohokollowani kaaweerewaakhella mattheene ni yoopinduleene.

Luka 19:23

Vano kaambiiwa tini wahikongolihalleewe makobiraakaayo wa oopolleyiha makobiri wi miyaano voohokollowani kaakhelle mattheene ni yoopinduleene?’

Deuteronomo 15:7

Variyari vanyu vakhalla mukhwiinyu oohoowa mwiillaponi eyo Apwiya Mullukwaanyu enuuvahiiwani, muhummeke murima apaalle omummella matta oohoowooyo.

Deuteronomo 24:13

Muyihokollose nndduwa nihinavollowe wi olliye iikhunellena mahiiyu. Mwawi ddiidda muthooyo aneerewuuthokozani nave Apwiya Mullukwaanyu eneerohakallalla ni nyuwaano.