Eksodo 22:21 - Mawu a Mulluku

²¹ “Ohimuhoose mulleto apaalle omweeriha okhalla moopaneya vawi naweenettho waari mulleto o ellapo ya Iguputo.

Eksodo 22:21 Iomraidhean Croise

Yobu 6:27

Ddawoona, ttuumukulliha naari mukhwaadduni, ttuwaakhella makobiri va okumi wa mukhwiinyu.

Masalimo 146:9

Apwiya ennaateteza alleto, ennamuseera naamukhwelle ni mukhwaadduni, koma ettilla dda athu oonanara ennaddivirikaniha.

Eksodo 20:2

“Mi tti Apwiya Mullukwaawo oyo kuukhumihalle mu okaporo o Iguputo.

Eksodo 23:9

“Ohimuhoose mulleto. Weyaano onnadduwella mmo mulleto anakhallelleeye vawi naweenettho waari mulleto o Iguputo wulle.

Yesaya 1:17

nave hudderani weera ddaphaama. Ashaashani echilungamo, akavihereni oopaniwa, atetezeni akhwaadduni ni owiimellella vamullatuni anaamukhwelle.”

Yeremiya 22:3

Apwiya enallota wi, “Mweeruzeke mweechilungamo ni moohiweha ekhove erive enthawi. Mwaatetezeke athu ayo yiiyeriwe katundwiiwa. Muhaakatamiheke alleto, akhwaadduni apaalle anaamukhwelle nave muhiwiipheke athu oohichimwa va nipuronna.

Yeremiya 7:6

Muhaahooseke alleto, akhwaadduni apaalle anaamukhwelle. Muhiwiiphe athu oohichimwa va nipuro nenna. Muhillapelleke milluku ddimodda wi muhoonongeye.

Ezekiele 22:7

Athwaawo ennavevulla attiitthiiwa ni ameewa, enaakatamiha alleto ookhalla variyari viwa, ennaahoosa akhwaadduni ni anaamukhwelle.

Levitiko 19:13

“Muhimunyingallelle mukhwiinyu apaalle omwiiyera ddeko ddaye. Muhinasunga mallivello a mullupa muttekwaanyu mahiiyu mattheene ophiyera ohinase.

Levitiko 19:33

“Muhinamuhoosa mulleto oyo ari variyari vanyu.

Levitiko 19:34

Mulleto oyo anakhalla variyari vanyu akhalle wonanko Muisraele nave mumukondeke wonanko mmo muniikondelleenyu. Vallethi mwaakhalla alleto mu ellapo ya Iguputo. Mi tti Apwiya Mullukwaanyu.

Levitiko 25:35

“Muisraele mukhwaawo akhalla oohoowa nave khanawora wiipwatha, weyaano omukavihere. Okhallekena wonanko mulleto apaalle muthu ookhalla ni weyaano wa enthawi yooyeva.

Zekariya 7:10

Muhaahooseke anaamukhwelle ni akhwaadduni, alleto apaalle oohoowa navettho omuganizera ddoonanara mukhwiinyu.’

Malaki 3:5

Apwiya Amasiva Mattheene enallota wi, “Kineerewooneyella wa nyuwaano wi keeruze nave kineerovelleella omboni wowaavaanyiha attheene ehinakoova monga amasenga, ooraruwa, oollupella mwawoottha, oowiiyera mallivello allupa muttekwiiwa, owaanyingallella anaamukhwelle, akhwaadduni ni athu eelleto.”

Deuteronomo 1:16

“Va enthawi yeelle kahaalangiza aweeruzaanywaayo wi, ‘Mwiiweke millatu nnddo ddiri variyari va athwaanyu. Muweeruzeke phaama orive mullatu, khaya wa athu a mutundwaanyu apaalle wa alleto ayo enakhalla variyari vanyu.

Deuteronomo 10:18

Ennaweeruzella phaama akhwaadduni ni anaamukhwelle nave ennaakonda alleto vawaavahani yoocha ni yoowara.

Deuteronomo 10:19

Sika mwaakondeke alleto vawi nyuwaano mwakhalla alleto o Iguputo.

Deuteronomo 15:15

Muupuwelleke wi nyuwaano mwaari akaporo o Iguputo nave Apwiya Mullukwaanyu yaawoopollani. Ella sika ekaambiiwa kinawinnyeemini lamulo nenna ollellova.

Deuteronomo 23:16

Akhalleke variyari vanyu mu orive muzi oyo anaatthoolleeye apaalle onaamuddivelle nave muhimukatamiheke.

Deuteronomo 23:7

“Muhaavevulleke Aedomu vawi alliwa tti abalaanyu. Muhaavevullekettho Aiguputo vawi khalle mwaakhalla mu ellapwiiwa.

Deuteronomo 24:17

“Mulleto apaalle mukhwaadduni muhimweeruzeke moohilungama. Nave naamukhwelle muhikuseke yawiikhuneellanaaye wi ekhalle echikole ya ekongoli.

Deuteronomo 27:19

“ ‘Atembeleliwe arive muthu aweeruza moohilungama alleto, akhwaadduni ni anaamukhwelle.’ “Nave athu attheene yaakhulle wi, ‘Amen!’