Eksodo 22:20 - Mawu a Mulluku

²⁰ “Arive muthu oovelleella mukutho wa milluku, ohiri wa Apwiyave, iiphiwe.

Eksodo 22:20 Iomraidhean Croise

1 Mamwene 18:40

Vaavo Eliya aalamula wi, “Aphareni anamallotella attheene a Baala. Ahithawe naari mmodda.” Sika yahaaphara attheenaayo nave Eliya aakitthellana o muhinje wa Kishoni, awiiphella wenko.

2 Mamwene 10:25

Vano Yehu amallihalle ovelleella mukutho wooshellelliha ahaalleella akhoto ni akapitawo wi, “Vollowani muwiiphe! Ahithawe naari mmodda.” Alliwa yaavollowa, ewiipha attheene ayo yaari mwemmo, etathillella mitembo ddiwa vaatte. Yaavollowattho mu echipinda yamuwari ya enyumbeeyo.

2 Epilli 15:13

Nave yahiiwanana wi oyo ahinaallapelleke Apwiya Mulluku a Israele iiphiweke, mung'onong'ono apaalle muullupalli, mullopwana apaalle mutthiyana.

Eksodo 23:9

“Ohimuhoose mulleto. Weyaano onnadduwella mmo mulleto anakhallelleeye vawi naweenettho waari mulleto o Iguputo wulle.

Eksodo 32:8

Aahiya khalle mwawaakuva ddittheddene kaalamulelleemi wi eddeereke. Yooddoopella weekhiiwa musaanaang'ombe a golide aweeka nave enimamullapella ni omuvelleellella mikutho ni ollota wi, ‘Aisraele, olla sika mullukwaahu oyo anikhumihalle o Iguputo.’ ”

Eksodo 34:15

Muhikeraatthiheke echipangano ni athu a ellapo yeeyo kaambiiwa yaachimwaka voollapellani milluku ddiwa ni ovelleella mikutho apaalle ttuuwiithanani wi muchena yoocha ya mikutho ddiwannddo.

Ezekiele 20:7

Kahaalleella attheene wi, ‘Arive muthu atathille ddoonanara ddaye ddittheddene nnddo ddamuhakallalliha nave ahiiripihe ni mafano a o Iguputo, Mi tti Apwiya Mullukwaanyu.’

Levitiko 17:7

Sika mikutho ddiwa ehiddiivelleellelle milluku ddeepuri nnddo enaddoonihelliiwana ohiroromelleya wa Apwiya. Nenno nikhalle lamulo wa enthawi yoohimalla wa mibado ddittheddene.”

Levitiko 19:33

“Muhinamuhoosa mulleto oyo ari variyari vanyu.

Malaki 3:5

Apwiya Amasiva Mattheene enallota wi, “Kineerewooneyella wa nyuwaano wi keeruze nave kineerovelleella omboni wowaavaanyiha attheene ehinakoova monga amasenga, ooraruwa, oollupella mwawoottha, oowiiyera mallivello allupa muttekwiiwa, owaanyingallella anaamukhwelle, akhwaadduni ni athu eelleto.”

Numeri 21:3

Apwiya yahiiwa mawu a Aisraelaayo nave yahaavelleella Akanani m'mattani mwiwa. Aisraele yaawoononga Akanani ni mizinda ddiwa ddene. Sika nipuronno yaaniromolla wi Horoma.

Deuteronomo 10:18

Ennaweeruzella phaama akhwaadduni ni anaamukhwelle nave ennaakonda alleto vawaavahani yoocha ni yoowara.

Deuteronomo 18:20

Koma arive namallotella oollotella mu nnddina naka, miyaano kihimulamunle apaalle oollotella mu nnddina na milluku ddimodda, olliye iiphiweke.’

Deuteronomo 23:8

Waambeella va mbado waneeraru ophiyera muhoollo edduullu ddiwa ttuuvollowana mu mutthukumano wa Apwiya.”

Deuteronomo 24:17

“Mulleto apaalle mukhwaadduni muhimweeruzeke moohilungama. Nave naamukhwelle muhikuseke yawiikhuneellanaaye wi ekhalle echikole ya ekongoli.