Eksodo 22:18 - Mawu a Mulluku

¹⁸ “Muthu aamutthiyana oweera ddookhwiri, iiphiwe.

Eksodo 22:18 Iomraidhean Croise

Yesaya 19:3

Kineerolepheliha ddoolinga dda Aiguputo mwawi eneerotathilla murima nave eneerekoveka ezeru wa mafano, oollota ni minepa, awoombesa ni amanyaka.

Yeremiya 27:10

Ennawoottotthani, adanaanyu eneerewuuvenyihani mwiillaponi mwanyu, wuuyaanani woorekama. Kineerowiikarihani nave muneerewoonongeya.

Yeremiya 27:9

Sika muhiwiiwellelle anamallotellaanyu, awoombesaanyu, oottaphullellaanyu ddoolloha, amavuwaanyu ni amasengaanyu, yaawuulleellakani wi muhimurumeyelle mwene a o Babiloni.

Levitiko 18:23

Mullopwana apaalle mutthiyana ahikone ni erive enama wi ahiiripihena yeeyo, tti ello yoonanara wunchichi.”

Levitiko 19:26

“Muhiche enama eri ni nikhame, Muhoombeseke makhanga apaalle weera ddookhwiri.

Levitiko 19:31

“Muhinayaaka wa athu oollota ni minepa dda athu ookhwa apaalle wa amanyaka. Muhinawaashaashaka wi ehuuripiheni. Mi tti Apwiya Mullukwaanyu.

Levitiko 20:27

“Mullopwana apaalle mutthiyana oollota ni minepa dda athu ookhwa apaalle amanyaka yiiphiwe voovokhiwani malluku nave nikhame niwa nikhalle va muru viwa.”

Levitiko 20:6

“Muthu oollota ni minepa dda athu ookhwa apaalle amanyaka, anaddoonihella ohiroromelleya wa miyaano voowaathwarani alliwaayo, kineeromureya etulli nave kineeromuvenyiha variyari va Aisraele akhwaaye.

Mitteko 19:19

Anchichi a ayo yaari amasenga yaawaana mabukhwiiwa vamodda nave yoosiwa vamiitthoni va athu. Yeerengiwiiwa vamodda mutengo wa mabukhwaayo waari muullupalli.

Agalatiya 5:20

mu ollapella mafano ni okhwiri. Athu enniitana nave ennawana; ennakhallellana ehache, osha murima ni wiikonda. Ennakawaneya millokomilloko;

Deuteronomo 27:21

“Atembeleliwe arive muthu ookona ni enama. “Nave athu attheene yaakhulle wi, ‘Amen!’

Yawuupullulla 22:15

Koma otte wa muzindooyo wookhalla anapwa, ayo eri athu aweera ddookhwiri, ddooraruwa ni ddawiipha, ayo enallapella nifano nave ayo eri awoottha mu mawu ni m'mittekoni ddiwa.

1 Samuele 28:3

Enthawi yeella Samuele aari akhwille khalle nave Aisraele attheene emwinllelle nave emuvitthalle owaniwa o Rama. Vano Saulo aari aavenyihallewo athu oollota ni minepa owaakattho athu attheene awoombesa makhanga a mwiillaponimmo.

1 Samuele 28:9

Mutthiyanooyo aallota wi, “Nyu muneerathi phudda nndda mudduwellaka nnddo eerille mwene Saulo. Keesa valle aawiikaramo mwiillaponimmu athu attheene oollota ni mitthowa ni awoombesa makhanga? Kaambiiwa tini munakireyeenyu musampha wi kiiphiwe?”