Eksodo 21:2 - Mawu a Mulluku

² Mwamukulla kaporo a Eheberi, aneerowuupharellani mutteko wa miyakha mitthanu ni mmodda nave mumuttaphulleke m'muyakhani waneetthanu ni piilli, voohikhallattho ekongoli.

Eksodo 21:2 Iomraidhean Croise

Genesis 27:28

Mulluku uuvahe nikame nooddullu nave emata ddawo ddikhalle ni ethaya yaphaama. Uuvahe ddoocha ni ddoowirya ddinchichi.

Genesis 27:36

Vaavo Esau aallota wi, “Nngu tti waneepiilli akillekaka. Kheviri yoottikhiniha, valle nnddina naye tti Yakobo. Ottekweenaaka aakaakha nave ollello ookaakhattho madaliswaaka. Ethiyo khamukisungenllewo madaliso amodda?”

2 Mamwene 4:1

Nllapo nimodda, mwaara a mmodda a m'mulloko wa anamallotella aaya wa Elisha nave aaveka mookhuwa wi, “Mamunaka oyo aari oorumeyellaanyu aakhwa. Nave nyu munnadduwella wi olliye aanawoova Apwiya. Vano woophiya muthu oyo mamunaka akongonleeyewo ddeko nave anapaalla aakuse anaaka eelli wi ekhalle akaporwaaye ekaamba ya ekongoleeyo.”

Nehemiya 5:8

Nave kaallota ni alliwa wi, “Naawora owoopolla Ayuda akhwiihu ayo yiikullihalle wa mitundu ddimodda koma vano nyuwaano munaawatihera wi yiikullihe wa nyuwaano!” Athwaayo yaari mi ellapo tuu orama yoollota.

Eksodo 12:44

Koma arive kaporo oyo aakulliwe ttuucha, aphaddiwe.

Eksodo 21:3

Aarimi aari yeekha aweeye, anaavenyewottho yeekha. Koma aarimi aari ni mwaariye aweeye, aneerovenyawo ni mwaariyooyo.

Eksodo 21:7

“Muthu amukulliha mwanaye aamutthiyana wi akhalle kaporo, mwaanooyo khattaphulliwa wonanko mmo eneerelliiwa ni akaporo aallopwana.

Eksodo 22:3

Koma iiphiwa osille, nndduwa nikhumalle, amwiiphallooyo allakiwe ekaamba ya nikhame naye. Arive mullupaawiiya anaphwanella ollivella. Mullupaawiiya aphariwa nave alephela ollivella mullatu, emukullihe ekaamba ya wiiyanko.

Levitiko 25:54

Aahoopolliwa mwa ettilla ddenndda, anaawoopolliwe va muyakha woohakallallella miyakha 50, olliye ni anaaye.

Mateyu 18:25

Mullupa mutteko yoolla khaarina ddookwakhwanella ohokollosa ekongoleelle, sika mwenoolle aalamulella wi yooyo akullihiwe wonanko kaporo ni mwaariyeene ni anaaye ni ddittheddene aariiyena wi ekongoleelle ehokollosiwe.

1 Akorinto 6:20

Mwaakulliwa nave aallivella, sika pharihani miilli ddanyu wi mumutitimihe Mulluku.

Deuteronomo 15:1

Wamalla orive muyakha waneetthanu ni piilli, mukhululukelleke ekongoli ddanyu ddittheddene.

Deuteronomo 15:18

Oohinanariwa voomuttaphullani kaporo vawi olliye ahuurumeyellani va miyakha mitthanu ni mmodda, hafu a mutengo wa mullupa mutteko. Sika Apwiya Mullukwaanyu eneerewuudalisani va mitteko ddanyu ddittheddene.”

Deuteronomo 31:10

Mose ahaalamula attheenaayo wi, “Omodda va orive muyakha waneetthanu ni piilli, va muyakha wa ottaphulliwa, Mweerengeke lamulonna va Ehakallallo ya Misasa.