Eksodo 21:13 - Mawu a Mulluku

¹³ Koma amwiipha muthu moohidduwella koma kakhalla wi tti miyaano Mulluku keerihalle wi ddimweereyelle, muthooyo ttuuwora othawella onipuroni nko kinuuvaheemini.

Eksodo 21:13 Iomraidhean Croise

2 Samuele 16:10

Koma mwenooyo aamwaakhulla wi, “Vaava yaanyu erivo tti tini, nyu anamwani a Zeruya? Olliyoolla aarimi akiruwanaka ekaamba yawi Apwiya sika emurumalle wi, ‘Muruwane Davidoolla,’ Ttaani anaamukohe wi, ‘Kaambiiwa tini oneereewe ddenndda?’ ”

Yesaya 10:7

Koma mwene a o Asiriya khanadduwella ddenndda nave murimaaye khonaganiza mwawi ddiidda. Vawi murimaaye ori va woononga ni otthollosa mitundu ddinchichi dda athu.

Mika 7:2

Athu oororomelleya aamalla va ellapo yavatthi, khaavo naari mmodda oolungama. Attheene enniipitthellana wi emorihe nikhame, arive muthu annamusaya mbalaaye ni nthavi.

Numeri 35:6

Mwaavahe Alevi mizinda mitthanu ni mmodda wi ddikhalle ddoothawellamo muthu amwiipha mukhwaaye moohidduwella. Woonjerera va ddennddo mwaavahettho mizinda 42.

Deuteronomo 19:14

“Mu yoohallana eyo munaawaakhellenyu mwiillaponi eyo Apwiya Mullukwaanyu enuuvahiiwani, muhisuseke malire a mukhwiinyu ayo yakeraatthihiwe ni makhollo khalle.”

Yoswa 20:1

Apwiya yaamulleella Yoswa wi,

1 Samuele 24:10

Mohoonathi nyookhaanyu wi Apwiya yaakivaha ekari wi kiweerelleni yoopaallaaka ollello munikhunguni mulle. Amodda yaanakiwatihera wi kiwiipheni koma kuuhiyalleni phudda. Kaallota wi, ‘Ngaavoreya apwiya vawi tti mwene oozoziwa a Apwiya.’

1 Samuele 24:18

Ollello wookoonihella ophaamaawo ottheene voohikiiphani naari Apwiya yakivelleelle m'mattani mwawo.

1 Samuele 24:4

Vaavo athu a Davidaalle yaamulleella wi, “Enthawi yookwakhwana elle Apwiya yuulleelliiwani wi, ‘Kineerewuuvaha ekari wi waagonjihe adanaawo.’ ” Vano Davide aatimulla mwawiitta aya aphadda echigamba otthoka wa mukanjo wa Saulo olliye ahidduwellaka.