Eksodo 21:1 - Mawu a Mulluku

¹ “Vano waalleelle Aisraele malamulo wi,

Eksodo 21:1 Iomraidhean Croise

1 Mamwene 6:12

“Ollota dda enyumba onamakeeweella, waawiiwellellaka mawaaka ni malangizwaaka ni othwara malamulwaaka mattheene kineerokwakhwanihella oweella mwa weyaano lonjezano nno kakeraatthihalleemi ni attiittho Davide.

2 Epilli 19:10

Vakhalla mullatu wa abalaanyu ayo enakhalla m'mizindani ddiwa, apaalle mullatu wawiipha apaalle woohiiwellella malamulo ni malangizo apaalle ddookamulla ddimodda, mwaalangizeke wi ehichimweke vamiitthoni va Apwiya. Sika Apwiya kheyuushellani murima ni abalaanyu. Mweereke ddiiddo wi muhichimwe.

Nehemiya 10:29

hiyaano attheene nahiiwanana ni abalaahu, oohoollellaahu, nillupella wi nineereweeta mu malamulo a Mulluku ayo yavelleelliwe oweella mwa Mose oorumeyella a Mulluku. Sika nineerewiiwellella malamulo mattheene ayo Apwiya Mullukwaahu yanilamulelliiwa nave nineerosunga malangizwiiwa mattheene. Nave nitembeleliwe naahiiwellella apaalle weera ddenndda.

Masalimo 147:19

Ennamudduwelliha Yakobo mawiiwa, ennamuhuddiha Israele malamulwiiwa ni malangizwiiwa.

Eksodo 19:7

Sika Mose aawiithana oohoollella a Aisraele nave ahaalleella ddittheddene nndde Apwiya yamulamulalliiwa.

Ezekiele 20:11

Kahalangiza wenko ni waahuddiha malamulwaaka ayo yaavaha okumi athu oowiiwellella.

Ezekiele 20:25

“Woonjerera vaavo kahaavaha malamulo ayo yahaari aphaama ni malangizo ayo yahaavahille okumi.

Levitiko 18:26

Koma nyuwaano muthware malamulwaaka ni weera nnddo kuulamulalleemini. Muhineera erive ello mwa ddooripihiwa ddenndda naari muri nyu Aisraele apaalle mulleto ookhalla variyari vanyu.

Levitiko 18:5

Sika vano mweereke nnddo kinuulamuleemini. Mwiiwellelleke nave muthwareke malamulwaaka wi mukhalle ni okumi. Mi tti Apwiya.

Levitiko 19:37

Muthwareke malamulwaaka mattheene nave mwiiwellelleke moollikana ni mmo kuulamulelleemini. Mi tti Apwiya.”

Levitiko 20:22

“Sika vano muthwareke malamulwaaka nave mwiiwellelleke ddittheddene kinuulamuleemini wi ellapo munayeenyu wi mwakhallekemweeyo ehuurapheyeni.

Malaki 4:4

“Upuwellani ehuddiho ya Mose oorumeyellaaka, malamulo ni malangizo kamwinnyalleemi va mwaango wa Horebu wi Aisraele attheene yiiwellelleke.

Numeri 35:24

vaavo athu attheene yeeruze variyari va muthu awiiphooyo ni mbalaaye a awiiphiwooyo moollikana ni malangizo yaalla.

Numeri 36:13

Yaalla tti malamulo ni malangizo ayo Apwiya yaalamulalliiwa Aisraele oweella mwa Mose mu matapo a o Mowabu vakhuviru ni muhinje wa Yordani o Yeriko.

Mateyu 28:20

Nave mwaahuddihe wi yiiwellelleke ddeko ddittheddene kuulamulalleemini nyuwaano. Nave miyaano kiri ni nyuwaano mallapo mattheene ophiyera omalla wa ellapo yavatthimva.”

Deuteronomo 15:12

“Muheberi mukhwiinyu, mullopwana apaalle mutthiyana, iikulliha wa nyuwaano, mumuttaphulleke uurumeyellani miyakha mitthanu ni mmodda. Va muyakha waneetthanu ni piilli, mumuttaphulle wi aroweke mwamurendelle.

Deuteronomo 4:14

Enthawi yeeyo Apwiya yaakilamula wi kuuhuddiheni malamulo ni malangizo awi mwiiwellelleke mwiillaponi munaavolloweenyumo ni waakha.”

Deuteronomo 4:45

Alla sika malamulo, mawu ni malangizo ayo Mose aalleelleeye Aisraele ekhumalle mu Iguputo.

Deuteronomo 4:5

“Kahuuhuddihani malamulo ni malangizo mattheene moollikana ni mmo Apwiya Mullukwaaka yaakilamulelliiwa. Mwiillaponi eyo munaavolloweenyumo ni waakha, mwiiwellelleke malamulo yaalla.

Deuteronomo 4:8

Nave ethiyo tti mutundu muullupalli oovi oyo ori ni malamulo ni malangizo oolungama wonanko alla kuuhuddihalleemini ollello?

Deuteronomo 5:1

Mose ahaatthukumaniha Aisraele attheene aalleella wi, “Nyu Aisraele, iwellellani malamulo ni malangizo mattheene kinuulleelleemini ollello. Mwaahuddere nave moonesese wi munnaasunga.

Deuteronomo 5:31

Koma weyaano Mose okhalle wuno ni miyaano nave kineerowinnya malamulo ni malangizo mattheene. Ddittheddenenndda waahuddihe athu wi ewiiwellelleke malamulwaayo mwiillaponi eyo kinaavaheemi.’

Deuteronomo 6:1

“Vano alla tti malamulo ni malangizo mattheene ayo Apwiya Mullukwaanyu yakilamulalliiwa wi kuuhuddiheni. Nyuwaano ni edduullu ddanyu muthwareke ddenndda mu ellapo eyo munaavolloweenyumo ni waakha.

Deuteronomo 6:20

“Muhoollommo aniinyu yaawuukohakani wi, ‘Ethiyo kaambiiwa tini Apwiya Mullukwaahu yanilamulalliiwa wi niiwellelleke malamulo ni malangizo mattheene?’

1 Atesalonika 4:1

Voomallihella, asinnihu ni arokorihu, mwahiiwa ovenyera wa hiyaano dda makhallello oomuhakallalliha Mulluku. Munnattakihera yaalla. Nave vano ninuuvekani mu nnddina na Apwiya Yesu wi mweereke ohiyana ni khalle.